Մուտք

Invalid username or password

Մոռացե՞լ եք գաղտնաբառը

Կարեն Կարապետյանը մի շարք հանձնարարականներ է տվել

Վերադարձ լուրերի բաժին

17:15 , 06 Հոկտեմբեր 2016

ՀՀ կառավարության նիստից առաջ ՀՀ վարչապետ Կարեն Կարապետյանը մի շարք հանձնարարականներ տվեց:

Առաջին հանձնարարականը վերաբերում էր գնումներին: Նա նշեց, որ այս հարցի վերաբերյալ կա հանձնարարական, ստացվել են որոշակի նյութեր, քննարկվել, և ելնելով դրանից՝ Ֆինանսների նախարարին հանձնարարեց երկուշաբաթյա ժամկետում ներկայացնել գնումների մասնակի կենտրոնացման վերաբերյալ իրավական ակտերի նախագիծ, ինչը պետք է հիմնված լինի որոշակի կանոնների վրա:

«Առաջին՝ պարբերական սպառման բնույթ ունեցող ապրանքների, ծառայությունների կամ աշխատանքների գնումներն ամբողջությամբ պետք է իրականացվեն կենտրոնացված եղանակով մասնագիտացված կառույցի կողմից պատվիրատուների համախմբված պահանջարկի հիման վրա: Այդ գնումների ցանկը կսահմանվի կառավարության որոշմամբ: Երկրորդ՝ պայմանագրի կատարման արդյունքների ընդունման գործընթացը հարկավոր է դարձնել էլեկտրոնային, որտեղ պայմանագրի գծով ընդունման-հանձնման կետերը, վճարման հանձնարարականները կուղարկվեն, կստացվեն և կհաստատվեն միայն էլեկտրոնային եղանակով»,- ասաց Կարեն Կարապետյանը:

Երկրորդ հանձնարարականն առնչվում էր պետության կողմից քաղաքացիներին մատուցվող ծառայություններին: Կարեն Կարապետյանն ասաց, որ կատարվել են որոշակի ուսումնասիրություններ, և ելնելով դրանից՝ հանձնարարեց ի գիտություն ընդունել, որ պետական մարմինների կողմից մատուցվող ծառայությունների որակի և արդյունավետության բարելավման խնդիրը կառավարության համար գերկայություն է համարվում, և օրենսդրական նախագծերի տեսքով ներկայացվող նոր կարգավորումներում հաշվի առնել այս հանգամանքը, բնակչությանն այդ ծառայությունները թե ժամանակի, թե տարածության, թե որակի առումով հնարավորինս մատչելի դարձնելու նպատակով ուսումնասիրել և Արդարադատության նախարարություն ներկայացնել գերատեսչությունների կողմից մատուցվող ծառայությունների ցանկը, նկարագրում՝ մատուցման գործընթացը և պահանջվող փաստաթղթերը: Արդարադատության նախարարին Կարեն Կարապետյանը հանձնարարեց ամփոփել պետական մարմինների կողմից ներկայացված տեղեկատվությունը և կառավարության աշխատակազմ առաջարկություն ներկայացնել:

Կարեն Կարապետյանը Կառավարության աշխատակազմի ղեկավար-նախարարին հանձնարարեց այս խնդիրների լուծման նպատակով երկօրյա ժամկետում ձևակերպել առանձին հանձնարարականներ՝ նշելով կատարման պատասխանատուներին և ժամկետները: Պետական կառավարման համակարգի պարզեցման և բյուջետային ծրագրերի ռազմավարական պլանավորման գործընթացի առնչությամբ վարչապետը հանրապետության գործադիր մարմինների ղեկավարներին հանձնարարեց տասնօրյա ժամկետում կառավարության աշխատակազմ առաջարկություններ ներկայացնել կառավարության այն որոշումների վերաբերյալ, որոնք նպատակահարմար է ընդունել գործադիր մարմնի ղեկավարի մակարդակով: Աշխատակազմի ղեկավար-նախարար Դավիթ Հարությունյանին հանձնարարվեց ամփոփել ստացված առաջարկությունները և ներկայացնել փոփոխությունների առաջարկներ համապատասխան իրավական ակտերում: «Եթե մի խոսքով ասեմ, մենք որոշումներ կայացնելու որոշակի մասն ապակենտրոնացնում ենք» ,- ասաց վարչապետը:

«BUSUU» լեզուների ուսուցման հավելված՝ Վիվա-ՄՏՍ-ի բաժանորդների համար

2878 կարճ համարին ուղարկվող SMS հաղորդագրությունների համար հավելյալ գումար չի գանձվում: Ռոումինգում գտնվելիս, SMS հաղորդագրությունների համար վճարը գանձվում է համապատասխան ուղղության սակագների հիման վրա:

Ռալֆ Յիրիկյանը «Առաջնորդության դպրոցի» ուսանողներին ներկայացրել է Վիվա-ՄՏՍ-ի փորձը կառավարման ոլորտում

Դասախոսության ավարտին Ռալֆ Յիրիկյանը հորդորել է երիտասարդներին սահմանել նպատակներ ու ձգտել դրանց իրագործմանը:

Ucom-ը երկարացնում է անասահմանափակ ինտերնետի առաջարկը Level up 4700 և Level up 5500 բաժանորդների համար

Բաժանորդները կշարունակեն օգտվել անսահմանափակ ինտերնետից մինչև 2022 թվականի հունվարի 31-ը: