Մուտք

Invalid username or password

Մոռացե՞լ եք գաղտնաբառը

Կառավարությունը արտոնություն տրամադրեց բարձրորակ գազի բալոններ արտադրող ընկերությանը

Վերադարձ լուրերի բաժին

12:26 , 06 Սեպտեմբեր 2018

ՀՀ Կառավարությունը իր այսօրվա նիստում երեք տարով հետաձգեց «Ռադ Սանե Վաշամիր Գրուպ» ընկերության կողմից ապրանքների ներմուծման դեպքում մաքսային և հարկային մարմինների կողմից հաշվարկված ավելացված արժեքի հարկի գումարների վճարման ժամկետը: Տնտեսական զարգացման և ներդրումների փոխնախարար Ալբերտ Բաբայանը նշել է, որ «Ռադ Սանե Վաշամիր Գրուպ»-ը նախատեսում է իրականացնել ներդրումային ծրագիր, որի արդյունքում նախատեսում է արտադրել կոմպոզիտային գազաբալոններ։

Ներկայացված ներդրումային ծրագրի շրջանակում ընկերությունը մտադիր է կատարել ընդհանուր շուրջ 11.1 մլրդ դրամի ներդրում, որից սարքավորումների համար նախատեսված գումարը կազմելու էր շուրջ 10 մլրդ դրամ, սակայն ցանկից հանվել են մի շարք սարքավորումներ, ԱԱՀ-ից ազատված լինելու հանգամանքով, և սարքավորումների համար նախատեսված գումարը կկազմի շուրջ 1.1 մլրդ ՀՀ դրամ։

«Ներդրումային ծրագրի իրագործման արդյունքում ընկերությունում երեք տարվա ընթացքում կստեղծվի 112 նոր աշխատատեղ` 160 հազ․ դրամ միջին աշխատավարձով»,- ասել է Բաբայանը: Ի պատասխան արդարադատության նախարար Արտակ Զեյնալյանի հարցի՝ Բաբայանը նշել է, որ ընկերությունն ավտոմեքենաների համար արտադրում է բարձորակ գազաբալոններ: Նման գազաբալոններ արտադրվում են ԱՄՆ-ում, Եվրոպայում և Իրանում: Ըստ նրա, ընկերությունը նպատակ ունի նաև կազմակերպել արտահանում:

ԱՄԵՆԱԿԱՐԴԱՑՎԱԾ ԼՈՒՐԵՐ

48167 ստուգում

Բոլոր ստուգվողներին տրամադրվել են խորհրդատվություն և խախտումների անհապաղ վերացման պարտադիր կատարման ցուցումներ։

ԱՄՀ-ից ներգրավված վարկն անդրադարձել է ՀՀ միջազգային պահուստների կառուցվածքի վրա

Միջազգային պահուստների կազմի մեջ էականորեն ավելացել է SDR-ի՝ Հատուկ փոխառելիության իրավունքի (ՀՓԻ) տեսակարար կշիռը, որն աճել է նախորդ ամսվա համեմատ ավելի քան 27 անգամ՝ կազմելով 74,4 մլն դոլար։

Ծայրահեղ աղքատների թիվը կհասնի 712 մլն-ի

Ըստ համաշխարհային բանկի՝ դա տեղի կունենա վատագույն սցենարի դեպքում: