Մուտք

Invalid username or password

Մոռացե՞լ եք գաղտնաբառը

«Ինեկոբանկը» ձեռք է բերում «ՊրոԿրեդիտ Բանկ – Հայաստանը»՝ IFC-ի աջակցությամբ

Վերադարձ լուրերի բաժին

18:55 , 09 Դեկտեմբեր 2015

Բանկային համակարգի կուլիսներում արդեն մի քանի ամիս շրջանառվող այն տեղեկությունը, որ «Ինեկոբանկը» ձեռք է բերում «ՊրոԿրեդիտ Բանկ – Հայաստանը», պաշտոնապես հաստատվեց։

Համաշխարհային բանկի խմբի անդամ Միջազգային ֆինանսական կորպորացիան (IFC), «ՊրոԿրեդիտ Բանկ – Հայաստան» ընկերության ձեռքբերման նպատակով 20մլն ԱՄՆ դոլար վարկ է տրամադրում հայաստանյան «Ինեկոբանկին»՝ դրանով իսկ առաջին անգամ նպաստելով Հայաստանի բանկային հատվածի՝ շուկայով պայմանավորված համախմբմանը և փոքր ու միջին ձեռնարկությունների համար ֆինանսավորման հասանելիության խթանմանը: Այս մասին տեղեկացնում է IFC-ի մամուլի ծառայությունը։

Այս գործարքի մասին վաղը՝ դեկտեմբերի 10-ին, կխոսեն «ՊրոԿրեդիտ Բանկ – Հայաստան»-ի գործադիր տնօրեն Աոտանդիկ Գոգոլին, «Ինեկոբանկի» գործադիր տնօրեն Տարոն Գանջալյանը, ՎԶԵԲ-ի Երևանյան գրասենյակի ղեկավար Մարկ Դևիսը և IFC-ի Հարավային Կովկասի տարածաշրջանային տնօրեն Յան Վան Բիլսենը։

Հիշեցնենք, որ երեկ պաշտոնապես հայտարարվեց նաև  «ԲՏԱ ԲԱՆԿ/Հայաստան/»-ը «ՀԱՅԷԿՈՆՈՄԲԱՆԿ»-ին միացնելու մասին: Փաստորեն, սա ՀՀ շուկայում գործող բանկերի միաձուլման երկրորդ գործարքն է, որը պաշտոնապես հաստատվում է։ Ընդ որում, երկու դեպքում էլ տեղական կապիտալով գործող բանկը գնել է ամբողջությամբ օտարերկրյա կապիտալով բանկ։ Սա նշանակում է, որ օտարերկրյա ֆինանսական կապիտալը դուրս է գալիս հայաստանյան շուկայից (համեմայն դեպս, այս պահի դրությամբ միտումը այդպիսին է)։

Նշենք, որ ԿԲ-ի կողմից բանկերի սեփական կապիտալի նվազագույն շեմը 5 մլրդ դրամից բարձրացվել է 30 մլրդ դրամի։ Նոր ստեղծվող բանկերի համար այս պահանջն արդեն գործում է, իսկ արդեն գործող բանկերի համար այն ուժի մեջ է մտնելու 2017 թվականի հունվարի 1-ից։ Այս պահի դրությամբ հայաստանյան 21 բանկերից 5-ը համապատասխանում են ԿԲ նոր պահանջին։ Մնացած բանկերը կամ պետք է հաջորդ տարվա ընթացքում ավելացնեն սեփական կապիտալը, կամ միաձուլվեն։

Այսինքն՝ չի բացառվում, որ առաջիկայում ականատես լինենք ևս մեկ կամ մի քանի միաձուլումների։

 

ԱՄԵՆԱԿԱՐԴԱՑՎԱԾ ԼՈՒՐԵՐ

«Ելք»-ը վարչապետի պաշտոնում կառաջադրի Նիկոլ Փաշինյանի թեկնածությունը իրավական գործընթացն ապահովելու համար

«Իրավաբանների հետ խորհրդկացության արդյունքում որոշեցինք վարչապետի թեկնածու առաջադրել»,-ասել է Գորգիսյանը:

ԿԲ հայտարարությունը՝ հիփոթեքային վարկավորման ծրագրերի մասին

Ներկայումս «Երիտասարդ ընտանիքին՝ մատչելի բնակարան» պետական նպատակային ծրագրի ներքո վարկերը տրամադրվում են առավելագույնը 7.5%-ով

Սեպտեմբերյան տնտեսական ակտիվության աճը ավելի մոտեցավ զրոյին

ՀՀ վիճակագրական կոմիտեն հրապարակել է 2018 թվականի հունվար-սեպտեմբերի նախնական մակրոտնտեսական ցուցանիշները։