Մուտք

Invalid username or password

Մոռացե՞լ եք գաղտնաբառը

Ժնևում վերաբանակցում են

Վերադարձ լուրերի բաժին

Խորագրեր

ԵՏՄ

20:17 , 23 Հունիս 2016

Հունիսի 21-ից 23-ը Ժնևում կայացել է Եվրասիական տնտեսական միությանն (ԵԱՏՄ) անդամակցությամբ պայմանավորված Առևտրի համաշխարհային կազմակերպությունում (ԱՀԿ) Հայաստանի Հանրապետության մաքսատուրքերի սահմանային դրույքաչափերի պարտավորությունների փոփոխությունների շրջանակում ընթացող բանակցային գործընթացի երկրորդ փուլը:

Հայաստանի բանակցային խումբը ղեկավարում էր ՀՀ էկոնոմիկայի նախարարի առաջին տեղակալ Գարեգին Մելքոնյանը:  Բանակցային խմբի կազմում էին ՀՀ էկոնոմիկայի նախարարության աշխատակազմի ԵՄ և ԱՀԿ վարչության պետ Արթուր Մայսուրյանը և  ՀՀ կառավարությանն առընթեր պետական եկամուտների կոմիտեի մաքսային հսկողության վարչության պետ Գևորգ Սաղոյանը:  Բանակցային պատվիրակության կազմում ընդգրկված էին  Եվրասիական տնտեսական հանձնաժողովի և ԵԱՏՄ բոլոր անդամ երկրների ներկայացուցիչները: Բանակցություններին մասնակցել է նաև Առևտրի համաշխարհային կազմակերպությունում Հայաստանի Հանրապետության մշտական ներկայացուցիչ Տիգրան Դավթյանը:

Կայացել են հանդիպումներ ԱՀԿ յոթ անդամ երկրների  պատվիրակությունների հետ` ԵՄ, Կանադա, Թայվան, Շվեյցարիա, Բրազիլիա, Ճապոնիա, Ուկրաինա: Քննարկվել և բանակցվել են վերը նշված ԱՀԿ անդամ երկրների կողմից ներկայացված բանակցային հայտերի շրջանակում բարձրացված հարցերը, համապատասխան բանակցային ապրանքների ցանկերը, հնարավոր համապատասխան փոխհատուցումներին առնչվող առաջարկությունները և դրույթները, ինչպես նաև բանակցային գործընթացին առնչվող որոշ բովանդակային հարցեր:

Բանակցային փուլի արդյունքում ձեռք են բերվել պայմանավորվածություններ հետագա քայլերի և ապագա հնարավոր հանդիպումների ժամկետների վերաբերյալ:

ԱՄԵՆԱԿԱՐԴԱՑՎԱԾ ԼՈՒՐԵՐ

Եվրասիական տնտեսական հանձնաժողովի խորհրդի նիստում կքննարկվեն ԵԱՏՄ ներքին շուկայի առավել զգայուն հարցերը

ԵԱՏՄ-ի Ներքին շուկաների հարցերով խորհրդատվական կոմիտեն քննարկել է Եվրասիական տնտեսական միության երկրների միջեւ առեւտրի առավել զգայուն խնդիրները և դրանց լուծմանն ուղղված հարցերը:

Հայաստան-ԵԱՏՄ առևտրաշրջանառություն. Ծավալն աճել է, կշիռը նվազել

2018 թվականի հունվար-մայիսին Հայաստան-ԵԱՏՄ առևտրաշրջանառությունը կազմել է 855 մլն դոլար

ԵԱԶԲ-ն ընդունել է նոր ռազմավարություն. կընդլայնվի ներդրումային պորտֆելն ու նոր ոլորտների ֆինանսավորումը

Եվրասիական զարգացման բանկի խորհուրդը իր հերթական նիստում հաստատել է բանկի 2018-2022 թթ. միջնաժամկետ ռազմավարությունը