Մուտք

Invalid username or password

Մոռացե՞լ եք գաղտնաբառը

«Լիդիան Արմենիան» համատեղ ուսումնական վարժանք անցկացրեց Արտակարգ իրավիճակների նախարարության հետ (լուսանկարներ, տեսանյութ)

Վերադարձ լուրերի բաժին

17:57 , 17 Մարտ 2018

«Լիդիան Արմենիան» համատեղ ուսումնական վարժանք անցկացրեց Արտակարգ իրավիճակների նախարարության հետ

«Լիդիան Արմենիա» ընկերությունը հատուկ նշանակություն է տալիս ընկերության գործունեության բոլոր փուլերում և ոլորտներում ռիսկերի կանխարգելմանը և արդյունավետ կառավարմանը: Սա վերաբերում է ոչ միայն բնապահպանական կառավարմանը, այլ նաև աշխատանքային անվտանգությանը: Արտակարգ իրավիճակների կանխարգելումը և անհրաժեշտության դեպքում՝ արագ և պրոֆեսիոնալ արձագանքումը նվազեցնում է ռիսկերը և մեղացնում հնարավոր հետևանքները:

LLYD1

Հենց այս նպատակով ընկերությունը ստեղծել է իր աշխատակիցներից բաղկացած արտակարգ իրավիճակների արագ արձագանքման խումբ, որը 150 ժամ հատուկ պատրաստության դասընթացներ է անցել ՀՀ ԱԻՆ մասնագետների օգնությամբ: Խմբի 11 անդամներից 5-ը Ամուլսարի հարակից համայնքների բնակիչներ են և ձեռք բերված հմտությունները անհրաժեշտության դեպքում կարող են կիրառել ոչ միայն Ամուլսարի ծրագրում, այլև իրենց համայնքներում:

LLYD2

ԱԻՆ դասընթացների վերջնական փուլը համատեղ ուսումնական վարժանքն էր, որն անցկացվեց մարտի 16-ին, Ջերմուկ քաղաքում: «Լիդիան Արմենիայի» Արագ արձագանքման խմբի անդամներն՝ ԱԻՆ աշխատակիցների հետ համատեղ, իրականին մոտ պայմաններում հաջողությամբ կատարեցին մի քանի գործողություն․ տուժածների տարհանում հրդեհի վայրից, տարհանում ավտոմեքենայի վթարի վայրից և առաջին բուժօգնության ցուցաբերում:

LLYD3

ՀՀ ԱԻՆ բուժծառայության պետ գնդապետ Կարեն Աթոյանը կարևորեց «Լիդիան Արմենիայի» նման պատասխանատու մոտեցումը և ԱԻՆ օգնությամբ իր աշխատակիցների պրոֆեսիոնալ վերապատրաստումը: Լավ պատրաստված թիմը տեղում կարող է զգալիորեն նվազեցնել անցանկալի հետևանքների հավանականությունը՝ ցանկացած արտակարգ իրավիճակում:

llyd4

Խումբը պատրաստ է անհրաժեշտության դեպքում արագ և արդյունավետ արձագանքել ցանկացած արտակարգ իրավիճակի՝ ոչ միայն Ամուլսարի հանքավայրի տարածքում, այլև ԱԻՆ համար օժանդակ ուժ հանդիսանալ տարածաշրջանում արտակարգ իրավիճակների դեպքում: 2017 թվականի ամռանը Արտավանի անտառում բռնկված հրդեհի մարման աշխատանքներին ակտիվ մասնակցեցին նաև «Լիդիան Արմենիայի» Արագ արձագանքման խմբի անդամները, ինչը զգալիորեն նպաստեց հրդեհի արագ լոկալիզացիային:

ԱՄԵՆԱԿԱՐԴԱՑՎԱԾ ԼՈՒՐԵՐ

2018 թ. Ամերիաբանկն առաջատար դիրքում է եղել ֆակտորինգային գործառնությունների ծավալով

Ամերիաբանկը 2018 թ. արդյունքներով առաջատարն է ՀՀ բանկային համակարգում ֆակտորինգի պորտֆելի ծավալով: Հաշվետու տարում Բանկի պորտֆելը նախորդ տարվա համեմատությամբ աճել է 59%-ով և տարեվերջին կազմել շուրջ 11 մլրդ ՀՀ դրամ: Ներկայում ֆակտորիգի պորտֆելն արդեն գերազանցում է 12 մլրդ ՀՀ դրամը: Ֆակտորինգը, որպես կարճաժամկետ ֆինանսավորման լավագույն գործիք, ակտիվորեն կիրառվում է Ամերիաբանկի կողմից, որի արդյունքում Բանկի ֆակտորինգի […]

Յունիբանկը հայտարարում է 5% եկամտաբերությամբ դոլարային պարտատոմսերի նոր թողարկման մասին

Յունիբանկը թողարկում է դոլարային արժեկտրոնային նոր պարտատոմսեր 5 մլն ԱՄՆ դոլար ծավալով, առաջարկելով բարձր եկամտաբերություն` 5% տարեկան: Արժեկտրոնային եկամուտը կվճարվի եռամսյակային պարբերականությամբ: Մեկ պարտատոմսի անվանական արժեքը կազմում է 100 դոլար, շրջանառության ժամկետը` 36 ամիս: Պարտատոմսերը կարելի է ձեռքբերել բանկի գլխամասային գրասենյակում կամ 47 մասնաճյուղերից մեկում: Տեղաբաշխման ժամկետը սահմանված է մինչև 20.05.2019թ.-ը: «Մենք արդեն հաջողությամբ տեղաբաշխել […]

Արտոնություն է տրամադրվել հերթական ներդրումային ծրագրին

Կառավարությունը մարտի 21-ի նիստում ընդունել է որոշում, որով «Եվրոստան-ույուտ» ՍՊԸ-ին տրվել է գերակա ոլորտում իրականացվող ներդրումային ծրագրի շրջանակում օգտվել մաքսատուրքից ազատելու արտոնությունից: Ընկերությունը ներմուծվող ապրանքներն օգտագործելու է ջերմա և ձայնամեկուսիչ կոնստրուկցիաների արտադրության մեջ։ Նախատեսվում է ծրագրի շրջանակում իրականացնել 700 000 000 ՀՀ դրամի ներդրում: Արդյունքում՝ ծրագրի շրջանակում կստեղծվի 40 նոր աշխատատեղ՝ 260 000 ՀՀ դրամ […]