Մուտք

Invalid username or password

Մոռացե՞լ եք գաղտնաբառը

Ինչպես արագ տեղեկանալ ՃՈ տուգանքների մասին և խուսափել ավելորդ գլխացավանքից՝ iDram-ի միջոցով

Վերադարձ լուրերի բաժին

17:03 , 21 Սեպտեմբեր 2017

Արագաչափերի և տեսանկարահանող սարքերի միջոցով արձանագրվող խախտումները Հայաստանի վարորդների ամենամեծ գլխացավանքներից մեկն են։

Հաճախ է պատահում, որ տուգանքի մասին ծանուցումը փոստով չի հասնում մեքենայի սեփականատիրոջը, և նա այդ մասին իմանում է միայն այն ժամանակ, երբ ԴԱՀԿ ծառայությունը արգելանքի տակ է դնում նրա հաշիվները։

Ճանապարհային ոստիկանության տեսանկարահանող և լուսանկարահանող սարքերով հայտնաբերված իրավախախտումների համակարգի միջոցով կարելի է օնլայն տեղեկանալ խախտումների և տուգանքների մասին։ Սակայն ոչ բոլորն են այցելում այդ կայքը։ Բացի դրանից՝ վարորդների համար նախընտրելի է խախտումը արձանագրվելու պես անմիջապես տեղեկանալ այդ մասին՝ հաղորդագրության միջոցով։

Հայկական iDram էլեկտրոնային դրամապանակը նորույթ է առաջարկում, որով այս խնդիրը լուծվում է։ Դրա համար անհրաժեշտ է կատարել ընդամենը 2 քայլ.

1. Ներբեռնել iDram հավելվածը բջջային հեռախոսի մեջ (iOs-ի կամ Andrid-ի համար),

2. Վճարման ծառայությունների ցանկում ընտրել «ՃՈ տուգանքներ»-ը, և «Իմ մեքենաները» բաժնում ավելացնել ձեր ավտոմեքենան՝ լրացնելով պետհամարանիշը և տեխնիկական անձնագրի համարը։

idram-RP

Վերջ։ Դրանից հետո խախտման արձանագրությունից անմիջապես հետո ձեր հեռախոսի վրա Push հաղորդագրություն կհայտնվի (այսինքն՝ անկախ նրանից այդ պահին iDram-ի հավելվածը օգտագործում եք, թե ոչ, հեռախոսի էկրանին համապատասխան գրառում կհայտնվի)։

Նույն հավելվածի միջոցով կկարողանաք ոչ միայն տեղեկանալ խախտման մասին, դիտել արձանագրությունը (տեսանյութը կամ լուսանկարը), այլ նաև օնլայն վճարել տուգանքը։

Նշենք նաև, բացի սրանից կա նաև մեկ այլ տարբերակ՝ տուգանքների մասին տեղեկանալու համար։ Ճանապարհային ոստիկանությունը 2017 թվականի հունիսի 5-ից գործարկել է ՃՈ տեսանկարահանող կամ լուսանկարահանող սարքերով արձանագրված իրավախախտումների գործերով կայացված որոշումների վերաբերյալ «TELEGRAM» բջջային հավելվածի միջոցով տեղեկություններ տրամադրելու համակարգը (առավել մանրամասն՝ այստեղ):

ԱՄԵՆԱԿԱՐԴԱՑՎԱԾ ԼՈՒՐԵՐ

Արտոնություն է տրամադրվել հերթական ներդրումային ծրագրին

Կառավարությունը մարտի 21-ի նիստում ընդունել է որոշում, որով «Եվրոստան-ույուտ» ՍՊԸ-ին տրվել է գերակա ոլորտում իրականացվող ներդրումային ծրագրի շրջանակում օգտվել մաքսատուրքից ազատելու արտոնությունից: Ընկերությունը ներմուծվող ապրանքներն օգտագործելու է ջերմա և ձայնամեկուսիչ կոնստրուկցիաների արտադրության մեջ։ Նախատեսվում է ծրագրի շրջանակում իրականացնել 700 000 000 ՀՀ դրամի ներդրում: Արդյունքում՝ ծրագրի շրջանակում կստեղծվի 40 նոր աշխատատեղ՝ 260 000 ՀՀ դրամ […]

Կընդլայնվեն մատչելի պայմաններով ուսանողական վարկեր ձեռք բերելու հնարավորությունները

«Սրանով մենք փաստորեն բարձրացնում ենք վարկի վերին սահմանաչափը և երեք տոկոսային կետով իջեցնում ենք ուսանողական վարկի տոկոսը: Սա միանշանակ բարենպաստ փոփոխություն է մեր ուսանողների համար»,- Նիկոլ Փաշինյան:

Դատվածություն ունեցողները չեն կարող լինել որոշ ֆինանսական գործառույթ իրականացնող կազմակերպությունների ղեկավարներ

Գործադիրն այսօրվա նիստում հավանություն է տվել «Ապահովագրության և ապահովագրական գործունեության մասին» և հարակից մի շարք օրենքներում լրացումներ և փոփոխություն կատարելու մասին ՀՀ օրենքների նախագծերի վերաբերյալ կառավարության օրենսդրական նախաձեռնությանը: Հիմնավորման համաձայն՝ խնդրին այն է, որ ԿԲ կողմից լիցենզավորվող որոշ սուբյեկտների համար նախատեսված չեն դրանց ղեկավարների և նշանակալից մասնակիցների նկատմամբ հանցագործության համար դատվածություն չունենալու վերաբերյալ պահանջներ: Օրինագծերի […]