Մուտք

Invalid username or password

Մոռացե՞լ եք գաղտնաբառը

Իլոն Մասկը թունելների միջոցով կպայքարի խցանումների դեմ

Վերադարձ լուրերի բաժին

Հեղինակ

B4B.am

Խորագրեր

Դայջեսթ

14:46 , 22 Դեկտեմբեր 2016

SpaceX ու Tesla ընկերությունների ղեկավարն իր միկրոբլոգում հայտարարել է քաղաքներում ստորերկրա թունելների հորատման համար սարքերի ստեղծման պլանների մասին։
Գործարարն այնքան լուրջ է տրամադրված, որ իր նոր նախագիծը ավելացրել է պրոֆեսիոնալ գործունեության իր ցանկում՝ հրթիռների գործարկմանն ու էլեկտրամոբիլների արտադրությանը զուգահեռ։

Իր միկրոբլոգում Tesla-ի և SpaceX-ի ղեկավարն ընդգծել է, որ խցանումները իրեն հունից հանում են և ինքը որոշել է այդ խնդիրը լուծել ստորերկրա թունելների օգնությամբ։
Իլոն Մասկի առաջին քայլը լինելու է հորատման մեքենայի մշակումը։ «Կկառուցեմ թունելներ անցնող մեքենա և պարզապես կսկսեմ փորել»,- գրել է նա։
Նոր արշավը Մասկն առաջարկել է անվանել Boring Company, որը կրելու է Boring, it’s what we do կարգախոսը։ Boring բառը անգլերենից թարգմանաբար նշանակում է ձանձրալի, նաև՝ հորատման գործընթաց։

Դրա պատճառով ոմանք Մասկի հայտարարությունը ընկալել են որպես կատակ, սակայն գործարարի լուրջ տրամադրվածությունն ապացուցում են նրա տվյալների նորացումները Twitter-ում։
Իլոն Մասկի գործունեության ցանկում Tesla-ի, SpaceX-ի ու OpenAI-ի հետ միասին նշված է «թունելներ» կետը։
Ինչպես հայտնում է Electrek-ը, խցանումների խնդիրը թունելների միջոցով լուծելու խնդիրը գործարարն ավելի վաղ ևս առաջ էր քաշել։

Տարեսկզբին Մասկը հայտարարել էր, որ թունելների շինարարությունը պարզ ու ակնհայտ լուծում է, որը չի պահանջի առանձնահատուկ ջանքեր։
«Քաղաքներում թունելները կարող էին զգալիորեն նվազեցնել ճանապարհների ծանրաբեռնվածությունը։ Եթե կառուցվի 30-մակարդականի թունել, ապա հնարավոր կլինի քաղաքներում լուծել խցանումների խնդիրը»,- հայտարարել էր Մասկը։

Ինչպես գրում է Electrek-ը նա ներկայումս ավելի մեծ շանսեր ունի նախագծի իրականացման համար, քան երբևէ։
Անցած շաբաթ ԱՄՆ նորընտիր նախագահ Դոնալդ Թրամփը նրան ներառել էր բիզնեսի հարցերով ռազմավարական խորհրդի գործարարների կազմում։
Կա հավանականություն, որ Մասկին կհաջողվի համոզել Թրամփին քաղաքակային ենթակառուցվածքների մասշտաբային փոփոխության նպատակահարմարության հարցում։

ԱՄԵՆԱԿԱՐԴԱՑՎԱԾ ԼՈՒՐԵՐ

Բարձր վարձատրվող մասնագետը չպետք է ընկալվի որպես հանրության թշնամի․ Վարդան Արամյան (տեսանյութ). Sputnik Armenia

Ըստ Արամյանի` եթե արտագաղթի հետ մեկտեղ տեղի ունենա նաև ուղեղների արտահոսք, սա արդեն լուրջ խնդիր կդառնա երկրի համար։

Հայաստանը «Սու-30ՍՄ» կործանիչները կստանա ռուսաստանյան ներքին գներով. գործարքն իրականացվել է ՀԱՊԿ-ի շրջանակներում

Հայաստանը և Ռուսաստանը պայմանագիր են կնքել «Սու-30ՍՄ» 4 բազմաֆունկցիոնալ կործանիչ գնելու մասին , որոնք Հայաստանի զինված ուժերը պետք է ստանան 2020 թվականին

Հայաստանը Ռուսաստանից ձեռք է բերել ՍՈՒ–30ՍՄ բազմաթիրախային կործանիչներ. Sputnik Արմենիա

Պաշտպանության նախարար Դավիթ Տոնոյանը դեկտեմբերի 1–ին ռուսաստանցի լրագրողների հետ հանդիպմանը հայտնել էր, որ ինքնաթիռներ ձեռք բերելու գործընթացը մոտ է ավարտին։