Մուտք
Invalid username or password
Ինչպես են պակասում Հայաստան ուղարկվող փողերը (գծապատկերներ)
Վերադարձ լուրերի բաժին
22:03 , 04 Հոկտեմբեր 2016
Դիտումներ7378
Այս տարվա օգոստոսին ֆիզիկական կողմից ՀՀ բանկերի միջոցով արտասահմանից ստացվել են 146.3 մլն դոլարի փոխանցումներ (տրանսֆերտներ)։ Այս մասին տեղեկանում ենք ՀՀ Կենտրոնական բանկի կողմից հրապարակված տվյալներից։
Նախորդ ամսվա՝ հուլիսի համեմատ, տրանսֆերտների ներհոսքը փոքր-ինչ ավելացել է, սակայն 2015 թվականի օգոստոսի համեմատ` նվազել շուրջ 13.5 մլն դոլարով։
Սա նշանակում է, որ դրամական փոխանցումների նվազման դինամիկան շարունակվում է։ Ինչպես երեւում է ստորեւ բերված գծապատկերից, ընթացիկ տարում միայն փետրվարին են տրանսֆերտները գերազանցել նախորդ տարվա նույն ամսվա ցուցանիշը։
Ընդհանուր առմամբ, 2016 թվականի հունվար-օգոստոսին դրամական փոխանցումների ներհոսքի ծավալը կազմել է 914.4 մլն դոլար, որը 107.7 մլն դոլարով կամ 10.5%-ով քիչ է 2015 թվականի հունվար-օգոստոսի ցուցանիշից։
Տարվա առաջին 8 ամիսների կտրվածքով՝ ավելի ցածր ցուցանիշ գրանցվել է 2006 թվականին՝ 728.4 մլն դոլար։ Անգամ ճգնաժամային 2009 թվականին եւ դրան հաջորդած տարում դրամական փոխանցումների ներհոսքն ավելի մեծ է եղել։
Նվազումն արձանագրվել է հիմնականում ՌԴ-ից ուղարկվող փոխանցումների նվազման պատճառով։ 2016 թվականի հունվար-օգոստոսին ՌԴ-ից Հայաստան փոխանցվել է 550.5 մլն դոլար։ Դա 75.3 մլն դոլարով կամ 12%-ով ցածր է 2015 թվականի նույն ժամանակահատվածի ցուցանիշից։
ԱՄՆ-ից ուղարկվող փոխանցումները նվազել են շուրջ 4 մլն դոլարով կամ 3.5%-ով եւ կազմել 111.7 մլն դոլար։
Ռուսաստանը շարունակում է մնալ տրանսֆերտների ստացման խոշորագույն աղբյուրը, սակայն այս երկրի տեսակարար կշիռը ընդհանուր փոխանցումների մեջ նախորդ տարիների համեմատ նվազել է եւ հասել 60.2%-ի (2016 թվականի հունվար-օգոստոսի արդյունքներով)։
ԱՄՆ-ի տեսակարար կշիռը դրամական փոխանցումների մեջ կազմել է 12.2%, իսկ մնացած երկրներինը միասին՝ 27.6%5
Նշենք նաեւ, որ նույն ժամանակահատվածում դրամական միջոցների արտահոսքը կազմել է 484.9 մլն դոլար։ Նախորդ տարվա հունվար-օգոստոսի համեմատ՝ Հայաստանից դուրս ուղարկվող դրամական միջոցների ծավալն աճել է 12.3 մլն դոլարով կամ 2.6%-ով։
Այսպիսով, 2016 թվականի հունվար օգոստոսին տրանսֆերտների զուտ ներհոսքը (արտահոսքի եւ ներհոսքի տարբերությունը) կազմել է 429.5 մլն դոլար։
Տրանսֆերտների զուտ ներհոսքը նախորդ տարվա նույն ժամանակահատվածի համեմատ նվազել է 120 մլն դոլարով կամ 21.8%-ով:
Դիտումներ 7378
ԱՄԵՆԱԿԱՐԴԱՑՎԱԾ ԼՈՒՐԵՐ
ՎՏԲ-Հայաստան Բանկի հաճախորդները ստանում են կենսաթոշակ մինչև յուրաքանչյուր ամսվա երկրորդ աշխատանքային օրը
Հաճախորդի ցանկությամբ Բանկը տրամադրում է նաև թոշակային քարտ, որով հաճախորդը կարող է կանխիկացնել միջոցներ ոչ միայն Հայաստանում, այլ նաև արտերկրում:
Հնարավոր է՝ տարբերանշաններ թողարկվեն սպասարկման ոլորտի օբյեկտների համար, որոնց աշխատակիցները կպատվաստվեն
Այդ մասին ասել է վարչապետի պաշտոնակատար Նիկոլ Փաշինյանը:
Համաշխարհային բանկը հակաճգնաժամային 4 միջոցառման գծով անհատույց համաֆինանսավորող կլինի
Այդ մասին տեղեկացրել է փոխվարչապետի պաշտոնակատար Մհեր Գրիգորյանը:
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։