Մուտք

Invalid username or password

Մոռացե՞լ եք գաղտնաբառը

«Խնդրել և հորդորել եմ իմ թիմակիցներին, որպեսզի նույն նվիրվածությամբ և ջանասիրությամբ նրանք շարունակեն կատարել իրենց աշխատանքը». Վարդան Արամյան

Վերադարձ լուրերի բաժին

13:24 , 15 Մայիս 2018

ՀՀ ֆինանսների նախկին նախարար Վարդան Արամյանը ֆեյսբուքի իր էջում անդրադարձել է «Ժամանակ» օրաթերթի հրապարակած այն տեղեկությանը, ինքը կոչ է արել նախարարության աշխատակիցներին իր օրինակով աշխատանքից ազատման դիմումներ գրել:

* * *

Սիրելի Հայրենակիցներ,

Այսօր առավոտյան ընթերցեցի մի լուր 1in.am կայքում, որում ասված էր իբրև թե ես կոչ եմ արել իմ թիմակիցներին հետևել իմ օրինակին և ազատման դիմում գրել։

Ամենայն պատասխանատվությամբ հայտարարում եմ որ ասվածը իրականության հետ որևէ աղերս չունի և որպես իմ Հայրենիքի զավակ վստահեցնում եմ, որ արել եմ ճիշտ հակառակը․ մինչև ինձ փոխարինողի նշանակումը շարունակել եմ մեծ նվիրվածությամբ կատարել ֆինանսների նախարարի պարտականությունները՝ նույն լարված ռեժիմով։ Ընդ որում, և՛ մինչ այդ, և՛ դրանից հետո խնդրել և հորդորել եմ իմ թիմակիցներին, որպեսզի նույն նվիրվածությամբ և ջանասիրությամբ նրանք շարունակեն կատարել իրենց աշխատանքը, առաջ տանեն նախաձեռնած բոլոր նախագծերն ու բարեփոխումները՝ զերծ պահելով մեր երկիրն ավելորդ ցնցումներից։

Հեղինակը երևի թե չի պատկերացրել, որ ես շատ լավ հասկանում եմ, որ անկախ որևէ հանգամանքից՝ ֆինանսները պետք է զերծ մնան արկածախնդրությունից։ Ֆինանսական համակարգը երկրի տնտեսության արյունատար անոթներն են, դրանց խափանման պարագայում տնտեսության կաթվածահարությունն անխուսափելի է, որից յուրաքանչյուրս լինում ենք պարտվողի դերում։

Ուզում եմ օգտագործել այս առիթը և արդեն հրապարակավ ևս մեկ անգամ իմ գործընկերներին ուղղված իմ նախկին խոսքերը վերահաստատեմ – Շարունակեք նույն ջանասիրությամբ և հոգատարությամբ կատարել ձեր պարտականությունները հանուն մեր երկրի ապագայի։

P.S. Ես մեծ հարգանք ունեմ լրագրողի մասնագիտության նկատմամբ և պատիվ եմ ունեցել ճանաչել շատ-շատերին, որոնք մեծ արհեստավարժությամբ կատարում են իրենց աշխատանքը։ Բայց այս դեպքը չեմ հասկանում, իրոք չեմ հասկանում ինչ խնդիր են լուծում։ Թերևս լավ կլիներ որ հեղինակը ներողություն խնդրեր ոչ թե ինձանից այլ իր գործընկերներից, նման վարքագծով լրագրողի պահանջված աշխատանքը նսեմացնելու համար։

Հարգանքներով՝ Վարդան Արամյան

ԱՄԵՆԱԿԱՐԴԱՑՎԱԾ ԼՈՒՐԵՐ

#Cloud_VivaCell-MTS-ը թույլ կտա ձեռնարկություններին ինտեգրվել թվային աշխարհին (տեսանյութ)

ՎիվաՍել-ՄՏՍ-ը գործարկել է #Cloud_VivaCell-MTS՝ բոլորովին նոր, ամպային ենթակառուցվածքների ծառայություն՝ նախատեսված մեծ, միջին և փոքր ընկերությունների համար:

Ամուլսարն ու Հայաստանի արտաքին պարտքի ռիսկը

2020 թվականին լրանում է դեռևս 2013 թվականին պարտատոմսերի ժամկետը։

ՎՏԲ-Հայաստան Բանկը ֆինանսական աջակցություն է ցուցաբերել բազկամարտիկին

Բանկը ֆինանսավորել է Հայաստանի բազկամարտի բազմակի չեմպիոն, Եվրոպայի ծանրամարտի չեմպիոն Վարդան Դավթյանի մասնակցությունը