Մուտք

Invalid username or password

Մոռացե՞լ եք գաղտնաբառը

Լիդիան Արմենիայի 3 բուլդոզերավարները ՀՀ նախագահից ստացան երախտագիտության մեդալներ

Վերադարձ լուրերի բաժին

15:36 , 05 Սեպտեմբեր 2017

ՀՀ նախագահ Սերժ Սարգսյանը երեկ փրկարարի օրվա առթիվ կազմակերպված տոնական շքերթի ժամանակ, ի թիվս այլ պարգևների, երախտագիտության մեդալներ և շնորհակալագրեր հանձնեց նաև Ամուլսարի ծրագիրն իրականացնող Լիդիան Արմենիա ընկերության երեք աշխատակիցներին, ովքեր Արտավանում բռնկված հրդեհի ժամանակ ԱԻՆ փրկարարների հետ համատեղ մասնակցել են հրդեհաշիջման աշխատանքներին և աչքի են ընկել իրենց արհեստավարժ ու անձնուրաց աշխատանքով։ Լիդիանի աշխատակիցներ Մանուկ Մովսիսյանը, Արսեն Ստեփանյանը և Աշոտ Ստեփանյանը ծանր տեխնիկայի օպերատորներ են՝ բուլդոզերավաներ, ովքեր հրշեջ մեքենաների և ԱԻՆ-ի փրկարարների համար ճանապարհ են բացել՝ բարդ ռելիեֆային պայմաններում հրդեհի մարման աշխատանքները հնարավոր դարձնելու համար։

«Մեզ համար մեծ պատիվ է զգալ մեզ այսպես գնահատված մի աշխատանքի համար, որը մենք կկատարեինք ցանկացած դեպքում, առանց երախտագիտության կամ պարգևի անկնալիքի։ Մեզ հաջողվեց մարել հրդեհը հնարավոր ամենակարճ ժամկետում, և դա էր ամենամեծ նպատակը», – ասաց Լիդիանի աշխատակից, Գնդեվազի բնակիչ Արսեն Ստեփանյանը՝ ավելացնելով, որ պարգև են ստացել մի քանիսը, բայց, պետք է ասել, որ կրակի դեմ պայքարող խումբն ավելի մեծ էր, ու բոլորի համատեղ ջանքերով հնարավոր եղավ այդ աղետը կասեցնել։

Լիդիան Արմենիայի առողջության և տեխնիկական անվտանգության վերահսկող Արթուր Հովսեփյանը, ով նաև ԱԻՆ-ի կողմից վերապատրաստված Լիդիանի «Արագ արձագանքման» թիմի ղեկավարն է, հպարտությամբ նշեց, որ անձամբ ղեկավարել է հրդեհաշիջման աշխատանքին մասնակցող Լիդիանի փրկարարների խումբը և, կարող է ասել, որ բուլդոզերավարները, ովքեր իրոք, բարդ աշխատանք կատարեցին, արժանի էին պարգևի։ Արտավանի շրջակայքում հրդեհի մարման աշխատանքներում ամենաակտիվ մասնակցության համար Արթուր Հովսեփյանը նույնպես պարգևատրվել է՝ օրերս ՀՀ Արտակարգ իրավիճակների նախարարի հրամանով նրան շնորհվել է «Միջազգային կարգի փրկարարի» որակավորման դաս:

Բուլդոզերավար, Եղեգնաձորի բնակիչ, Աշոտ Թադևոսյանի խոսքերով, շատ հուզիչ է ստանալ այս պարգևը․ «Պարգևի համար ուրախ եմ, բայց տխրում եմ, որ այրվում էր մեր բնությունը, շատ ափսոս էր։ Լավ է, որ մինչև աշխատանքի ընդունվելը, Լիդիան ընկերությունում հատուկ դասընթացներով անվտանգության կանոններն ու աղետների կանխման հմտություններ էինք սովորել և ահա կարողացանք այդ գիտելիքներն օգտագործել՝ աջակցել ԱԻՆ-ի փրկարարներին ու օգտակար գտնվել այդպիսի աղետի կանխման գործում»։

lyd002 lyd003 lyd004

ԱՄԵՆԱԿԱՐԴԱՑՎԱԾ ԼՈՒՐԵՐ

2018 թ. Ամերիաբանկն առաջատար դիրքում է եղել ֆակտորինգային գործառնությունների ծավալով

Ամերիաբանկը 2018 թ. արդյունքներով առաջատարն է ՀՀ բանկային համակարգում ֆակտորինգի պորտֆելի ծավալով: Հաշվետու տարում Բանկի պորտֆելը նախորդ տարվա համեմատությամբ աճել է 59%-ով և տարեվերջին կազմել շուրջ 11 մլրդ ՀՀ դրամ: Ներկայում ֆակտորիգի պորտֆելն արդեն գերազանցում է 12 մլրդ ՀՀ դրամը: Ֆակտորինգը, որպես կարճաժամկետ ֆինանսավորման լավագույն գործիք, ակտիվորեն կիրառվում է Ամերիաբանկի կողմից, որի արդյունքում Բանկի ֆակտորինգի […]

Յունիբանկը հայտարարում է 5% եկամտաբերությամբ դոլարային պարտատոմսերի նոր թողարկման մասին

Յունիբանկը թողարկում է դոլարային արժեկտրոնային նոր պարտատոմսեր 5 մլն ԱՄՆ դոլար ծավալով, առաջարկելով բարձր եկամտաբերություն` 5% տարեկան: Արժեկտրոնային եկամուտը կվճարվի եռամսյակային պարբերականությամբ: Մեկ պարտատոմսի անվանական արժեքը կազմում է 100 դոլար, շրջանառության ժամկետը` 36 ամիս: Պարտատոմսերը կարելի է ձեռքբերել բանկի գլխամասային գրասենյակում կամ 47 մասնաճյուղերից մեկում: Տեղաբաշխման ժամկետը սահմանված է մինչև 20.05.2019թ.-ը: «Մենք արդեն հաջողությամբ տեղաբաշխել […]

Արտոնություն է տրամադրվել հերթական ներդրումային ծրագրին

Կառավարությունը մարտի 21-ի նիստում ընդունել է որոշում, որով «Եվրոստան-ույուտ» ՍՊԸ-ին տրվել է գերակա ոլորտում իրականացվող ներդրումային ծրագրի շրջանակում օգտվել մաքսատուրքից ազատելու արտոնությունից: Ընկերությունը ներմուծվող ապրանքներն օգտագործելու է ջերմա և ձայնամեկուսիչ կոնստրուկցիաների արտադրության մեջ։ Նախատեսվում է ծրագրի շրջանակում իրականացնել 700 000 000 ՀՀ դրամի ներդրում: Արդյունքում՝ ծրագրի շրջանակում կստեղծվի 40 նոր աշխատատեղ՝ 260 000 ՀՀ դրամ […]