Մուտք

Invalid username or password

Մոռացե՞լ եք գաղտնաբառը

Ինչ տոկոսներով են վարկեր տրամադրվել Երևանում և մարզերում

Վերադարձ լուրերի բաժին

22:01 , 08 Դեկտեմբեր 2016

Հոկտեմբեր ամսվա ընթացքում ՀՀ բանկերի և վարկային կազմակերպությունների կողմից ՀՀ դրամով տրամադրված վարկերի միջին տոկոսադրույքը եղել է 12.8%։ Այս մասին տեղեկանում ենք ՀՀ Կենտրոնական բանկի՝ 2016 թվականի հոկտեմբեր ամսվա տեղեկագրից։

Նշենք, որ ներկայացված են վարկերի միջին կշռված տոկոսադրույքներն ըստ վարկային ռեգիստրի տվյալների: Վարկային ռեգիստրում հաշվառվում են 1.5 մլն ՀՀ դրամին համարժեք գումարը գերազանցող բոլոր տեսակի պարտավորությունները, ինչպես նաև դասակարգված բոլոր տեսակի պարտավորություններն առանց սահմանաչափի: Վարկերի մեջ ներառված են միայն վարկերը և վարկային գծերը:

Առավել ուշագրավ է տոկոսադրույքների տարբերությունը՝ ըստ մարզերի։

Պարզվում է, հոկտեմբերին ՀՀ դրամով ամենաթանկ վարկերը տրամադրվել են Շիրակի մարզում. միջին տոկոսադրույքը՝ 18.8%։ Գեղարքունիքում միջին տոկոսադրույքը եղել է 17.5%, Լոռիում՝ 17.4%։

Ամենացածր տոկոսադրույքը գրանցվել է Երևանում՝ 14.1%։

Արտարժույթով տրամադրված վարկերի առումով նույնպես ամենացածր տոկոսադրույքը Երևանում է՝ միջինը 8.5%։ Իսկ ամենաբարձր տոկոսադրույքները Տավուշի և Վայոց ձորի մարզերում են՝ 14.7%։

Ընդհանուր առմամբ, Հայաստանի Հանրապետությունում հոկտեմբերի ընթացքում արտարժույթով տրամադրված վարկերի միջին տոկոսադրույքը կազմել է 9.1%։

varker-tokos

ԱՄԵՆԱԿԱՐԴԱՑՎԱԾ ԼՈՒՐԵՐ

939 մեքենա՝ 2039-ի փոխարեն. Ներկայացվել է Երևանի հասարակական տրանսպորտի նոր ցանցի նախագիծը

Երևանի քաղաքապետի տեղակալ Վահե Նիկոյանը ներկայացրել է խորհրդատու WYG ընկերության կողմից մշակված հասարակական տրանսպորտի նոր ցանցի նախագիծը

Էներգետիկ ենթակառուցվածքների և բնական պաշարների նախարարը հրաժարականի դիմում է ներկայացրել

«Այո, նախարարը հրաժարականի դիմում է ներկայացրել: Նա շարունակում է աշխատել, այսօր էլ հանդիպում է ունեցել»,- ասել է Վասակ Թարփոշյանը:

ՊԵԿ-ը 26.4 մլրդ դրամով գերակատարել է հարկային մուտքերը. 2017թ. տարեկան ցուցանիշները (գծապատկերներ)

2016 թվականի հունվար-դեկտեմբերի համեմատ ՊԵԿ-ի կողմից հավաքագրված հարկերն ու տուրքերը ավելացել են 78.1 մլրդ դրամով