Մուտք

Invalid username or password

Մոռացե՞լ եք գաղտնաբառը

«Խելացի» ժամացույցներից մինչև սև Armphone. 3 նորություն՝ հայկական TSD-ից

Վերադարձ լուրերի բաժին

16:59 , 19 Դեկտեմբեր 2016

Նախորդ շաբաթը բավականին հագեցած էր սմարթֆոնների և պլանշետների արտադրությամբ զբաղվող Technology & Science Dynamics (TSD) հայաստանյան ընկերության համար։

Գլխավոր նորությունը թերևս այն էր, որ վաճառքում հայտնվեց հայաստանյան արտադրության առաջին smart (խելացի) ժամացույցը՝ TSD Flex-ը։

Ինչպես նշվում էր TSD-ի ֆեյսբուքյան էջում, ընկերության կողմից մշակված ժամացույցն աշխատում է Android 5.1 օպերացիոն համակարգով, ունի HD (1.33 մատնաչափ) էկրան, 5.0 MP տեսախցիկ, 8 ԳԲ հիշողություն, և արդեն վաճառվում է «Դալմա Գարդեն մոլ»-ում ու «Ռոսիա մոլ» առևտրային կենտրոններում` 95 հազար դրամով։

TSD-ի պաշտոնական ֆեյսբուքյան էջը տեղեկացնում է նաև, որ արդեն վաճառքում է հայտնվել Armphone 0509 սմարթֆոնի սև գունային տարբերակը։ Սմարթֆոնի արժեքն է 131 հազար դրամ։ Հիշեցնենք, որ Armphone սմարթֆոնները և Armtab պլանշետները առաջին անգամ վաճառքում հայտնվեցին այս տարվա հունիսին (այս մասին առավել մանրամասն կարող եք կարդալ Ամեն ինչ Armphone-ի մասին. Որ մոդելը որքան արժե և ինչ պարամետրեր ունի հոդվածում)։

TSD-black

Եվ երրորդ նորությունը։ TSD-ն սկսել է Armphone սմարթֆոնների և Armtab պլանշետների փորձնական վաճառքները արտերկրում, այդ թվում՝ Ռուսաստանում, Շվեդիայում, ԱՄՆ-ում, Դանիայում, Ֆրանսիայում և Իրանում։ Այս մասին ընկերությունից հայտնել են Armtimes.com-ին՝ նշելով, որ ներկայումս աշխատանքներ են տարվում, որպեսզի հնարավորինս շուտ հնարավոր լինի առաջ մղել արտադրանքի վաճառքը նշած երկրներում։

Նշենք, որ ՀՀ Ազգային վիճակագրական ծառայության տվյալներով՝ 2016 թվականի հունվար-հոկտեմբերին Հայաստանում արտադրվել է 1588 հատ պլանշետ և 1195 հատ բջջային հեռախոս։ Ընկերությունը նախատեսում է մինչև այս տարվա վերջ վաճառած սարքերի քանակը հասցնել 4000-ի:

 

ԱՄԵՆԱԿԱՐԴԱՑՎԱԾ ԼՈՒՐԵՐ

Ես կոորդինացնելու եմ տնտեսական բլոկը և տարածքային զարգացումը. Կարեն Կարապետյան (տեսանյութ)

ՀՀ առաջին փոխվարչապետ Կարեն Կարապետյանի հարցազրույցը «Արմենիա» հեռուստաընկերությանը

«Սինոփսիս» ընկերությունը հայտարարություն է տարածել` քաղաքական գործընթացների կապակցությամբ

Սինոփսիսը ընդունում է իր աշխատակիցների ազատ կամքի դրսևորման իրավունքը, գտնելով, որ նրանք ազատ են արտահայտելու իրենց քաղաքացիական դիրքորոշումներն ու առաջնայնությունները

Converse Bank Yerevan Spring Run 2018 վազքի մարաթոնին կմասնակցի մոտ 1000 վազորդ

Կոնվերս Բանկը Converse Bank Yerevan Spring Run 2018 վազքի մարաթոնի հովանավորն է: