Մուտք

Invalid username or password

Մոռացե՞լ եք գաղտնաբառը

Կա վերաֆինանսավորման ռիսկ

Վերադարձ լուրերի բաժին

20:54 , 26 Հունիս 2020

Կառավարություններն իրական տնտեսությանն աջակցություն ցուցաբերելու ընթացքում պետք է նաև ուշադիր հետևեն ֆինանսական համակարգին և պահպանեն ֆինանսական կայունություն: Արժույթի միջազգային հիմնադրամը ներկայացրել է համաշխարհային ֆինանսական կայունության զեկույցը: Զեկույցում նշվել է, որ թեև ֆինանսական պայմանները թեթևացել են, բայց անվճարունակների թիվը սկսել է աճել: Economood.am-ն առանձնացրել է այն հիմնական թեզերը, որոնք առկա են ներկայացված զեկույցում: Ըստ զեկույցի՝ 2020 թ.-ի սկզբին անկումից հետո ակտիվների գները սկսել են վերականգնվել, իսկ տոկոսադրույքները նվազել են, որը հանգեցրել է ֆինանսական պայմանների ընդհանուր թուլացման:

Զեկույցում նշվել է, որ ճգնաժամային պայմաններում կենտրոնական բանկերի արագ և համարձակ գործողություններն ինչպես զարգացած, այնպես էլ զարգացող երկրներում խթանել են տնտեսությունը՝ նպաստելով ֆինանսական պայմանների մեղմացմանը: Հսկայական անորոշության պայմաններում ֆինանսական շուկաների և տնտեսության իրական հատվածի միջև առաջացել է անջրպետ, որը կարող է վտանգ դառնալ տնտեսության հետագա վերականգնման, ներդրումների ներգրավման տեսանկյունից:

Կորոնավիրուսի համաճարակի պայմաններում որոշ վարկառուների համար պարտքի բեռը կարող է դառնալ անկառավարելի, իսկ որոշ երկրներում անվճարունակ վարկառուների առկայության արդյունքում առաջացող կորուստները կարող են փորձարկել բանկային համակարգի դիմադրողականությունը: Որոշ զարգացող շուկայական տնտեսություններ կանգնած են վերաֆինանսավորման ռիսկերի առաջ:

Իշխանություններն իրական տնտեսությանն աջակցություն ցուցաբերելով պետք է նաև ուշադիր հետևեն ֆինանսական համակարգին և պահպանեն ֆինանսական կայունություն: Զեկույցին մանրամասն կարող եք ծանոթանալ այստեղ՝ Imf.org :

ԱՄԵՆԱԿԱՐԴԱՑՎԱԾ ԼՈՒՐԵՐ