Մուտք

Invalid username or password

Մոռացե՞լ եք գաղտնաբառը

Ինչո՞վ վճարել գազի դիմաց. ԵՏՀ-ն քննարկում է ազգային արժույթով փոխհաշվարկներ իրականացնելու հարցը

Վերադարձ լուրերի բաժին

Խորագրեր

ԵՏՄ

19:42 , 12 Փետրվար 2016

Եվրասիական տնտեսական միության անդամ-երկրները՝ ԵՏՄ գազի ընդհանուր շուկայի ձևավորման հայեցակարգի շրջանակներում, մշակում են ազգային արժույթով փոխհաշվարկներ իրականացնելու հարցը։ Ինչպես փոխանցում է INTERFAX-ը, այս մասին այսօր հայտարարել է Եվրասիական տնտեսական հանձնաժողովի էներգետիկայի և ենթակառուցվածքների նախարար Դանիլ Իբրաևը։

«Այդ հայեցակարգի շրջանակներում պլանավորվում է քննարկել ազգային արժույթներով փոխադարձ հաշվարկի հարցը»,- ասել է Իբրաևը։

Աղբյուրը նշում է, որ ուրբաթ օրը Մոսկվայում տեղի է ունեցել ԵՏՀ խորհրդի նիստ։ Ամփոփելով նիստի արդյունքները՝  խորհրդի ղեկավար, Ղազախստանի փոխվարչապետ Բակիտժան Սագինտաևը լրագրողներին հայտնել է, որ հայեցակարգը հավանության է արժանացել։

Միևնույն ժամանակ նա նշել է, որ նավթի և նավթամթերքի ընդհանուր շուկայի համանման հայեցակարգը վերջնական հավանություն չի ստացել խորհրդի կողմից, սակայն  ընդհանուր առմամբ այն նույնպես համաձայնեցված է։

Ինչպես ավելի վաղ նշվել է, ԵՏՄ-ն մտադիր է 10 տարվա ընթացքում ձևավորել գազի միասնական շուկա՝ ընդհանուր բորսաներով և համադրելի գներով։ Հայեցակարգը հավանության էր արժանացել 2015-ին դեկտեմբերին։

 

ԱՄԵՆԱԿԱՐԴԱՑՎԱԾ ԼՈՒՐԵՐ

Խորհրդային տարիներին գործող ենթակառուցվածքների վերականգնման մասին է խոսքը. փոխվարչապետ

Փոխվարչապետի խոսքով՝ հիմնականում քննարկվում է երկաթգծերի, ավտոճանապարհների՝ խորհրդային տարիներին գործող ենթակառուցվածքների վերականգնման հարցը՝ բոլոր հնարավոր ուղղություններով:

Իրանի հավանական անդամակցությունը ԵԱՏՄ-ին

Իրանի հավանական անդամակցությունը ԵԱՏՄ-ին վերլուծել է տնտեսագետ Պանդուխտ Մարտիրոսյանը:

ԵՄ-ում և Համաշխարհային մաքսային կազմակերպությունում Հայաստանը կունենա նոր մաքսային կցորդ

Բրյուսելում տեղակայված միջազգային կառույցների հետ նախատեսվում է իրականացնել ակտիվ աշխատանք: