Մուտք

Invalid username or password

Մոռացե՞լ եք գաղտնաբառը

Ինտերնետ հասանելիության ցուցանիշները

Վերադարձ լուրերի բաժին

18:40 , 22 Փետրվար 2020

Օրբելի կենտրոնը ներկայացրել է ՀՀ հանրային ծառայությունները կարգավորող հանձնաժողովի տվյալների հիման վրա կատարած հետազոտությունը: Նախօրեին հանձնաժողովը ներկայացրել էր 2019թ. Հայաստանի Հանրապետության ինտերնետ հասանելիության ծառայությունների ոլորտի վիճակագրական ցուցանիշները:

2020 թվականի հունվարի 1-ի դրությամբ ՀՀ տարածք ներմուծված միջազգային «IP» հոսքերի թողունակությունը 882 000 Մբ/վ է, որը նախորդ տարվա համեմատ աճել է 54.2 %-ով:

Internet

Միաժամանակ, միջազգային «IP» տարանցման հոսքերի թողունակությանը զուգահեռ նվազել է ծառայության սակագինը: 2019թ. 1 Մբ/վ արագությամբ տարանցման հոսքի միջին շուկայական արժեքն եղել է 750 դրամ, որը նախորդ տարվա համեմատ նվազել է 25 %-ով:

Internet

Ինտերնետ հասանելիության ծառայությունների բաժանորդների թիվը 2019-ին 3087291 էր, որը նախորդ տարվա համեմատ աճել է շուրջ 6.7 %-ով, և ներառում է ինչպես շարժական, այնպես էլ ամրակցված ինտերնետ հասանելիության բաժանորդագրությունները: Օգտագործվել է առավել մատչելի՝ «բաժանորդ» եզրույթը, որը համապատասխանում է մասնագիտական շրջանակներում օգտագործվող «բաժանորդագրություն» եզրույթին:

Վիճակագրական ցուցանիշը ներկայացնում է ակտիվ բաժանորդագրությունների թիվը, այսինքն՝ բաժանորդագրության գործող պայմանագրերի հիման վրա վերջին երեք ամսվա ընթացքում առնվազն մեկ անգամ ակտիվություն՝ ծառայության օգտագործում, վճարում կամ լիցքավորում, ցուցաբերած բաժանորդագրությունները:

Internet

Ավելացել է լայնաշերտ ինտերնետ հասանելիության ծառայությունների մատուցման ծավալը, որի բաժանորդների թիվը 2830853 է. նախորդ տարվա համեմատ բաժանորդների թիվն աճել է 9.4 %-ով:

Internet

Ավելացել է նաև շարժական լայնաշերտ ինտերնետ հասանելիության ծառայությունների մատուցման ծավալը՝ 2019թ. կազմելով 2445149, և նախորդ տարվա համեմատ աճել է 9.2 %-ով:

Internet

Ամրակցված լայնաշերտ ինտերնետ հասանելիությամբ բաժանորդները 385704-ն են:

Internet
Ամրակցված լայնաշերտ ինտերնետ հասանելիության ծառայությունների մանրածախ շուկայում գերակշռել են օպտիկամանրաթելային արագագործ ինտերնետ հասանելիությամբ բաժանորդները, որոնց տեսակարար կշիռը շուկայում 2019-ին կազմել է շուրջ 59 %: 2018թ.-ի համեմատ այդ բաժանորդների թիվն աճել է գրեթե 19 %-ով:

Օրբելի կենտրոն

ԱՄԵՆԱԿԱՐԴԱՑՎԱԾ ԼՈՒՐԵՐ

Կորոնավիրուսի ազդեցությունը տրանսֆերների վրա

Հայաստան փոխանցվող գումարների վրա իրենց ազդեցությունն են թողել մի շարք գործոններ։

Տնտեսական ակտիվության ցուցանիշը նվազել է 6.4 տոկոսով

Սպառողական գների ինդեքսն ավելացել է 0.8 տոկոսային կետով, իսկ արդյունաբերական արտադրանքի գների ինդեքսը` 1.5 տոկոսային կետով:

ՄԻՊ իրավասությունները սահմանափակ են`բանկերի և վարկային կազմակերպությունների հետ կապված. Թաթոյան

Նա ընդգծեց, որ Հայաստանում արտակարգ դրության ընթացքում 276 անձից ստացվել է ըստ խնդրի բնույթի 83 գրավոր և բանավոր բողոք՝ հասցեագրված մարդու իրավունքների պաշտպանին: Նա նաև շեշտեց, որ քաղաքացիները նախ պետք է կարդան պայմանագրերը, ինչը երբեմն չի արվում: