Մուտք

Invalid username or password

Մոռացե՞լ եք գաղտնաբառը

Կանխատեսվում է 1,5 տոկոս գնաճ

Վերադարձ լուրերի բաժին

14:43 , 05 Նոյեմբեր 2019

ՀՀ կենտրոնական բանկը երրորդ եռամսյակի ծրագրում 2019 թ. համար նախանշել է 1.5 տոկոս գնաճ: Չի բացառում մի փոքր ավելի ցածր ցուցանիշը: Դա պայմանավորված է միրգ-բանջարեղենի գնի տատանմամբ: «Արմենպրես»-ի հաղորդմամբ՝ այդ մասին հայտնեց ԿԲ դրամավարկային քաղաքականության վարչության պետ Վահագն Գրիգորյանը:

Գնաճը սեպտեմբերի դրությամբ 0.5 տոկոս է: Վիճակագրական կոմիտեն դեռ չի հրապարակել հոկտեմբերի ցուցանիշը, սակայն Կենտրոնական բանկի գնահատականներով՝ դա էապես չի փոխվի, կլինի 0.5 տոկոսի մոտակայքում, միգուցե մի փոքր ավելի: ԿԲ-ն չի նպատակադրում գնաճն արագ վերադարձնել նպատակային 4 տոկոս թիրախի:

«Մենք դա պատկերացնում և նպատակադրում ենք անել 3 տարվա ընթացքում: Գնահատում ենք, որ դրամավարկային պայմաններն այս պահին բավականին խթանող են գնաճի աստիճանական վերականգնումն ապահովելու համար»,-ասաց Գրիգորյանն ու վստահեցրեց՝ ցանկացած տեսակի ռիսկերի դեպքում կապահովեն գնաճի նպատակի իրագործումն իրենց դրամավարկային քաղաքականության գործիքներով:

ԱՄԵՆԱԿԱՐԴԱՑՎԱԾ ԼՈՒՐԵՐ

Բագրատաշենի անցակետում դեկտեմբերի 1-ից վերականգնվել են ամեն տեսակի բեռնատար տրանսպորտային միջոցների անխափան մուտքը և ելքը

Դեկտեմբերի 1-ից վերականգնվել է նաև Գոգավանի մաքսակետի բնականոն աշխատանքը: Այն ժամանակավորապես դադարեցվել էր՝ վրացական հատվածում ճանապարհների վերանորոգման նպատակով։

04.12.2020: Շաբաթական ամփոփ տվյալներ կենտրոնական բանկից

Նոյեմբերի 23-29-ն ընկած ժամանակահատվածում բանկերի կողմից դրամով տեղաբաշխված միջոցների ծավալը կազմել է 79.3 մլրդ դրամ, իսկ ԱՄՆ դոլարով տեղաբաշխված միջոցների ծավալը՝ 31.5 մլն ԱՄՆ դոլար:

Տնտեսվարողների գործարքների փաստաթղթավորման մասին

Ընդհանրապես, 2020 թվականի նոյեմբեր ամսվա փաստաթղթավորման ցուցանիշները զիջում են միայն սեպտեմբեր ամսին` գերազանցելով մնացած բոլոր ամիսների ցուցանիշները: