Մուտք

Invalid username or password

Մոռացե՞լ եք գաղտնաբառը

Ինչպես են աճել գներն ու աշխատավարձերը 2017թ. հունվար-նոյեմբերին

Վերադարձ լուրերի բաժին

19:20 , 20 Դեկտեմբեր 2017

2017 թվականի նոյեմբերին՝ 2016 թվականի նոյեմբերի համեմատ (12-ամսյա կտրվածքով), սպառողական գներն աճել են 2.2%-ով։ Այս մասին տեղեկանում ենք ՀՀ Ազգային վիճակագրական ծառայության կողմից այսօր հրապարակված տեղեկանքից։

Իսկ հունվար-նոյեմբերին՝ նախորդ տարվա հունվար-նոյեմբերի համեմատ (ժամանակահատվածի միջին) գներն աճել են 0.8%-ով։

Միջին աշխատավարձի դինամիկան այսպիսին է. 12-ամսվա կտրվածքով միջին ամսական անվանական աշխատավարձը աճել է 3.8%-ով և կազմել 187 914 դրամ։ Իսկ հունվար-նոյեմբերի ժամանակահատվածի կտրվածքով միջին աշխատավարձն աճել է 2.6%-ով և կազմել 189 631 դրամ։ Այսինքն, 2 դեպքում էլ՝ թե՛ ամսական կտրվածքով, թե՛ ժամանակահատվածի, աշխատավարձն ավելի արագ է աճել, քան գները։

Կարելի՞ է արդյոք ասել, որ Հայաստանում վարձու աշխատողների գնողունակությունը 2017 թվականին աճել է։

Այո, բայց՝ մասամբ։ Բանն այն է, որ աշխատավարձի աճը գրանցվել է միայն մասնավոր հատվածում։ Այսպես՝ 2017 թվականի նոյեմբերին՝ 2016-ի նոյեմբերի համեմատ, ոչ պետական հատվածում միջին ամսական աշխատավարձն աճել է 4.9%-ով և կազմել 223 910 դրամ։ Իսկ պետական հատվածում աճը ընդամենը 1.1% է (աշխատավարձի չափը՝ 156 563 դրամ)։

Հունվար-նոյեմբեր ժամանակահատվածի կտրվածքով՝ ոչ պետական հատվածի միջին աշխատավարձն աճել է 3.6%-ով, իսկ պետական հատվածինը մնացել անփոփոխ։ Այսպիսով, կարող ենք եզրակացնել, որ պետական հատվածի աշխատողների գնողունակությունը 2017 թվականի ընթացքում նվազել է՝ չնայած տնտեսական աճի բարձր տեմպին և թույլ գնաճին։

ՀԱՅԲԻԶՆԵՍԲԱՆԿ. մրցունակ առաջարկներ «Արմենիա Էքսպո 2021»-ի շրջանակներում

Բանկը կարևորում և գնահատում է իր հաճախորդներին:

Հայտարարություն-հերքում Վիվա-ՄՏՍ-ից

Գնորդի համաձայնությամբ՝ վերջինիս նույնականացման դեպքում, Վիվա-ՄՏՍ-ը պատրաստ է ներկայացնել ողջ եղելությունը՝ փաստերով ու ժամկետներով:

Ucom-ում գործում է «Մատչելին՝ զեղչով» առաջարկը

Հավելենք, որ 36 ամսով ապառիկ ձևակերպելու դեպքում գնորդներն առաջին 12 ամսվա ընթացքում կօգտվեն 0% կանխավճարի, 0% սպասարկման վճարի և 0% տարեկան տոկոսադրույքի հնարավորությունից։