Մուտք

Invalid username or password

Մոռացե՞լ եք գաղտնաբառը

Ինչու աղքատությունը չի նվազում. ԱՎԾ-ն հրապարակել է 2016 թվականի ցուցանիշները

Վերադարձ լուրերի բաժին

16:23 , 05 Դեկտեմբեր 2017

ՀՀ Ազգային վիճակագրական ծառայությունը վերջապես հրապարակեց 2016 թվականի աղքատության ցուցանիշները։ Ըստ ԱՎԾ-ի՝ 2015թ.-ի համեմատ աղքատության մակարդակը նվազել է 0.4 տոկոսային կետով և կազմել 29.4%, արդյունքում, աղքատության մակարդակը վիճակագրորեն չի փոփոխվել:

2016թ.-ին, ինչպես և նախորդ յոթ տարիների ընթացքում, Հայաստանում աղքատության մակարդակը դեռ գերազանցել է 2008թ.-ի աղքատության մակարդակը 1.8 տոկոսային կետով (27.6%):

Ծայրահեղ (պարենային) աղքատության մակարդակը նվազել է 0.2 տոկոսային կետով՝ 2%-ից հասնելով 1.8%-ի։

Ի՞նչն է պատճառը, որ 2016 թվականին աղքատությունը Հայաստանում գրեթե չի նվազել։ Վիճակագիրներն այ առումով բավականին անկեղծ են գտնվել և նշել, որ ընդամենը 0.2% համեստ աճը բավարար չէ երկրում աղքատության մակարդակի նվազման համար:

poverty-gini

Տվյալները մշակված և վիզուալիզացված են B4B PRO համակարգի միջոցով

Իսկ այդ թեթևակի նվազումն էլ պայմանավորված է սպառողական ապրանքների գնանկմամբ, ինչը նպաստել է աղքատության գծերի նվազմանը:

Այսպես, աղքատության վերին գիծը 2015 թվականի 41698 դրամի փոխարեն 2016 թվականին կազմել է 40867 դրամ, իսկ ծայրահեղ աղքատության գիծը 24109 դրամից նվազել է մինչև 23313 դրամ։

poverty-gini2

Նշենք նաև, որ 2015 թվականի համեմատ աճել է նաև Ջինի գործակիցը՝ ըստ սպառման անհավասարության՝  0.276-ից հասնելով 0.286-ի։ Այսինքն՝ անհավասարությունը աղքատների և հարուստների միջև խորացել է։

ԱՄԵՆԱԿԱՐԴԱՑՎԱԾ ԼՈՒՐԵՐ

ՈՒՂԻՂ. Նիկոլ Փաշինյանի գլխավորությամբ երթը մեկնարկել է

Հանրահավաքի մասնակիցները ՀՀ վարչապետ Նիկոլ Փաշինյանի ուղեկցությամբ երթով Արցախի պողոտայից երթով շարժվում են դեպի Հանրապետության հրապարակ։

Հայաստանի հանքարդյունաբերողներն ու նրանց վճարած հարկերը

Մետաղական հանքարդյունաբերությամբ զբաղվող 10 խոշորագույն ընկերությունները միասին այս տարվա առաջին կիսամյակում պետբյուջե են վճարել մոտ 55 մլրդ դրամի հարկեր և տուրքեր

Նիկոլ Փաշինյանի վարկանիշը 100 օր անց՝ 77.2%. օնլայն հարցման արդյունքները

Դատելով արդյունքներից՝ վարչապետը 100 օրվա գործունեությունից հետո պահպանում է չափազանց բարձր վարկանիշը։