Մուտք

Invalid username or password

Մոռացե՞լ եք գաղտնաբառը

Ծառայողական մեքենաների թիվը հաջորդ տարի կկրճատվի

Վերադարձ լուրերի բաժին

21:10 , 30 Սեպտեմբեր 2018

2019 թվականին ՀՀ պետական իշխանության մարմինների ծառայողական ավտոմեքենաների թիվը կկրճատվի։ Այս մասին տեղեկանում ենք ՀՀ 2019 թվականի պետական բյուջեի նախագծից։

Այսպես, 2019 թվականի պետական բյուջեով պետական իշխանության մարմինների ծառայողական ավտոմեքենաների թիվը սահմանված է 834, ինչը 68-ով քիչ է 2018 թվականի բյուջեով հաստատված թվից։

Ամենից շատ ծառայողական մեքենաներ կունենա վարչապետի աշխատակազմը՝ 90 (2018 թվականի բյուջեով մեքենաների քանակը նույնն էր)։

Ազգային ժողովի աշխատակազմի ծառայողական մեքենաների թիվը կկրճատվի 14-ով՝ 81 մեքենայի փոխարեն 67 մեքենա։

ՀՀ նախագահի աշխատակազմի մեքենաների թիվը կմնա անփոփոխ՝ 20։

Քննչական կոմիտեի մեքենաների թիվը նույնպես չի փոխվելու՝ 79 մեքենա։ Իսկ ահա դատախազության ծառայողական մեքենաների թիվը կնվազի 29-ով՝ 92-ից հասնելով 63-ի։

ԱՄԵՆԱԿԱՐԴԱՑՎԱԾ ԼՈՒՐԵՐ

Աջ ղեկով մեքենաները մինչև 2019թ. մարտի 1-ը կարող են ներմուծվել ՀՀ (տեսանյութ)

Նշված մաքսային ընթացակարգը հնարավորություն կտա աջակողմյան ղեկային համակարգ ունեցող տրանսպորտային միջոցներն առանց վերասարքավորման ներմուծել ՀՀ տարածք, ՀՀ տարածքում մինչև 6 ամսվա ժամկետում իրականացնել աջակողմյան ղեկային համակարգի փոխարինում

Մասշտաբային աշխատանքներ՝ բջջային նոր ցանցի կառուցման ուղղությամբ (լուսանկարներ)

ՎիվաՍել-ՄՏՍ-ը հանրապետության տարբեր մարզերում ցանցի արդիականացման լայնածավալ աշխատանքներ է իրականացնում:

Սպառման անհավասարությունը 2008-2017թթ. աճել է

Սպառման անհավասարությունը 2017 թվականին ավելացել է նաև 2016 թվականի համեմատ՝ 0.286-ից հասնելով 0.289-ի։