Մուտք

Invalid username or password

Մոռացե՞լ եք գաղտնաբառը

Ինչ և ինչքան են խմում հայերը (ինֆոգրաֆիկա)

Վերադարձ լուրերի բաժին

09:42 , 22 Մայիս 2017

Որքան ալկոհոլ է սպառվում Հայաստանում։ Այս հարցի մոտավոր պատասխանը կարելի է գտնել Ազգային վիճակագրական ծառայության (ԱՎԾ) զեկույցներում։

ԱՎԾ-ն թվով 25 ապրանքների համար հաշվարկում է՝ բնեղեն արտահայտությամբ որքան է արտադրվել Հայաստանում, դրանից հանում է արտահանումը և գումարում ներմուծման ծավալը։ Ըստ այդմ ստացվում է մաքուր ռեսուրսների ծավալը, որը կարելի է ընդունել նաև որպես սպառման ծավալ։

Այդ 25 ապրանքների թվում վիճակագրությունը ներկայացնում է գինու, կոնյակի, օղու և գարեջրի սպառման ծավալները։

Մենք ԱՎԾ տվյալները բերել ենք գրաֆիկական տեսքի և անցկացրել որոշ համեմատականներ, որպեսզի պատկերն ավելի պարզ լինի։

Եվ այսպես, ինչպես տեսնում եք գծապատկերում, Հայաստանում քանակային առումով ամենից շատ սպառվում է գարեջուր՝ տարեկան 19.7 մլն լիտր (2016թ. արդյունքներով): Երկրորդ տեղում օղին է. 2016-ին Հայաստանում սպառվել է 14.4 մլն լիտր օղի։ Գինին երրորդն է սպառման ծավալներով՝ 5.2 մլն լիտր։

Ամենաքիչ սպառվողը կոնյակն է՝ 1.9 մլն լիտր (այստեղ հարկ է նշել, որ ամենից շատ հենց կոնյակ է արտադրվում՝ 21.6 մլն լիտր, պարզապես դրա առյուծի բաժինը արտահանվում է):

 

Գծապատկեր 1. Գինու, կոնյակի, օղու և գարեջրի սպառման ծավալները Հայաստանում 2016թ., հազար լիտր

alc1-kshir

Եթե ընդունենք, որ Հայաստանում չափահաս բնակիչների թիվը մոտ 2.5 մլն է, ապա կստացվի, որ մեկ բնակչի հաշվով Հայաստանում ամսական սպառվում է`

173 մլ գինի,
64 մլ կոնյակ,
481 մլ օղի,
658 մլ գարեջուր։

2016 թվականին՝ 2015-ի համեմատ, գինու և կոնյակի սպառումն ավելացել է, համապատասխանաբար, 7.7 և 0.1 տոկոսով, իսկ օղու և գարեջրի սպառումը նվազել է, համապատասխանաբար, 3.7 և 12.1 տոկոսով։

 

Գծապատկեր 2. Գինու, կոնյակի, օղու և գարեջրի սպառման ծավալների փոփոխությունը Հայաստանում 2016թ., %
alc3-growth

Իսկ երրորդ գծապատկերը ըստ խմիչքների տեսակների ցույց է տալիս՝ տեղակա՞ն արտադրանքն ենք ավելի շատ սպառում, թե՞ արտասահմանյան արտադրության խմիչքները։

Ինչպես տեսնում եք, միայն օղու դեպքում է ներմուծված արտադրանքը գերակշռում։ 2016 թվականին Հայաստանում սպառված 14.4 մլն լիտր օղուց 8.6 մլն լիտրը (մոտավորապես 60%-ը) ներմուծված արտադրանք է։

Գարեջրի դեպքում տեղականը գերակշռում է։ Տեղական և ներմուծված գարեջրի հարաբերակցությունը 83% / 17% է։ 2016-ին ներմուծվել է մոտ 3.3 մլն լիտր գարեջուր։

Գծապատկեր 3. Տեղական և ներմուծված արտադրանքի կշիռները խմիչքների սպառման կառուցվածքում, %

 alc-33

Կոնյակի դեպքում նույնպես նախապատվությունը գրեթե ամբողջությամբ տրվում է հայկականին. 1.9 մլն լիտր սպառված կոնյակի 97%-ը հայկական է (2016 թվականին սպառվել է 56.4 հազար լիտր ներմուծված կոնյակ):

Գինու դեպքում հարաբերակցությունը հետևյալն է՝ 4.9% ներմուծված, 95.1% տեղական։

Հ.Գ. – Վիսկիի, լիկյորների, շամպայնի սպառման ծավալները այս հրապարակման մեջ ներկայացված չեն։

ԱՄԵՆԱԿԱՐԴԱՑՎԱԾ ԼՈՒՐԵՐ

Բանկային ոլորտի կապիտալիզացիան հուլիսին նվազել է (գծապատկերներ)

Հայաստանում գործող 17 բանկերի հաշվեկշռային ընդհանուր կապիտալը 2017 թվականի հուլիսի վերջի դրությամբ կազմել է 653.7 մլրդ դրամ։

Սերժ Սարգսյանը աշխատանքային այցով մեկնել է ԱՄՆ

Հանրապետության Նախագահը Նյու Յորքում կմասնակցի ՄԱԿ-ի Գլխավոր ասամբլեայի 72-րդ նստաշրջանին, որտեղ հանդես կգա ելույթով:

Հայաստանի միջոցով գործարարները հնարավորություն են ստանում աշխատել խոշորագույն շուկաներում. Տիգրան Ջրբաշյան

Ամերիաբանկ» ՓԲԸ զարգացման գծով տնօրեն Տիգրան Ջրբաշյանը, խոսելով Հայաստանի զարգացման հիմնական հիմնախնդիրների մասին, նշեց, որ առկա են թե լուրջ մարտահրավերներ