Մուտք
Invalid username or password
Կառավարության ամենամախոշոր հակաճգնաժամային ծրագրերից մեկը փոփոխվել է
Վերադարձ լուրերի բաժին
13:40 , 03 Սեպտեմբեր 2020
Դիտումներ388
Տիգրան Ավինյանը Կառավարության այսօրվա նիստում հիշեցրեց, որ գործադիրը դեռ մայիսի 21-ին հայտարարել է տնտեսական երկարաժամկետ զարգացմանն ուղղված ծրագրի մեկնարկի մասին: Ավինյանի խոսքով՝ այն Կառավարության կողմից իրականացվելիք ամենամասշտաբային հակաճգնաժամային ծրագրերից մեկն է, որի Նրա ներկայացմամբ՝ պետությունն առավելագույնը ֆինանսավորում է ծրագրի 25 տոկոսը, մյուս 25 տոկոսը ֆինանսավորում է ներդրողը, իսկ 50 տոկոսը՝ ֆինանսական կազմակերպությունը:
Էկոնոմիկայի նախարար Տիգրան Խաչատրյանը նշեց, որ երկար քննարկումների արդյունքում եկել են այն եզրակացության, որ որոշակի փոփոխություններ են պետք ֆոնդի գործողության կանոններում:
Ներկա կարգավորումներով նախատեսվում է, որ ֆոնդը կարող է մասնակցել այնպիսի ներդրումային ծրագրերի, որոնցում Կառավարության մասնակցության չափը չի կարող լինել պակաս, քան 1 մլն դոլարին համարժեք գումարը, և ավելի, քան 2 մլն դոլարին համարժեք գումարը:
«Ֆոնդի կառավարչի քննարկումները մասնավոր հատվածի հետ վկայում են, որ բազմաթիվ դեպքեր կան, որ գումարի մի փոքր բարձր կամ ցածր լինելու դեպքում Կառավարությունը կարող է էապես ավելի մեծ մասնակցություն ցուցաբերել պոտենցիալ ունեցող ներդրումների առաջընթացին, և արդեն ունենք որոշակի վիճակագրություն և զեկույց, որը փաստում է այդպիսի դեպքերի մասին»,- նշեց Խաչատրյանը:
Էկոնոմիկայի նախարարը հավելեց՝ փոփոխությամբ նախատեսվում է ֆոնդի կառավարչին ավելի մեծ ճկունություն տալ, որ ներդրումների չափը 1-2 մլն դոլար կազմելու փոխարեն՝ կազմի կես միլիոնից մինչև 4 մլն դոլարի սահմաններում: Մեկ այլ փոփոխությամբ՝ Կառավարությունը ֆոնդում կունենա ժամկետային սահմանափակ մասնակցություն, որի ժամկետը սահմանվում է 10 տարի: Դրա առաջին 5 տարում ֆոնդի կառավարիչն իրավունք կունենա ակտիվ ներդրումներ իրականացնել, իսկ հաջորդ 5 տարին նախատեսված կլինի պետության փայերի վերադարձման համար:
Նաև նախատեսված է, որ ֆոնդի կառավարիչը գործունեության ողջ ժամանակահատվածի համար պետք է ապահովի Կառավարության հատկացրած գումարների համար սպասվող առնվազն 8 տոկոս եկամտաբերություն:
8 տոկոս եկամտաբերությունը փաստացի ապահովելու դեպքում ֆոնդի կառավարիչը կստանա պարգևավճար այդ գերազանցող գումարի 10 տոկոսը կազմող գումարի չափով, և դրանք կվճարվեն փայերի մարման ժամանակահատվածում:
Դիտումներ 388
ԱՄԵՆԱԿԱՐԴԱՑՎԱԾ ԼՈՒՐԵՐ
Հայաստանը կարևորում է ԵԱՏՄ ներքին շուկաների պաշտպանության ընդհանուր մոտեցման մշակումը. Նիկոլ Փաշինյան
Աշխատանքային այցով Ղազախստանում գտնվող վարչապետ Նիկոլ Փաշինյանն այսօր Ալմաթիում մասնակցել է Եվրասիական միջկառավարական խորհրդի հերթական նիստի աշխատանքներին:
Ավինյանը ներկայացրել է կորոնավիրուսի հետևանքների վերացման և տնտեսական ակտիվության միջավայրի վերականգնմանն ուղղված գործողությունները
ՀՀ փոխվարչապետ Տիգրան Ավինյանը Կառավարության նիստում ներկայացրեց «Տնտեսական արձագանքման ծրագիրը և գործողությունների նախնական պլանը հաստատելու մասին» որոշման նախագիծը:
ԵՄ-ն տրամադրում է ավելի քան 35 մլն. եվրոյի դրամաշնորհ՝ ՔՈՎԻԴ-19 համավարակի հետևանքների չեզոքացմանը
ԵՄ-ի արձագանքը բխում է «Team Europe» մոտեցումից , որի նպատակն է փրկել կյանքեր` այս համաճարակի դիմակայմանն ուղղված արագ և նպատակային աջակցություն ցուցաբերելով մեր գործընկերներին։
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։