Մուտք

Invalid username or password

Մոռացե՞լ եք գաղտնաբառը

Խորհրդարանը մերժեց եկամտային հարկի դրույքաչափը նվազեցնելու՝ «Ծառուկյան» դաշինքի նախաձեռնությունը

Վերադարձ լուրերի բաժին

12:49 , 15 Հունվար 2018

Այսօր Ազգային Ժողովի հավանությանը ներկայացվեց «Ծառուկյան» դաշինքի պատգամավորներ Միքայել Մելքումյանի և Նաիրա Զոհրաբյանի հեղինակած հարկային փոփոխությունների նախագիծը, որը վերաբերում էր եկամտային հարկի դրույքաչափերին։

Նշենք, որ այս տարվա հունվարի 1-ից ուժի մեջ են մտել Հարկային օրենսգրքի՝ եկամտային հարկի վերաբերյալ դրույթները, որոնց համաձայն հարկման դրույքաչափերը սահմանվում են՝

– մինչև 150 000 դրամը ներառյալ – 23 %

– 150 000-ից մինչև 2 000 000 դրամը ներառյալ – 34 500 դրամ՝ գումարած 150 000 դրամը գերազանցող գումարի 28 %-ը

– 2 000 000-ից ավելի դրամ  –  552 500 դրամ՝ գումարած 2 000 000 դրամը գերազանցող գումարի 36 %-ը:

Ծառուկյան դաշինքն առաջարկում է ցածր աշխատավարձ ստացողների համար եկամտային հարկի բեռը թեթևացնել։

Մասնավորապես, առաջարկվում է 150 հազարից մինչև 300 հազար դրամ ստացողների համար եկամտահարկի դրույքը 28%-ի փոխարեն սահմանել 26% (ինչպես նախկինում)։

Իսկ 150 հազար դրամից բարձր ստացողների համար ներմուծել ևս մեկ շեմ՝ մինչև 300 հազար դրամ, և այդ խմբի համար դրույքաչափը սահմանել 26%։

Ըստ նախագծի հեղինակների՝ դրույքաչափերի նվազեցումը 2 տոկոսային կետով կավելացնի մարդկանց տնօրինվող եկամուտը ամսական մոտ 3000 դրամով, ինչը որոշ չափով կմեղմի գնաճի ազդեցությունը։ Իսկ բյուջեի համար լրացուցիչ բեռը քիչ է՝ մոտ 2 մլրդ դրամ, որը կփոխհատուցվի տնտեսական առաջանցիկ աճի հաշվին։

ԱԺ Տնտեսական հարցերի հանձնաժողովը բացասական եզրակացություն էր տվել այս նախագծին։ Հանձնաժողովի նախագահ Խոսրով Հարությունյանի համոզմամբ՝ այս նախաձեռնությունը մարդկանց ամսական ընդամենը 3000 դրամի օգուտ է տալու, սակայն վարչարարությունը ավելի մեծ ծախս է դնելու բյուջեի վրա:

Նախագիծը չընդունվեց. կողմ քվեարկեց 33 պատգամավոր:

ԱՄԵՆԱԿԱՐԴԱՑՎԱԾ ԼՈՒՐԵՐ

Արժույթի միջազգային հիմնադրամի գործադիր խորհուրդը Հայաստանի ֆինանսական համակարգը գնահատել է կայուն

2012 թ.-ից ի վեր ֆինանսական համակարգի կայունությունն ամրապնդվել է, ինչին նպաստել են ՀՀ կենտրոնական բանկի կողմից ձեռնարկած մի շարք միջոցառումներ։

Առաջին դեմքերի բանավեճը Հանրայինի եթերում (տեսանյութ)

Հանրային հեռուստաընկերության ուղիղ եթերում այժմ ընթանում է նախընտրական բանավեճ՝ ընտրություններին մասնակցող քաղաքական ուժերի առաջին դեմքերի մասնակցությամբ:

Գնաճային ցածր միջավայրը մոտական ամիսներին պահպանվելու է. ԿԲ խորհրդի անդամ

Հայաստանի Հանրապետության Կենտրոնական բանկի խորհրդի անդամ Արթուր Ստեփանյանն արձանագրում է, որ այսօր գնաճի ցուցանիշները իրենց կանխատեսումներից ցածր են: