Մուտք

Invalid username or password

Մոռացե՞լ եք գաղտնաբառը

Թրամփի ընկերությունը դուրս է գալիս Վրաստանում Trump Tower-ի շինարարության նախագծից

Վերադարձ լուրերի բաժին

Հեղինակ

B4B.am

Խորագրեր

Աշխարհ

19:01 , 05 Հունվար 2017

ԱՄՆ նորընտիր նախագահ Դոնալդ Թրամփի Trump Organization կազմակերպությունը հայտարարել է Բաթումում բնակելի Trump Tower համալիրի շինարարական նախագծից դուրս գալու մասին, տեղեկացնում է Bloomberg պարբերականը։

Trump Organization-ի վրացական գործընկերոջ՝ Silk Road-ի մամուլի հաղորդագրության համաձայն՝ 47-հարկանի բնակելի աշտարակի շինարարությունը, որի արժեքը գնահատվում էր 250 մլն դոլար, շարունակվելու է առանց Trump Organization-ի մասնակցության։ Պարբերականը այդ քայլն անվանել է «փորձ՝ նվազեցնելու լարվածությունը, որը հարուցվել է մեղադրանքներով, որ Թրամփի միջազգային բիզնեսը կարող է հարուցել շահերի բախում այն բանից հետո, երբ նա զբաղեցնի Սպիտակ տունը»։

Հիշեցնենք, որ դեկտեմբերին հայտնի դարձավ այն մասին, որ Թրամփը չեղարկել է Բաքվում կառուցվելիք Trump Hotel-ի շինարարության պայմանագիրն Ադրբեջանի հետ: Trump Organization ընկերությունը housecleaning-ի շրջանակներում (բառացի՝ տան մաքրման աշխատանքներ) խզել է նաև Ադրբեջանի հետ կնքած պայմանագիրը։ Housecleaning-ի շրջանակում խզվել է օտարերկրյա 3 պայմանագիր։ Պայմանագրերից 2-ը վերաբերել է Բրազիլիային (Ռիո դե Ժանյերո), մյուսը՝ Բաքվում Trump Luxury Hotel անվանմամբ լյուքս դասի հյուրանոցների կառուցմանը: Դա Թրամփին Ադրբեջանի հետ կապող միակ բիզնեսն էր։

Դեռևս ԱՄՆ նախագահական ընտրություններից առաջ հայտարարվել էր, որ Trump Hotel-ի բացման արարողությունը հետաձգվել է։ Բաքվի կենտրոնում գտնվող Trump Tower անվանումը կրող 33 հարկանի հյուրանոցի շինարարական աշխատանքները ավարտվել էին դեռ 2015 թվականին, սակայն հյուրանոցի բացումը չէր կատարվել:

Ավելի վաղ Թրամփը հայտարարել էր, որ իրեն հեռու է պահելու բիզնեսներից, հենց ստանձնի ԱՄՆ նախագահի պաշտոնը։ Նա գրառում էր կատարել Twitter-ում՝ նշելով, թե պլանավորում է իր բիզնեսները փոխանցել իր երեխաներին մինչ նախագահի պաշտոնն ստանձնելը։ «Ես կհեռանամ իմ բիզնեսներից մինչև հունվարի 20-ը, այդպիսով ես կկարողանամ ողջ ժամանակս կենտրոնացնել նախագահության վրա»,- գրել էր Թրամփը Twitter-ում։

ԱՄԵՆԱԿԱՐԴԱՑՎԱԾ ԼՈՒՐԵՐ

Աշխարհի բնակչությունը մինչև 2050 թվականը կավելանա 2.2 միլիարդ մարդով. ՄԱԿ

Այդ մասին ասված է «Աշխարհի ազգաբնակչությունը 2018 թվականին» զեկույցում, որը հրապարակվել է Ազգաբնակչության բնագավառում ՄԱԿ-ի հիմնադրամի կողմից:

ՀԲ-ն կոչ է արել նախապատրաստվել առևտրում իրադրության հնարավոր վատանալուն

Առեւտրային սահմանափակումները կբերեն գլոբալ տնտեսության աճի դանդաղման, եւ հարկ է, որ երկրներն այժմ մտածեն իրադրության վատանալու դեպքում ձեռնարկվելիք միջոցների շուրջ

Նավթի գները նվազել են – 06-09-18

Աշխարհի խոշորագույն հումքային բորսաների սեպտեմբերի 6-ի առևտրային նստաշրջանների արդյունքում սահմանվել են նավթի հետևյալ գները.