Մուտք

Invalid username or password

Մոռացե՞լ եք գաղտնաբառը

Կառավարությունը հավանություն տվեց Սնանկության ոլորտի բարեփոխմանն ուղղված օրենսդրական փաթեթին

Վերադարձ լուրերի բաժին

02:13 , 31 Մայիս 2019

Կառավարությունը հավանություն տվեց Սնանկության ոլորտի բարեփոխմանն ուղղված օրենսդրական փաթեթին և այն ճանաչեց անհետաձգելի: Արդարադատության նախարար Արտակ Զեյնալյանը նշեց, որ այդ օրենքի արդյունքում կբարելավվի Հայաստանի դիրքը Doing business վարկանշային ցանկում, կբարձրացվի սնանկության ոլորտի կարգավորման արդյունավետությունն ու սնանկության կառավարիչների հաշվետվողականությունը, կապահովվի սնանկության վարույթի թափանցիկությունը, սնանկության վարույթում կներդրվեն էլեկտրոնային կառավարման մեխանիզմներ եւ այլն:

««Գործարարությամբ զբաղվելը» վարկանշային ցանկում Հայաստանի ցածր դիրքը պայմանավորված է մի շարք ցուցիչներով գրանցված բացասական արդյունքներով: Այդ ցուցիչների շարքին է դասվում նաև «Սնանկության» ցուցիչը՝ սնանկության ոլորտը կարգավորող օրենսդրությունում եւ պրակտիկայում առկա հրատապ լուծում պահանջող բազմաթիվ խնդիրների առկայության պատճառով, որոնց լուծման նպատակով սահմանվել են հետևյալ կարգավորումները.

սնանկության վարույթին առնչվող առանձին քաղաքացիական գործերը կենտրոնացել են սնանկության վարույթի շրջանակում, ինչն ուղղակիորեն ազդելու է սնանկության վարույթի ժամկետների և արդյունավետության վրա,

որոշակիորեն նվազեցվել են սնանկության կառավարիչների վարձատրության տոկոսադրույքները,

սահմանվել են հավելավճարներ սնանկության վարույթը սեղմ ժամկետներում ավարտելու դեպքում,

սահմանվել է պարտապանի իրավունքը՝ սնանկ ճանաչվելուց հետո ստանձնելու նոր ֆինանսական պարտավորություններ, հրաժարվելու ակնհայտ ծանր պայմաններով կնքված պայմանագրերից, դիմելու դատարան՝ իր համար կենսական նշանակություն ունեցող ապրանքների և ծառայությունների պայմանագրերի գործողությունը շարունակելու խնդրանքով,

սահմանվել է պարտատիրոջ իրավունքը՝ կառավարչից պահանջելու ֆինանսական բնույթի տեղեկություններ և այլն»,- ասաց Զեյնալյանը:

Նրա խոսքով՝ բացառվել է նաև Սնանկության կառավարիչների ինքնակարգավորվող կազմակերպության կողմից առանց Արդարադատության նախարարության հետ համաձայնեցման որոշակի շեմը գերազանցող անդամավճարների եւ անդամներից գանձվող ցանկացած այլ վճարման չափի սահմանումը, ինչպես նաեւ սահմանվել են սնանկության կառավարիչների նկատմամբ կարգապահական վարույթի հարուցման հիմքերը, վարույթի իրականացման կարգը եւ այլ մանրամասները եւ որպես կարգապահական վարույթ հարուցող մարմին նախատեսվել է նաև Արդարադատության նախարարությունը:

Ճշգրտված ծրագրային ցուցանիշը գերակատարվել է շուրջ 59 մլրդ դրամով

Ըստ Կարեն Թամազյանի, չնայած առանձին ամիսներին կորոնավիրուսային համավարակով պայմանավորված եկամուտ ապահոված աշխատատեղերի անկմանը` տարեկան կտրվածքով 2020թ. հարկման ենթակա եկամուտներ ապահոված աշխատատեղերը կազմել են միջին ամսական 609 հազար, որը 2019թ. նույն ամսվա համեմատ ավելի է շուրջ 1.2 %-ով (7 հազարով):

Քաղաքացիները ԿԲ-ում կարող են փոխանակել հնամաշ կամ վնասված ՀՀ դրամները

ՀՀ ԿԲ դրամանիշերի փոխանակման գործառնական դրամարկղը գործելու է ք. Երևան, Վազգեն Սարգսյան 6 հասցեում:

ՎՏԲ-Հայաստան Բանկն առաջարկում է օգտվել ոսկյա իրերի գրավադրմամբ վարկեր ձևակերպելու շահավետ պայմաններից

Ոսկյա իրերի գրավադրմամբ վարկ ձևակերպած հաճախորդ-վարկառուներին ՎՏԲ-Հայաստան Բանկը հնարավորություն է տալիս պարբերաբար ավելացնել գործող վարկի սահմանաչափը մինչև 10%: