Մուտք

Invalid username or password

Մոռացե՞լ եք գաղտնաբառը

Կառավարությունն առաջարկում է գազալցակայանների հանդեպ կիրառվող ակցիզային հարկը գանձել այնպես, որ սպառողները չտուժեն

Վերադարձ լուրերի բաժին

23:41 , 15 Փետրվար 2019

Կառավարությունն այսօրվա նիստում հավանություն է տվել «ՀՀ հարկային օրենսգրքում փոփոխություն կատարելու մասին» ՀՀ օրենքի նախագծի վերաբերյալ կառավարության օրենսդրական նախաձեռնությանը: Գործադիրից b4b.am-ին հայտնեցին, որ նախագծի ընդունման նպատակը սեղմված բնական գազի՝ ակցիզային հարկով հարկման համար հիմք հանդիսացող չափման միավորի փոփոխությամբ տրանսպորտային միջոցը գազով շահագործող շուրջ 700 հազար սպառողների իրավունքների պաշտպանությունն է և այս ոլորտում իրականացվող հարկային վարչարարության արդյունավետության բարձրացումը:

_TM_4306

Օրինագծով առաջարկվում է սեղմված բնական գազի՝ ակցիզային հարկով հարկման նպատակով կիրառվող չափման միավորը՝ 1000 խորանարդ մետրը, փոխարինել 1 տոննայով՝ զուգահեռաբար վերահաշվարկելով նաև ակցիզային հարկի դրույքաչափը: Մասնավորապես, նախագծով առաջարկվում է չափման միավորը վերանայել՝ հիմք ընդունելով սեղմված բնական գազի 1 խորանարդ մետրի և 1 կիլոգրամի փոխհարաբերակցության՝ տեսությամբ ու գիտականորեն ընդունվող մեծությունը (1խմ = 0.717կգ):

Անդրադառնալով օրինագծին՝ վարչապետ Նիկոլ Փաշինյանը նշել է. «Մենք բազմաթիվ բողոքներ ենք ստանում, որ տարբեր գազալցակայաններում գազի ծավալների հետ կապված կան տարբերություններ: Ուսումնասիրությունների արդյունքներով պարզվել է, որ այդ տարբերությունը կապված է խտության հետ: Այս հարցի հետ կապված մի պահ ինչ-որ աղմուկ եղավ, թե գազի նկատմամբ աքցիզային հարկն ավելացվում է: Ես ուզում եմ արձանագրել, որ ոչ մի ավելացում չկա, բացարձակ որևէ հարկային ավելացում տեղի չի ունենում: Իսկ կարո՞ղ է արդյոք այս փոփոխությունը բերել գազի գնի ավելացման: Եթե դա տեղի ունենա, ապա գազալցականներն իրենց այդ գործողությամբ կհայտարարեն, որ մինչ այդ բոլոր սպառողներին խաբել են»:

Նա ասել է, որ եթե, այնուամենայինիվ, նույնիսկ գազի գինը բարձրանա, ապա սպառողը դրանից չի տուժի, քանի որ նա կստանա իր վճարածին համարժեք գազ. «Հետևաբար այստեղ սպառողի շահերը ոչ միայն ոտնահարված չեն, այլև պաշտպանված են»:

ԱՄԵՆԱԿԱՐԴԱՑՎԱԾ ԼՈՒՐԵՐ

«BUSUU» լեզուների ուսուցման հավելված՝ Վիվա-ՄՏՍ-ի բաժանորդների համար

2878 կարճ համարին ուղարկվող SMS հաղորդագրությունների համար հավելյալ գումար չի գանձվում: Ռոումինգում գտնվելիս, SMS հաղորդագրությունների համար վճարը գանձվում է համապատասխան ուղղության սակագների հիման վրա:

Ռալֆ Յիրիկյանը «Առաջնորդության դպրոցի» ուսանողներին ներկայացրել է Վիվա-ՄՏՍ-ի փորձը կառավարման ոլորտում

Դասախոսության ավարտին Ռալֆ Յիրիկյանը հորդորել է երիտասարդներին սահմանել նպատակներ ու ձգտել դրանց իրագործմանը:

Ucom-ը երկարացնում է անասահմանափակ ինտերնետի առաջարկը Level up 4700 և Level up 5500 բաժանորդների համար

Բաժանորդները կշարունակեն օգտվել անսահմանափակ ինտերնետից մինչև 2022 թվականի հունվարի 31-ը: