Մուտք

Invalid username or password

Մոռացե՞լ եք գաղտնաբառը

Լավ լուր ավտոսեփականատերերի համար՝ ԱՊՊԱ-ն նաև on-line՝ 5%-ով ցածր ապահովագրավճարով

Վերադարձ լուրերի բաժին

11:30 , 01 Նոյեմբեր 2017

Հարգելի ավտոսեփականատերեր, տեղեկացնում ենք, որ այսուհետ ցանկացած ապահովագրական ընկերության հետ ԱՊՊԱ պայմանագրեր կարող եք կնքել նաև առցանց (on-line) եղանակով և այդ տարբերակով ԱՊՊԱ պայմանագրի կնքման դեպքում կվճարեք սահմանվածից 5% ցածր ապահովագրավճար:

Ընդ որում՝

1. ԱՊՊԱ պայմանագրի on-line կնքումը պարզ գործընթաց է և տևում է առավելագույնը 3-ից 4 րոպե,

2. ԱՊՊԱ պայմանագրի on-line կնքման վճարումն իրականացվում է պայմանագրի կնքման պահին՝ ցանկացած վճարային քարտի միջոցով,

3. ԱՊՊԱ պայմանագրի on-line կնքումից անմիջապես հետո ապահովագրության վկայագիրն ուղարկվում է վկայագրում նշված՝ Ապահովադրի էլեկտրոնային հասցեին:

​Հիշեցնում ենք, որ ԱՊՊԱ ապահովագրության վկայագրի թղթային կամ տպված տարբերակն ավտոմեքենաներում պահպանելը պարտադիր չէ: Ճանապարհային ոստիկանությունն ավտոմեքենաների վերաբերյալ ԱՊՊԱ պայմանագրերի առկայությունը ստուգում է Ճանապարհային ոստիկանության և ԱՊՊԱ տեղեկատվական համակարգերի միջև իրական ժամանակի ռեժիմում (on-line) իրականացվող հարցումների միջոցով:

ԱՊՊԱ պայմանագրերի առցանց կնքման համար կարող եք այցելել Հայաստանի ավտոապահովագրողների բյուրոյի www.appa.am պաշտոնական կայքի «ԱՊՊԱ պայմանագրերի առցանց կնքում» բաժին, www.aswa.am կայք կամ ցանկացած ապահովագրական ընկերության պաշտոնական կայք։

Տեղեկացնում ենք նաև, որ առաջիկա 1-2 ամիսների ընթացքում նախատեսվում է ԱՊՊԱ պայմանագրերի on-line կնքման հնարավորություն ստեղծել նաև կանխիկի ընդունման հնարավորությամբ վճարային տերմինալների, մասնավորապես՝ «Թել-Սել», «Իզի Փեյ», «Մոբի Դրամ» և «Իդրամ» կազմակերպությունների վճարային տերմինալների միջոցով, ինչի մասին Բյուրոյի կողմից լրացուցիչ կիրազեկվի։

Հայաստանի ավտոապահովագրողների բյուրո

ԱՄԵՆԱԿԱՐԴԱՑՎԱԾ ԼՈՒՐԵՐ

Սպառողական զամբյուղ. ինչ արժե «յոլա գնալը»՝ 2017 թվականի 3-րդ եռամսյակի միջին գներով

Ազգային վիճակագրական ծառայության պնդմամբ՝ սպառողական զամբյուղն էժանացել է

Ամենից շատ ամուսնալուծվում են Լոռու մարզում, ամենից քիչ՝ Տավուշում և Կոտայքում

2016 թվականին Հայաստանում գրանցվել է 16294 ամուսնություն, 3648 ամուսնալուծություն

Վիճակագրական «միջադեպի» հետքերով. ինչու է տարբերվում ներմուծման տվյալը

ՀՀ վարչապետի հետ հանդիպման ժամանակ Մեդվեդևը չհամաձայնեց Կարեն Կարապետյանի հնչեցրած թվի հետ։