Մուտք

Invalid username or password

Մոռացե՞լ եք գաղտնաբառը

Կառավարությունը և իսպանական «GS Inima Environment S.A» ընկերությունը կհամագործակցեն ջրային ենթակառուցվածքների բարելավման ոլորտում

Վերադարձ լուրերի բաժին

Հեղինակ

B4B.am

Խորագրեր

Պաշտոնական

15:30 , 07 Հունիս 2017

Վարչապետ Կարեն Կարապետյանի ներկայությամբ այսօր կառավարությունում Փոխըմբռնման hուշագիր է ստորագրվել Էներգետիկ ենթակառուցվածքների և բնական պաշարների նախարարության Ջրային տնտեսության պետական կոմիտեի և իսպանական «GS Inima Environment S.A» ընկերության միջև: Փաստաթուղթն ստորագրել են Ջրային տնտեսության պետական կոմիտեի նախագահ Արսեն Հարությունյանը և ընկերության գլխավոր գործադիր տնօրեն Մարտա Վերդե Բլասկեզը:

«GS Inima Environment S.A» ընկերությունը ջրային ոլորտում առաջատար կազմակերպություններից է, որը 18 երկրում պետություն-մասնավոր գործընկերության ծրագրեր է իրականացնում: Փոխըմբռնման հուշագրով նախատեսվում է, որ կողմերը կհամագործակցեն Հայաստանում ջրամատակարարման և ջրահեռացման ենթակառուցվածքների բարելավման ու զարգացման բնագավառում:

Մինչ հուշագրի ստորագրումը վարչապետ Կարեն Կարապետյանը և «GS Inima Environment S.A» գլխավոր գործադիր տնօրեն Մարտա Վերդե Բլասկեզը քննարկել են համագործակցության ուղղությունները և փոխադարձ հետաքրքրություն ներկայացնող մի շարք հարցեր:

Ողջունելով համագործակցությունը՝ Կարեն Կարապետյանը կարևորել է ջրային ենթակառուցվածքների զարգացման, աղբի վերամշակման, խմելու ջրի մատակարարման ու կեղտաջրերի մաքրման ոլորտներում համատեղ աշխատանքների և ծրագրերի իրականացումը:

Մարտա Վերդե Բլասկեզը նշել է, որ «GS Inima Environment S.A»-ը բարձր է գնահատում ՀՀ կառավարության նախաձեռնողականությունը, պատրաստ է համագործակցել նշված ուղղություններով և նորարարական լուծումներ առաջարկել առկա խնդիրների կարգավորման համար:

ԱՄԵՆԱԿԱՐԴԱՑՎԱԾ ԼՈՒՐԵՐ

Վարչապետ Սերժ Սարգսյանի հայտարարությունը ներքաղաքական իրավիճակի վերաբերյալ

Կոչ եմ անում Ազգային ժողովի պատգամավոր Նիկոլ Փաշինյանին նստել քաղաքական երկխոսության և բանակցությունների սեղանի շուրջ

Արմեն Սարգսյանը նախարարներ է նշանակել

Վարչապետ Սերժ Սարգսյանի առաջարկությամբ՝ պաշտոններում վերանշանակվել են Իգնատի Առաքելյանը, Դավիթ Հարությունյանը, Արմեն Ամիրյանը:

ՀՀ ֆինանսների նախարարի պաշտոնակատար Վարդան Արամյանն ընդունել է MAYKOR ընկերության ներկայացուցիչներին

MAYKOR-ը խոշորագույն ընկերություն է ՏՏ աութսորսինգի և բիզնես գործընթացների ռուսաստանյան շուկայում