Մուտք

Invalid username or password

Մոռացե՞լ եք գաղտնաբառը

«Լուսանշան» ՊՈԱԿ-ը պետբյուջե կվերադարձնի շուրջ 210 մլն դրամ

Վերադարձ լուրերի բաժին

14:23 , 05 Սեպտեմբեր 2018

«Լուսանշան» ՊՈԱԿ-ը 2016-2018 թթ. արած խախտումների համար պետբյուջե է վերադարձնելու նախնական հաշվարկներով շուրջ 210 մլն դրամ: «Արմենպրես»-ի մամուլի սրահում սեպտեմբերի 5-ին տեղի ունեցած ասուլիսում լրագրողներին այս մասին հայտնել է ՀՀ պետական վերահսկողական ծառայության պետ Դավիթ Սանասարյանը:

«Լուսանշան» ՊՈԱԿ-ը 2014-2015 և 2016-2018 թ. ընթացքում երկու տնօրեն է ունեցել: 2016-2018 թթ. բոլոր խախտումների համար պետբյուջե են վերադարձնելու 210 մլն դրամ: 2014-15 թթ. համար դեռևս որևէ նորություն չունենք»,-նշել է Սանասարյանը:

ՊՎԾ պետի խոսքով` իրենք «Լուսանշան» ՊՈԱԿ-ում գործողություններն արագ են իրականացրել, որպեսզի հետքերը չվերանան:

«Լուսանշան» ՊՈԱԿ-ը ոստիկանության ենթակայության տակ էր ու լուծարման գործընթացի մեջ էր գտնվում: Այստեղ արագ արեցինք մեր գործողությունները, որպեսզի հասցնենք. հետքերը շատ չվերանան»,- նշել է նա:

Վերահսկողական ծառայությունն ուսումնասիրություններ է իրականացրել նաև «Լուսանշան» ՊՈԱԿ-ի աշխատանքներն այժմ իրականացնող «Ուկրինվեստ» մասնավոր ընկերությունում. «5 փողոց ենք ընտրել, որոնցից 3-ում ոչինչ արված չէր, բայց ՃՈ աշխատակիցները չարված գործը որպես արված էին ստորագրել: Այս բոլոր խախտումները վերականգնվել են: Ինքներդ տեսնում եք, որ Երևանի փողոցներն ավելի լավ են գծանշված, քան նախկինում: Այս ամենը նաև մեր գործունեության արդյունքն է»:

Սանասարյանի խոսքով` կազմակերպությունը խախտումներ են կատարվել նաև թավշյա հեղափոխությունից հետո:

«Մինչև հունիս ամիսը նախնական 30-35 մլն դրամ է կազմել խախտումների գումարը: Կազմակերպությունն իր գործունեությունը սկսել է 2018 թ.: Հեղափոխությունից հետո նույնպես խախտումներ են արվել», – ասել է Սանասարյանը՝ նշելով, որ այժմ ամփոփվում են կազմակերպության հուլիս ամսին կատարած աշխատանքները:

ԱՄԵՆԱԿԱՐԴԱՑՎԱԾ ԼՈՒՐԵՐ

2019-ին հաջորդող տարիներին տնտեսական քաղաքականությունը պետք է տանի նրան, որ ՀՆԱ-ի տարեկան աճը լինի ոչ պակաս, քան 5%-ը. Տիգրան Խաչատրյան

Տնտեսական քաղաքականության հիմնական նպատակը լինելու է Հայաստանի քաղաքացիների բարեկեցության բարձրացումը

«Հայաստանի էներգետիկայի շաբաթ-2018» միջոցառմանը կմասնակցեն արևային էներգետիկայի միջազգային առաջատար ընկերություններ

«Շտիգեն» ընկերության հիմնադիր-տնօրեն Հայկ Շեկյանը նշեց, որ այս միջոցառումն իրականացվում է ոչ միայն ոլորտի մասնավոր ընկերությունների բիզնեսի զարգացման համար…

ՊԵԿ-ը ստուգողական միջոցառումներ է իրականացրել «Գազպրոմ Արմենիա» ՓԲԸ-ում բացահայտվել են առանձնապես խոշոր չափերով հարկեր չվճարելու դեպքեր

«Գազպրոմ Արմենիա» ՓԲԸ-ն 2016 և 2017 թվականների ընթացքում հարկային մարմին ներկայացված ԱԱՀ-ի և շահութահարկի հաշվարկներում ներառել է ակնհայտ կեղծ տվյալներ