Մուտք
Invalid username or password
Ի՞նչ տնտեսական աճ կունենանք այս տարի և 2019 թվականին. ՀՀ կառավարության կանխատեսումները
Վերադարձ լուրերի բաժին
15:46 , 28 Սեպտեմբեր 2018
Դիտումներ2957
ՀՀ կառավավարությունը 2018 թվականի համար կանխատեսում է 6.5%, իսկ 2019 թվականի համար՝ 4.9% տնտեսական աճ։ Այս մասին նշվում է 2019 թվականի պետական բյուջեի նախագծի ուղերձում։ Հիշեցնենք, որ ՀՀ կառավարությունը իր երեկվա նիստում հավանություն է տվել Բյուջե-2019-ի նախագծին։
Ինչպես նշվում է փաստաթղթում, 2018 թվականին տնտեսության աճի տեմպերը նախորդ տարվա զարգացումների համեմատ կլինեն ավելի դանդաղ, իսկ աճը հիմնականում պայմանավորված կլինի ծառայությունների և արդյունաբերության աճերով։ Տնտեսության մյուս ճյուղերը նույնպես դրական նպաստում կունենան տնտեսական աճին:
2018 թվականին 6.5% տնտեսական աճի կանխատեսման համար հիմք են հանդիսացել ներքին տնտեսական զարգացումները (մասնավորապես՝ 2018 թվականի հունվար-օգոստոս ամիսներին գրանցված տնտեսական ակտիվության ցուցանիշի բարձր աճը, ինչը պայմանավորված է եղել տնտեսության գրեթե բոլոր ճյուղերի աճով), ինչպես նաև արտաքին աշխարհից սպասվող զարգացումները (մասնավորապես՝ հիմնական գործընկեր երկրների և աշխարհի տնտեսական աճի կանխատեսումները և հումքային ապրանքների գների աճը):
2019 թվականին տնտեսական աճը կմոտենա իր ներուժային մակարդակին՝ պայմանավորվելով արդյունաբերության և ծառայությունների աճով:
2019 թվականին կանխատեսվում է 2018 թվականի համեմատ ՀՆԱ-ի 4.9% իրական աճ: Տնտեսական աճի կանխատեսումներում հաշվի են առնվել ներդրումների աճի միտումները, ՀՀ կառավարության կառուցվածքային բարեփոխումների ընթացքը, ինչպես նաև գործընկեր երկրների տնտեսական աճերի և հումքային ապրանքների գների զարգացման միտումները:
Դիտումներ 2957
ԱՄՀ-ից ներգրավված վարկն անդրադարձել է ՀՀ միջազգային պահուստների կառուցվածքի վրա
Միջազգային պահուստների կազմի մեջ էականորեն ավելացել է SDR-ի՝ Հատուկ փոխառելիության իրավունքի (ՀՓԻ) տեսակարար կշիռը, որն աճել է նախորդ ամսվա համեմատ ավելի քան 27 անգամ՝ կազմելով 74,4 մլն դոլար։
Ծայրահեղ աղքատների թիվը կհասնի 712 մլն-ի
Ըստ համաշխարհային բանկի՝ դա տեղի կունենա վատագույն սցենարի դեպքում:
ՏՄՊՊՀ-ն և ՀԾԿՀ-ն թույլատրել են «Բիլայնի» և «Թիմի» միավորումը
Մայիսին ՏՄՊՊՀ-ն կարճել էր «Վեոն Արմենիա» և «Յուքոմ» ՓԲԸ-ների համակենտրոնացման մասին վարույթը:
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։