Մուտք

Invalid username or password

Մոռացե՞լ եք գաղտնաբառը

Կարևոր է կառավարության և Հայաստանի փորձագիտական հանրության միջև աշխատանքային հարաբերությունների հաստատումը

Վերադարձ լուրերի բաժին

18:16 , 22 Ապրիլ 2019

ՀՀ կառավարությունն ու տարբեր ոլորտներում, հատկապես տնտեսագիտության ոլորտում փորձագիտական հանրությունը պետք է համագործակցեն: ՀՀ վարչապետ Նիկոլ Փաշինյանը ԵՊՀ տնտեսագիտության և կառավարման ֆակուլտետի ուսանողների ու պրոֆեսորադասախոսական կազմի հետ հանդիպմանը կարևորեց Հայաստանում փորձագիտական ինստիտուտների զարգացումը:

Պրոֆեսորադասախոսական կազմի անդամ Թաթուլ Մանասերյանը դիտարկումներ արեց կրթության և գիտության ոլորտի վերաբերյալ: Նա նկատեց, որ շատերն ավարտում են բուհն ու գնում արտերկիր:

«Շատ կարևոր է հասկանալ, թե ինչպես պետք է կառուցվեն կառավարության և տնտեսագիտական հանրության հարաբերությունները: Այսօր կա տնտեսական մոդելի մի պատկերացում, որը վստահության մանդատ է ստացել ՀՀ քաղաքացիների կողմից, և տնտեսագիտական հանրությունը իր մոտեցումներով ու առաջարկներով պետք է իր տեսլականը ներկայացնի, թե ինչպես պետք է այդ մոդելը կյանքի կոչվի: Առանց քաղաքական տեսլականի ոչ մի տնտեսագիտական քննարկում վերջնական իմաստ չի ստանում: Կարևոր է, որ խնդիրն իրականացնելու համար քաղաքացիներից ստացել ենք մանդատ, և շատ կարևոր է, որ այդ մանդատը հնարավորինս արդյունավետ իրականացնելու համար կարողանանք կառուցողական հարաբերություններ հաստատել տնտեսագիտական հանրության հետ»,- ասաց վարչապետ Փաշինյանը:

Nikol_Pashinyan_at_YSU_22-04-19-5

Նա նկատեց, որ տնտեսական գործընթացները պետք է զարգանան որոշակի քաղաքական տեսլականի շրջանակում և նշեց, որ իրենց ներկայացրած տեսլականը միանշանակ չի ապացուցել իր ճշմարտացիությունը, քանի որ աշխարհում չկա մի տեսլական, որը 100 տոկոսով իր ճշմարտացիությունն ապացուցած լինի: Վարչապետը վստահեցրեց՝ կառավարությունն այդ մոդելի իրագործման համար վերցրել է քաղաքական պատասխանատվություն, ժողովրդից ստացել է մանդատ, և տնտեսագիտական հանրության հետ հարաբերությունները պետք է կառուցվեն այս տրամաբանության մեջ: «Կառավարման հետ կապված ամենամեծ խնդիրն այն է, որ փորձագիտական հանրություն-կառավարություն համագործակցության խնդիր կա: Կառավարությունն այսօր ցանկացած խնդրի լուծման համար փորձագետներ է հրավիրում արտերկրից՝ դրա համար վարկեր ու գրանտներ վերցնելով:

Փորձագիտական ինստիտուտը պետք է էականորեն ուժեղանա: Տեսակետներ կան, թե Հայաստանի փորձագիտական ներուժի մեխանիզմներն այն աստիճանի հղկված չեն, և եթե սկսենք տեղական փորձագիտական հանրության հետ աշխատել, շատ բաներից ետ կմնանք: Սակայն ես կարծում եմ, որ այդ ժամանակն արժե ծախսել, որ ունենանք ուժեղ փորձագիտական ինստիտուտներ բոլոր ոլորտներում»,- ասաց Փաշինյանն ու հավելեց, որ այդ ներուժը հիմնականում կենտրոնացած է համալսարաններում:

ԱՄԵՆԱԿԱՐԴԱՑՎԱԾ ԼՈՒՐԵՐ

Ապառիկ վարկերի ակցիա գարնանային տոների նախօրեին

ՎՏԲ-Հայաստան Բանկն առաջարկում է ապառիկ վարկեր տարատեսակ ապրանքների և ծառայությունների ձեռքբերման համար՝ սկսած 30 հազ. ՀՀ դրամից մինչև 1,5 մլն. ՀՀ դրամ գումարի չափով, տարեկան՝ 0% -ից մինչև 21,5% տոկոսադրույքով (փաստացի տոկոսադրույք՝ 18,7% -24%), 3-60 ամիս վարկի գործողության ժամկետով:

Կոնվերս Բանկը ճանաչվել է «Առեւտրի ֆինանսավորող լավագույն բանկը Հայաստանում» ըստ Global Finance-ի

Կոնվերս Բանկին առևտրի ֆինանսավորման ոլորտում բազմիցս շնորհվել են պատվավոր մրցանակներ՝ այդ թվում երկու տարի անընդմեջ Բանկն արժանացել է ՎԶԵԲ-ի «Տարվա գործարք- Կանաչ առևտուր» և Commerzbank AG բանկի «Trade Finance Award» մրցանակներին:

Ընդլայնվում է հակաճգնաժամային 25-րդ միջոցառման շահառուների ցանկը

Վարչապետ Նիկոլ Փաշինյանը հավելեց, որ եթե նախկինում մինչև 7 նստատեղ ունեցող ավտոմեքենաներով բիզնես անողները չէին կարող օգտվել ծրագրից, այս փոփոխությամբ արդեն կարող են: