Մուտք

Invalid username or password

Մոռացե՞լ եք գաղտնաբառը

ԼՀԿ-ն առաջարկում է օրենքով կարգավորել վարկային միջնորդային ծառայություններ առաջարկող ընկերությունների գործունեությունը

Վերադարձ լուրերի բաժին

09:09 , 25 Հունվար 2019

Վերջին շրջանում ակտիվանում են կազմակերպությունները եւ ֆիզիկական անձինք, ովքեր քաղաքացիներին առաջարկում են վարկային միջնորդային ծառայություններ, այսպես ասած` «վարկ ստանալու օգնություն»: Ազգային ժողովի «Լուսավոր Հայաստան» խմբակցությունը հանդես է եկել օրենսդրական նախաձեռնությամբ՝ առաջարկելով ոլորտին վերաբերող երկու օրենքներում փոփոխություններ կատարելու միջոցով կարգավորել այս դաշտը։

Խնդիրն այն է, որ նշված առաջարկները ակտիվ գովազդվում են սոցիալական ցանցերում եւ փողոցում:  Ինչպես ֆեյսբուքյան իր էջում գրել է ԱԺ ֆինանսավարկային և բյուջետային հարցերի մշտական հանձնաժողովի նախագահ Մանե Թանդիլյանը, ֆինանսական կազմակերպությունների հետ քննարկման արդյունքում, պարզվել է, որ նշված անձիք հիմնականում որեւէ կերպ չեն համագործակցում բանկերի եւ վարկային կազմակերպությունների հետ, այլ միայն ունենալով որոշակի ֆինանսական եւ իրավական գիտելիքներ` մարդկանց առաջարկում են բանկերից ստանալ ծառայություններ, որոնք քաղաքացիները նույնությամբ կարող են ստանալ առանց որեւէ միջնորդի:

Նշված ծառայությունների դիմաց քաղաքացիներից պահանջում եւ ստանում են միջնորդավճարներ, որոնք շատ հաճախ կազմում են ստացվող վարկի մինչեւ 25-30 տոկոսը` արդյունքում քաղաքացիների համար էականորեն «թանկացնելով» վարկը:
Ցավոք, քաղաքացիներից շատերն օգտվում են նշված անձանց ծառայություններից` անտեղի կարեւորելով վարկ ստանալու գործընթացում նշված անձանց ազդեցությունը:

Ներկայումս այս գործընթացը չի կարգավորվում օրենսդրությամբ եւ ներկայացվում է որպես խորհրդատվական ծառայություն` հաճախ ուղեկցվելով նաեւ այլ ծառայությունների հետ:
Հաշվի առնելով վերոնշյալը՝ շրջանառության մեջ ենք դրել «Բանկերի եւ բանկային գործունեության մասին» և «Վարկային կազմակերպությունների մասին» ՀՀ օրենքներում լրացումներ կատարելու մասին օրենքի նախագծեր խնդրին լավագույն լուծում տալու նպատակով:

Առաջարկվող լրացումներով մասնավորապես սահմանվում է որ այդ ընկերություններին արգելվում է իրականացնել վարկային խորհրդատվական (միջնորդային) ծառայություններ՝ առանց բանկերի հետ համապատասխան պայմանագրի, և որ խորհրդատվական գործառնությունները չեն կարող պարունակել որեւէ լրացուցիչ վճար հաճախորդների համար։

Նախագծի հեղինակները համոզված են, որ սրա ընդունումը հնարավորություն կտա կարգավորել նման ծառայությունների մատուցումը և պաշտպանել քաղաքացիներին ֆինանսական կառույցների հետ հարաբերվելիս` բացառելով քաղաքացիներից միջնորդության համար որեւէ վճարի գանձումը:

ԱՄԵՆԱԿԱՐԴԱՑՎԱԾ ԼՈՒՐԵՐ

Վարչապետ Նիկոլ Փաշինյանի ելույթն ԱԺ-ում (ՏԵՍԱՆՅՈՒԹ)

«Կառավարության ծրագրի տեքստի քննարկման արդյունքում այդպես էլ չմեջբերվեց նրա թերևս ամենակարևոր հատվածը, որտեղ ասվում է՝ Կառավարության սույն ծրագրի գաղափարական հիմքը «Իմ քայլը» դաշինքի նախընտրական ծրագիրն է»,- Նիկոլ Փաշինյան:

«Կառավարության հետ մեկտեղ յուրաքանչյուր քաղաքացի ունի անելիքի իր բաժինը»,- վարչապետ

Հայաստանի Հանրապետության կառավարության ներկայացրած ծրագրի իրագործման հարցում կառավարության ունեցած պատասխանատվության հետ մեկտեղ յուրաքանչյուր քաղաքացի ունի անելիքի ու պատասխանատվության իր բաժինը: b4b.am-ի փոխանցմամբ՝ այդ մասին փետրվարի 14-ին ԱԺ առաջին նստաշրջանի հերթական նիստում կառավարության ծրագրի քննարկման եզրափակիչ ելույթում հայտարարել է ՀՀվարչապետ Նիկոլ Փաշինյանը: «Վերջին 3 օրվա քննարկումները համարում եմ խիստ հաջողված, որովհետև իրականում տեղի ունեցավ շատ լուրջ […]

ԱԺ-ն ընդունեց կառավարության ծրագիրը

82 պատգամավոր քվեարկել է կողմ, 37-ը՝ դեմ: