Մուտք

Invalid username or password

Մոռացե՞լ եք գաղտնաբառը

Կառավարությունը խզում է «Մեղրու ՃՇՇՁ»-ի հետ պայմանագիրը՝ ՌԴ-ի 2393 սահմանապահ զորամասի անհամաձայնության պատճառով

Վերադարձ լուրերի բաժին

19:10 , 13 Դեկտեմբեր 2017

ՀՀ կառավարության հինգշաբթի օրվա նիստի օրակարգում տեղ է գտել մի ուշագրավ որոշման նախագիծ։ 34-րդ կետի տակ ներառված այդ նախագծի անվանումը ինքնին ոչինչ չի ասում՝  «Գնման պայմանագիրը դադարեցնելու մասին»։

Ըստ այդմ՝ կառավարությունը որոշում է թույլատրել Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեին` դադարեցնել «Մեղրու ՃՇՇՁ» սահմանափակ պատասխանատվությամբ ընկերության հետ 2017 թվականի ապրիլի 21-ին կնքված N ՀՀԷԵԲՊՆՋՏՊԿ-ԲԸՀԱՇՁԲ-17/3-Ա-2 գնման պայմանագիրը:

Թվում է՝ շարքային որոշում է, ինչպես լինում է պայմանագրային պարտականությունները ոչ պատշաճ կերպով կատարած կազմակերպությունների դեպքում։ Սակայն ամեն ինչ շատ ավելի հետաքրքիր է։

Բանն այն է, որ ՀՀ էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեն այս տարվա ապրիլի 21-ին պայմանագիր էր կնքել  «Մեղրու ՃՇՇՁ» ընկերության հետ, որը պետք է վերացներ Սյունիքի մարզում Մ-2 Երևան-Գորիս-Մեղրի-Իրանի սահման միջպետական ավտոմայրուղու 379+200 կմ երկարությամբ հատվածում Արաքս գետի ափի շուրջ 40 մ երկարությամբ հատվածի վթարային վիճակը։ Կարճ ասած՝ վերանորոգման աշխատանքներ կատարեր։

Ի սկզբանե աշխատանքների կատարման ժամկետ էր սահմանվել մայիսի 21-ը, որից հետո այդ ժամկետը երկարաձգվել էր ևս մեկ ամսով՝ մինչև հունիսի 21-ը։ Այդ ընթացքում վթարային վիճակի վերացման աշխատանքների նախապատրաստական բոլոր փուլերը կատարվել են, սակայն բուն աշխատանքը՝ վթարային վիճակի վերացումը, չի կատարվել:

Ինչո՞ւ։ Առաջարկում ենք կարդալ պաշտոնական հիմնավորումը։

«Քանի որ վերոնշյալ հատվածը Արաքս գետով սահմանակից է Իրանի Իսլամական Հանրապետությանը, և մեր ափամերձ տարածքները հսկվում են ՌԴ-ի 2393 սահմանապահ զորամասի կողմից, ուստի անհրաժեշտ էր ձեռք բերել համաձայնություն կողմերի միջև նշված հատվածում աշխատանքների կատարման և ավարտման համար: Սակայն աշխատանքային կարգով հանդիպումների ընթացքում հնարավոր չի եղել արդյունավետ համագործակցել և կողմերի միջև համաձայնություն ձեռք չի բերվել»։

Որոշման նախագծում հենց այդպես էլ գրված է. «Կոմիտեի կարիքների համար աշխատանքների կատարման անհնարինությունը պայմանավորված է ՌԴ-ի 2393 սահմանապահ զորամասի կողմից համաձայնություն չստանալու հետ»:

Իսկ ի՞նչ է արել կառավարությունը։ Ճիշտ է՝ համակերպվել է և որոշել խզել պայմանագիրը։ Այսինքն՝ կառավարությունը իր վաղվա նիստում համաձայնություն է տալու ռուսների անհամաձայնությանը։

Իսկ պայմանագրի խզման արդյունքը այն է, որ «հնարավոր կլինի՝ պայմանագրով պարտավորություններն ամբողջությամբ կամ մասնակիորեն չկատարելու համար կողմերին ազատել պատասխանատվությունից և պայմանագրով նախատեսված սակայն չկատարված աշխատանքների գումարը ետ վերադարձնել ՀՀ պետական բյուջե»:

ԱՄԵՆԱԿԱՐԴԱՑՎԱԾ ԼՈՒՐԵՐ

Առաջիկայում անհրաժեշտ կլինի աստիճանաբար բարձրացնել վերաֆինանսավորման տոկոսադրույքը. ԿԲ

ԿԲ-ն 2017թ. հունվար-դեկտեմբեր ժամանակահատվածի համար տնտեսական աճը գնահատում է 6.4%

Խորհրդարանը մերժեց եկամտային հարկի դրույքաչափը նվազեցնելու՝ «Ծառուկյան» դաշինքի նախաձեռնությունը

Ծառուկյան դաշինքն առաջարկում է ցածր աշխատավարձ ստացողների համար եկամտային հարկի բեռը թեթևացնել։

Volterman-ի շուրջ կրքերը թեժանում են. դրամապանակները խոստացված ժամկետներում չեն հասել գնորդներին

Առաջին դրամապանակները պետք է մատակարարվեին դառ անցած տարվա դեկտեմբերին