Մուտք

Invalid username or password

Մոռացե՞լ եք գաղտնաբառը

Որ մակնիշի մեքենաներն են ամենից շատ գրավադրում հայերը

Վերադարձ լուրերի բաժին

12:27 , 05 Հունվար 2018

Ո՞ր մակնիշի մեքենաներն են ամենից շատ գրավադրում ՀՀ քաղաքացիները՝ վարկ վերցնելու համար։ Կարծում ենք՝ յուրաքանչյուր ընթերցող այս հարցի պատասխանը փորձում է գուշակել՝ մտովի գնահատելով, թե ամենատարածված մակնիշները Հայաստանում որոնք ենք։

Նման վիճակագրություն բանկերը և վարկային կազմակերպությունները չեն հրապարակում, քանի որ այն մեծ հաշվով որևէ լուրջ ինֆորմացիա չի պարունակում։ Սակայն զուտ ընթերցողների և մեր հետաքրքրասիրությունը բավարարելու համար մենք խնդրեցինք ՄՈԳՈ ունիվերսալ վարկային կազմակերպությանը մեզ տրամադրել այդ տվյալները՝ իրենց վարկային պորտֆելի հիման վրա։

Նշենք, որ ՄՈԳՈ-ն տրամադրում է միայն ավտոմեքենաների հետ կապված վարկեր։ Իսկ եթե ավելի կոնկրետ՝ տրամադրում է վարկեր ինչպես ավտոմեքենա ձեռք բերելու համար, այնպես էլ՝ ավտոմեքենայի գրավով վարկեր։ Ու չնայած այս ՈՒՎԿ-ն իր գործունեությունը Հայաստանում սկսել է 2017 թվականից, արդեն հասցրել է մեծ քանակով վարկեր տրամադրել։

Ճիշտ է, սա չի արտացոլում ամբողջ երկրի պատկերը, սակայն կարծում ենք՝ հարաբերակցությունները դժվար թե շատ տարբերվեն։

Եվ այսպես, ինչպես տեսնում եք Հայաստանում ամենագրավադրվող մակնիշը Mercedes Benz-ն է. Մոգոյի տրամադրած վարկերի (խոսքը ոչ թե վարկերի ծավալի, այլ քանակի մասին է) 24,1%-ը այս մակնիշ մեքենաների գրավով են։

Երկրորդ տեղում Opel-ն է՝ գրավադրված մեքենաների քանակի 15,8%-ը։ Եռյակը եզրափակում է Nissan-ը՝ 12%։

Այս երեք մակնիշներին բաժին է ընկնում գրավադրված մեքենաների կեսից ավելին։

CARS-chart

Շատ են գրավադրում նաև BMW, Volkswagen, VAZ, Toyota և Mitsubishi մակնիշները։

Ընդհանուր առմամբ, ՄՈԳՈ-ի «գրավային ավտոպարկում» այս պահին հաշվառված են 4 տասնյակ մակնիշներ՝ ամենատարբեր երկրների արտադրության։ Գերթանկարժեք մակնիշներ (օրինակ՝ Maserati կամ Lamborghini) դեռ չկան, բայց ներկայացուցչական դասի այլ մեքենաների պակաս չկա։

Վերջում նշենք, որ Մոգոն հանդիսանում է Mogo AS խմբի անդամ, որը հիմնադրվել է 2012 թ-ին և գործում ենք Լատվիայում, Լիտվայում, Էստոնիայում, Վրաստանում, Ռումինիայում, Բուլղարիայում, Մոլդովայում, Լեհաստանում և Ալբանիայում:

Հայաստանյան Մոգո ՈՒՎԿ ՍՊԸ միակ բաժնետեր է հանդիսանում լատվիական «ԱՍ ԱԼՊՍ ԻՆՎԵՍԹՄԵՆԹՍ» բաժնետիրական ընկերությունը, որի ձայնի իրավունք տվող բաժնետոմսերի 100% սեփականատերը Լատվիայի Հանրապետության քաղաքացի Այգարս Քեսենֆելդսն է:

ԱՄԵՆԱԿԱՐԴԱՑՎԱԾ ԼՈՒՐԵՐ

Ես կոորդինացնելու եմ տնտեսական բլոկը և տարածքային զարգացումը. Կարեն Կարապետյան (տեսանյութ)

ՀՀ առաջին փոխվարչապետ Կարեն Կարապետյանի հարցազրույցը «Արմենիա» հեռուստաընկերությանը

«Սինոփսիս» ընկերությունը հայտարարություն է տարածել` քաղաքական գործընթացների կապակցությամբ

Սինոփսիսը ընդունում է իր աշխատակիցների ազատ կամքի դրսևորման իրավունքը, գտնելով, որ նրանք ազատ են արտահայտելու իրենց քաղաքացիական դիրքորոշումներն ու առաջնայնությունները

Converse Bank Yerevan Spring Run 2018 վազքի մարաթոնին կմասնակցի մոտ 1000 վազորդ

Կոնվերս Բանկը Converse Bank Yerevan Spring Run 2018 վազքի մարաթոնի հովանավորն է: