Մուտք

Invalid username or password

Մոռացե՞լ եք գաղտնաբառը

Կառավարությունն արտոնություն է տրամադրել տրիկոտաժի արտադրությամբ զբաղվող ևս մեկ ձեռնարկության

Վերադարձ լուրերի բաժին

22:47 , 03 Հոկտեմբեր 2019

Կառավարությունը հերթական նիստի ընթացքում փոփոխություններ և լրացումներ է կատարել նախկինում ընդունած որոշումներից մեկում, որով «Սաթենկար» ՍՊԸ-ին տրվել էր ներդրումային ծրագրի շրջանակում ապրանքների ներմուծման դեպքում ավելացված արժեքի հարկի գումարների վճարման ժամկետը երեք տարով հետաձգելու արտոնությունից օգտվելու թույլտվություն: Ժամկետի երկարաձգման փոփոխությունը պայմանավորված է ներմուծվող ապրանքների ցանկում նոր հումաքտեսակների ավելացմամբ, որոնք նախատեսվում է ներմուծվել երկու տարվա ընթացքում:

Ընկերությունը գործում է 2002 թ.-ից. ՀՀ Արագածոտնի մարզում զբաղվում է տրիկոտաժի արտադրությամբ: Առաջին փուլով ներմուծվել է մոտ 286.5 մլն դրամի հումք: Ներկայումս անհրաժեշտություն է առաջացել երկրորդ փուլով ներմուծել մոտ 300 մլն դրամի հումքի լրացուցիչ խմբաքանակ: Համաձայն ընկերության տրամադրած տեղեկատվության` ներդրումային ծրագրի շրջանակում ընկերությունում ստեղծվել է 14 նոր աշխատատեղ և իրականացվել 181.2 մլն դրամի ներդրում: Արդյունքում ընկերությունում երեք տարվա ընթացքում կստեղծվի 10 նոր աշխատատեղ` 95 հազար դրամ միջին աշխատավարձով:

ԱՄԵՆԱԿԱՐԴԱՑՎԱԾ ԼՈՒՐԵՐ

«Լիդիանը» հայտարարում է նոր բարենպաստ դատական ակտի մասին

Ընկերությունը կառավարությանը կոչ է արել վերականգնել իր իրավունքները: