Մուտք

Invalid username or password

Մոռացե՞լ եք գաղտնաբառը

Կառավարությունը հաստատեց Հայաստանում աշնանացան ցորենի արտադրության խթանման աջակցության ծրագիրը

Վերադարձ լուրերի բաժին

Հուլիսի 2-ին կառավարության նիստում հաստատվել է Հայաստանի Հանրապետությունում աշնանացան ցորենի արտադրության խթանման պետական աջակցության ծրագիրը: Այդ մասին b4b.am-ին հայտնեց էկոնոմիկայի նախարարության մամուլի առայությունը:

Ծրագրի նպատակն է աշնանացան ցորենի սերմերի գնի մասնակի սուբսիդավորման կամ փոխհատուցման միջոցով նպաստել ագրոտնտեսական բարձր ցուցանիշներով օժտված սերմերի հասանելիության ապահովմանը, բերքատվության բարձրացմանը, արդյունքում՝ տեղական աշնանացան ցորենի ծավալների և տնտեսավարող սուբյեկտների եկամուտների ավելացմանը։

Ծրագրով նախատեսվում է ՀՀ Շիրակի, Սյունիքի, Գեղարքունիքի, Լոռու, Արագածոտնի, Տավուշի և Կոտայքի մարզերում 2-20 հա մակերեսով ցորենի ցանքատարածություններ մշակող գյուղացիական տնտեսություններին վաճառվող, ինչպես նաև ցանք կատարելու համար արտադրված և/կամ ներմուծված աշնանացան ցորենի էլիտա և/կամ 1-ին վերարտադրության հավաստագրված սերմերի գնի մասնակի սուբսիդավորում կամ փոխհատուցում։ Սուբսիդավորման կամ փոխհատուցման գործընթացը կիրականացնի Էկոնոմիկայի նախարարությունը։ 1 կգ-ի համար տրվող սուբսիդիայի կամ փոխհատուցման գումարը սահմանվում է 70 դրամ, ինչը հնարավորություն կտա տնտեսվարողներին ձեռք բերել որակյալ սերմեր՝ շուկայական գնից առավել ցածր գնով։

«Մենք համարում ենք, որ 20 հեկտարի սահմաններում գտնվող ցորենի մշակությունը, ըստ էության, ոչ մեծ չափով գյուղատնտեսական գործունեւություն է։ Մենք կաջակցենք մեկ հետարի հաշվով առավելագույնը 350 կիլոգրամ։ Եթե մեկը կլինի, որ ամբողջ 20 հեկտարի համար է վերցնում, բնականաբար, իր սուբսիդավորվող չափաքանակը կկազմի 7 հազար կգ, 70 դրամ մեկ կիլոգրամի հաշվով, մեկ շահառուի առավելագույն ֆինանսական աջակցությունը պետությունից կկազմի 490 հազար դրամ», – նշել է Տիգրան Խաչատրյանը։

Նախարարը նաև հավելել է, որ ֆինանսական այս աջակցությունը միանգամից չի տրամադրվելու շահառու գյուղացիական տնտեսությանը, այլ այն ժամանակ, երբ վերջինս անկանխիկ վճարում կկատարի մատակարարի հաշվի վրա։

«Առաջիկա երկու շաբաթվա ընթացքում մենք Տարածքային կառավարման և ենթակառուցվածքների նախարարության, մարզպետարանների հետ ըստ համայնքների հավաքագրելու ենք նախնական հետաքրքրվածության վերաբերյալ տեղեկություններ, որոնք տրամադրելու ենք բոլոր պոտենցիալ մատարկարարներին՝ և՛ ներկրող և՛ արտադրող, որպեսզի նրանք կարողանան բանակցել և գտնել իրենց գնորդներին»,- նշել է նախարարը։

Տիգրան Խաչատրյանը նաև տեղեկացրել է, որ եթե գնորդը նախքան գնելը ցանկանա ստուգել, արդյո՞ք ձեռքբերվող սերմացուն համապատասխանում է նախապես հայտարարված չափորոշիչներին, ապա նա կարող է այն հետազոտել համապատասխան լաբորատորիաներում։ Ակնկալվում է, որ նախագծի ընդունումը կնպաստի հանրապետությունում շուրջ 30%-ով ցորենի բերքատվության մակարդակի բարձրացմանը։

Ճշգրտված ծրագրային ցուցանիշը գերակատարվել է շուրջ 59 մլրդ դրամով

Ըստ Կարեն Թամազյանի, չնայած առանձին ամիսներին կորոնավիրուսային համավարակով պայմանավորված եկամուտ ապահոված աշխատատեղերի անկմանը` տարեկան կտրվածքով 2020թ. հարկման ենթակա եկամուտներ ապահոված աշխատատեղերը կազմել են միջին ամսական 609 հազար, որը 2019թ. նույն ամսվա համեմատ ավելի է շուրջ 1.2 %-ով (7 հազարով):

Քաղաքացիները ԿԲ-ում կարող են փոխանակել հնամաշ կամ վնասված ՀՀ դրամները

ՀՀ ԿԲ դրամանիշերի փոխանակման գործառնական դրամարկղը գործելու է ք. Երևան, Վազգեն Սարգսյան 6 հասցեում:

ՎՏԲ-Հայաստան Բանկն առաջարկում է օգտվել ոսկյա իրերի գրավադրմամբ վարկեր ձևակերպելու շահավետ պայմաններից

Ոսկյա իրերի գրավադրմամբ վարկ ձևակերպած հաճախորդ-վարկառուներին ՎՏԲ-Հայաստան Բանկը հնարավորություն է տալիս պարբերաբար ավելացնել գործող վարկի սահմանաչափը մինչև 10%: