Մուտք

Invalid username or password

Մոռացե՞լ եք գաղտնաբառը

Կազդե՞ն արդյոք պատերազմական գործողությունները ՀՀ տնտեսական աճի վրա. ՀԲ պարզաբանումը

Վերադարձ լուրերի բաժին

12:43 , 28 Ապրիլ 2016

Համաշխարհային բանկը դեռևս գնահատականներ չունի, թե ղարաբաղաադրբեջանական շփման գծում վերջին իրադարձություններն ինչպես կազդեն ՀՀ տնտեսության վրա։ Այս մասին այսօր լրագրողների հետ հանդիպման ժամանակ նշեց ՀԲ երևանյան գրասենյակի տնօրեն Լորա Բեյլին։

Հիշեցնենք, որ վերջին զեկույցի համաձայն՝ ՀԲ-ն Հայաստանի համար 2016-ին կանխատեսում է 1.9% ՀՆԱ իրական աճ։ Լ. Բեյլին նշեց, որ ինչպես փորձը ցույց է տալիս, զինված հակամարտությունների սրման հետևանքով թուլանում է վստահությունը, ինչը բացասաբար է ազդում օտարերկրյա ուղղակի ներդրումների վրա։ Այս պահին ՀԲ-ն տվյալ հարցով մոնիթորինգ է իրականացնում, սակայն ըստ Լ.Բեյլիի, դեռ չեն պատրաստվում վերանայել Հայաստանի տնտեսական աճի կանխատեսումը։

ՀԲ երևանյան գրասենյակի տնօրենը նաև տեղեկացրեց, որ ՀԲ-ն Հայաստանում իրականացվող ծրագրային որևէ գործունեություն չի դադարեցնելու։

Ըստ նրա, 2016-ի առաջին եռամսյակում Հայաստանի տնտեսությունը ավելի մեծ դինամիզմ է դրսևորել, քան նախորդ տարվա նույն ժամանակահատվածում։ Սակայն քանի որ առաջին եռամսյակը, որպես կանոն, ավելի մեծ չափով է կրում սեզոնայնության ազդեցությունը, դժվար է հստակ ասել, որ նույն տեմպը կշարունակվի նաև հաջորդ եռամսյակներում։

Կարդացեք նաև՝ Հայաստան՝ 1.9% աճ, Ադրբեջան`1.9 անկում. ՀԲ կանխատեսումները (ինֆոգրաֆիկա)

ԱՄԵՆԱԿԱՐԴԱՑՎԱԾ ԼՈՒՐԵՐ

ՏԵՍԱՆՅՈՒԹ: Չինաստան՝ առանց վիզայի

Կառավարությունը հավանություն տվեց «Հայաստանի Հանրապետության կառավարության և Չինաստանի Ժողովրդական Հանրապետության կառավարության միջև սովորական անձնագրեր կրող անձանց համար մուտքի արտոնագրի պահանջի փոխադարձաբար վերացման մասին» համաձայնագրի ստորագրման առաջարկությանը:

Դասընթացներ՝ գնումների գործընթացը համակարգողների համար

Ենթաօրենսդրական կարգավորումների վերանայումը նախատեսում է հրավերով սահմանված մինչև 25 տոկոս կանխավճարի տրամադրման հնարավորություն, խտրական պայմանների բացառում, ոլորտում մրցակցության և գրավչության աստիճանի բարձրացում և այլն:

Երկու էջ Հայաստանի նորագույն տնտեսական պատմությունից․ «Նաիրիտի» և ՀԱԷԿ-ի փակումը

Ռուսերեն ասած՝ мы наступаем на те же грабли, այսօր էլ «անողոք» պայքար է ծավալվում Ամուլսարի ոսկու հանքավայրի նախագծի, բուքմեյքերական գործունեության, ծխախոտի դեմ և այլն, հաճախ խառնելով «թացը» «չորի» հետ, ինչի արդյունքները մենք դեռ կզգանք․․․