Մուտք

Invalid username or password

Մոռացե՞լ եք գաղտնաբառը

«Իրանի հետ ԵԱՏՄ-ի ժամանակավոր համաձայնագիրը կարող է ուժի մեջ մտնել 2019 թվականից». Տիգրան Սարգսյան

Վերադարձ լուրերի բաժին

Հեղինակ

B4B.am

Խորագրեր

ԵՏՄ

11:43 , 29 Մայիս 2018

Եվրասիական տնտեսական միության եւ Իրանի միջեւ ազատ առեւտրի գոտու վերաբերյալ ժամանակավոր համաձայնագիրը կարող է ուժի մեջ մտնել 2019 թվականից: Այդ մասին ՏԱՍՍ-ին տված հարցազրույցում հայտնել է Եվրասիական տնտեսական հանձնաժողովի կոլեգիայի նախագահ Տիգրան Սարգսյանը:

«Աստանայի համաժողովում մենք ստորագրեցինք ժամանակավոր համաձայնագիր, որը տանում է Իրանի հետ ազատ առեւտրի գոտու ստեղծում: Այժմ մենք վավերացման ընթացակարգը գործարկել ենք մեր երկրներում, հուսով ենք, որ նոր տարվանից այդ համաձայնագիրն արդեն ուժի մեջ կմտնի»,-ասել է նա:

«Համաձայնագիրն ստորագրված է, այժմ այն անհրաժեշտ է վավերացնել խորհրդարանում: Մեր փորձագետներն ասում են, որ դա կարող է տեւել մոտավորապես վեց ամիս: Վավերացումից հետո այն ուժի մեջ կմտնի: Նույնը վերաբերում է նաեւ Չինաստանին»,-պարզաբանել է Սարգսյանը:

Նա հիշեցրել է, որ ԵԱՏՄ-ն այժմ ազատ առեւտրի գոտու վերաբերյալ համաձայնագրերի կնքման շուրջ բանակցություններ է վարում Իսրայելի, Սինգապուրի, Հնդկաստանի, Եգիպտոսի եւ Սերբիայի հետ:

ԱՄԵՆԱԿԱՐԴԱՑՎԱԾ ԼՈՒՐԵՐ

Տիգրան Սարգսյանն ԱՊՀ երկրներին կառավարություններին կոչ է արել միանալ տնտեսության թվայնացման աշխատանքին

Եվրասիական տնտեսական հանձնաժողովի Կոլեգիայի նախագահ Տիգրան Սարգսյանը Անկախ պետությունների համագործակցության անդամ երկրների կառավարություններին տնտեսության թվայնացման համատեղ աշխատանքին միանալու կոչ է արել: Այդ մասին b4b.am-ին տեղեկացրին Եվրասիական տնտեսական հանձնաժողովի մամուլի ծառայությունից: Սարգսյանն այդ մասին ասել է մարտի 15-ին տեղի ունեցած Տնտեսական միջազգային համաժողովի լիագումար նիստի ընթացքումը: «Այսօր, երբ մենք ձևավորում ենք թվային նախագծերի ճարտարապետությունն ու դիզայնը, […]

Տիգրան Խաչատրյանը մասնակցել է ԵԱՏՄ արդյունաբերության նախարարների հանդիպմանը

Մոսկվայում տեղի է ունեցել Եվրասիական տնտեսական միության անդամ երկրների արդյունաբերության ոլորտի նախարարների հանդիպումը, որին մասնակցել են Միության բոլոր երկրների կառավարությունների և Եվրասիական տնտեսական հանձնաժողովի պատվիրակությունները։ Հայաստանի Հանրապետության պատվիրակությունը գլխավորել է ՀՀ տնտեսական զարգացման և ներդրումների նախարար Տիգրան Խաչատրյանը: Այդ մասին b4b.am-ին հայտնեց տնտեսական զարգացման և ներդրումերի նախարարության մամուլի բաժինը: Հանդիպման մասնակիցները քննարկել են տնտեսության գերակա […]

ՀՀ դեսպանը և բելառուս նախարարը կարևորել են առևտրաշրջանառության աճը

Բելառուսում Հայաստանի դեսպան Արմեն Ղևոնդյանը մարտի 12-ին հանդիպել է Բելառուսի հակամենաշնորհային կարգավորման և առևտրի նախարար Վլադիմիր Կոլտովիչի (Владимир Колтович) հետ։ B4b.am-ին ՀՀ արտաքին գործերի նախարարության լրատվության և հանրային դիվանագիտության վարչությունը տեղեկացրեց, որ հանդիպմանը վերահաստատվել են Հայաստանի և Բելառուսի միջև առևտրատնտեսական փոխշահավետ համագործակցության զարգացման միտումը, ինչպես նաև՝ բելառուսական շուկա հայաստանյան արտադրանքի արտահանման ծավալների և անվանացանկի ընդլայնմանն […]