Մուտք

Invalid username or password

Մոռացե՞լ եք գաղտնաբառը

Թվային մարքեթինգի 7 սխալներ, որոնցից կարելի է և պետք է խուսափել

Վերադարձ լուրերի բաժին

Հեղինակ

B4B.am

Խորագրեր

Դայջեսթ

09:22 , 17 Դեկտեմբեր 2018

Թվային մարքեթինգը լայն գաղափար է և արվելիք գործերն էլ շատ-շատ են: Ի՞նչ անել, որ ֆեյսբուքյան գրառումները հնարավորինս շատ մարդ տեսնի: Գրառումը boost անե՞լ, թե՞ հույս դնել օրգանական հասանելիության վրա: Ինչպե՞ս սեգմենտների բաժանել լսարանը:

Կարող է այնպիսի մի պահ գալ, որ խնդիրը սկսի շատ մեծ թվալ, մանավանդ, եթե հազար ու մի այլ գործ ունեք անելու: Երբեմն թվում է, թե ԻՆՉ անելու փոխարեն, ավելի հեշտ է սկսել մտածել, թե ինչ ՉԱՆԵԼ: Morgan Consulting & Training կենտրոնը առաջարկում է դիտարկել, թե ինչ պետք չէ անել, այսինքն, որոնք են այն 7 սխալները, որոնցից հնարավորինս պետք է խուսափել:

1. ԲՈԼՈՐԻՆ ԹԻՐԱԽԱՎՈՐԵԼԸ

Եթե ձեր մարքեթինգը ուղղված է բոլորին, ապա այն ուղղված է ոչ մեկին:

Ձեր լսարանի սեգմենտը լայն սահմանելով, դուք ենթադրում եք, որ կարող եք հասնել բոլորին: Իրականում, սա ամբողջովին կլանում է ձեր բյուջեն և ցուցադրում է ձեր գովազդը այնպիսի մարդկանց, ովքեր բոլորովին հետաքրքրված չեն ձեր առաջարկով:

Սա վատնում է ձեր միջոցՆերն ու ժամանակը, քանի որ ո՛չ բոլորն են ձեր լսարանը: Դուք պետք է լազերային ճշգրտությամբ ուղղեք ձեր գովազդը այնպիսի լսարանի, որը ձեր թիրախն է և ձեր գովազդային արշավը կառուցեք այնպես, որ հենց իրենց հասցնեք ձեր առաջարկը:

Հանեք անտեղի նախադասություններն ու արտահայտությունները ձեր գովազդից, նեղացրեք ձեր թիրախը, որպեսզի դրա վրա չսեղմեն (click) այնպիսի մարդիկ, ովքեր ձեզնից գնում չեն կատարելու՝ դա անիմաստ վատնում է ձեր փողը:

Հետաքրքրված հնարավոր հաճախորդները (leads) շատ ավելի կարևոր են, քան գովազդը հնարավորինս շատ մարդու ցույց տալն ու դրա վրա սեղմողների քանակները:

Իսկ հետաքրքրված հաճախորդների քանակը կարելի է մեծացնել միային լազերային ճշգրտությամբ թիրախավորելով լսարանը:

* * *

2. ՁԵՐ ԳՈՎԱԶԴԻ ՀԱՄԱՐ ԲՈԼՈՐ ՀԱՐԹԱԿՆԵՐՆ ՕԳՏԱԳՈՐԾԵԼԸ

Շատ ընկերություններ թվային մարքեթինգ օգտագործում են միայն այն պատճառով, որ ՙՙայդպես է պետք՚՚: Ձեր բրենդը մարքեթինգի տարբեր միջոցներով գովազդելը լավագույն ճանապարհն է, սակայն, մասնագետները գիտեն գաղտնիքներն ու հասկանում են, թե որ գործիքներն է ճիշտ օգտագործել:

Օրինակ, ավտոմեքենաների վաճառքի դեպքում, դուք լսարանի մեծամասնությանը չեք հասնի Pinterest-ում, մինչդեռ Google AdWords-ը, YouTube-ը կամ Facebook-ը շատ ավելի հարմար հարթակներ են այս դեպքում:

Նախ պարզեք, թե ո՞ր հարթակում է լինում ձեր թիրախային լսարանի մեծամասնությունը և գովազդեք ձեր բրենդը հենց այդ հարթակում:

3. ԱՄԻՍՆԵՐ ՇԱՐՈՒՆԱԿ ԳՈՎԱԶԴԻ ՆՈՒՅՆ ՏԵՔՍՏՆ ՈՒ ՏԵՍՔՆ ՕԳՏԱԳՈՐԾԵԼԸ

Երկարատև արշավների ընթացքում շարունակաբար թարմացրեք ձեր գովազդի տեսքը: Անփոփոխ տեսքը կարող է բացասաբար անդրադառնալ գովազդի արդյունավետության վրա, քանի որ հաճախորդները հոգնում են շարունակ նույն բանը տեսնելուց:

Որպեսզի խուսափեք ձանձրույթ պատճառելուց, շարունակ նորություն առաջարկեք:

* * *

4. ԲՋՋԱՅԻՆ ՍԱՐՔԵՐՆ ԱՐՀԱՄԱՐՀԵԼԸ

Բջջայինի օգտագործման ծավալները վերելք են ապրում, կազմելով թվային լրատվական ողջ ժամանակի մոտ 62%-ը: Այնպես որ, ստիպված եք համակերպվել այս փաստի հետ և այնպես անել, որ ձեր գովազդները օպտիմիզացված (հարմարեցված) լինեն բջջային սարքերի համար:

Սա վերաբերում է նաև ձեր վեբ կայքի՛ն:

* * *

5. A/B ՓՈՐՁԱՐԿՈՒՄ ՉԱՆԵԼԸ

A/B փորձարկումը (A/B testing) պարտադիր է ձեր արշավների արդյունավետությունը բարձրացնելու համար: Փորձարկումներն ու շտկումները թվային մարքեթինգի ամենակարևոր մասերից են:

Առանց փորձարկելու, չեք կարող 100 տոկոսով վստահ լինել, թե ձեր լսարանն ինչին է ավելի լավ արձագանքում: Ստեղծագործ միտք դրեք ու շարունակ փորձարկեք, որպեսզի ի հայտ բերեք, թե ինչը չի՛ աշխատում:

Երբեք վստահ մի եղեք, թե եթե մի բան արդեն 4 շաբաթ աշխատել է, ապա ինչու հիմա չպետք է աշխատի:

* * *

6. ԼԱՅՔԵՐԻ ՈՒ ՔԼԻՔՆԵՐԻ ՎՐԱ ԿԵՆՏՐՈՆԱՆԱԼԸ

Այո, հաճելի է տեսնել, որ ձեր գովազդին շատ մարդ է արձագանքում, բայց դրանց ո՞ր մասն է գնորդ դառնում: Եթե 130 մարդ արձագանքում են ձեր գովազդին, բայց միայն մեկն է հետաքրքրվում, ապա թերևս պետք է մտածել գովազդային ռազմավարությունը փոխելու մասին:

Ձեր սոցցանցի էջին 6,400 հետևորդ ունենալը ոչինչ չի նշանակում, եթե 3 ամսվա ընթացքում ընդամենը 2 գրանցում եք ունեցել ձեր ծառայության համար:

Ձեր արշավը կարող է 2,500 քլիք ստացած լինել, բայց եթե գնում կատարելու տոկոսը ընդամենը 0.02 է, ապա ձեր գովազդային բյուջեի մեծ մասը հենց այնպես վատնվել է այնպիսի լսարանի վրա, ովքեր հետաքրքրված չեն ձեր առաջարկով:

Արձագանքներները կարևոր են ձեր բովանդակության համար, բայց ո՛չ բոլոր տեսակի արձագանքներն են կարևոր ձեր գովազդային արշավների համար:

* * *

7. ՄԱՐՔԵԹԻՆԳԱՅԻՆ ԱՐՇԱՎԻ ԸՆԹԱՑՔԻՆ ՉՀԵՏԵՎԵԼԸ ԵՎ ՏԵՂԵԿԱՑՎԱԾ ՉԼԻՆԵԼԸ

Թվային մարքեթինգը այլևս խորհրդավոր մի երևույթ չէ: Վերլուծական գործիքները կարող են ապահովել որ ձեր ծախսած ամեն մի դրամը, ձեր գրառման ամեն մի դիտումը, ամեն քլիքը կարող են հաշվվել ու վերլուծվել: Դրանով դուք կարող եք ապահովել, որ ձեր արշավը ողջ ընթացքում առավելագույնը արդյունավետ լինի:

Հարցը նրանում է, թե արդյո՞ք ունեք այս թվային վերլուծությունների համար անհրաժեշտ բոլոր գործիքները:

* * *

Թվային մարքեթինգը, հատկապես բջջային սարքերի վրա, զարգանում է օր օրի: Քանի որ թվային մարքեթինգի ծախսերը մոտ երեք անգամ ավելի քիչ են քան ավանդական հեռուստատեսային, ռադիո կամ տպագրված մարքեթինգինը, ապա ժամանակն է, որ սկսեք այն ճիշտ օգտագործել և առավելագույն օգուտը ստանալ դրանից: Դուք պետք է պատրաստված լինեք քայլել ժամանակակից միտումներին համահունչ և օգտագործել թվային մարքեթինգի ճիշտ գործիքներ:

Եվ այսպես, 7 սխալ, որ մարդիկ թույլ են տալիս թվային աշխարհում: Խուսափեք դրանցից և դուք շատ առաջ կլինեք ձեր մրցակիցներից: Ձեր թվային ռազմավարություն այնքան տպավորիչ կլինի, որ ինքներդ էլ հաճելիորեն կզարմանաք ձեր արդյունքներով:

Սխալներից խուսափելու համար կարելի է դիմել մասնագետների կամ էլ սովորել ինքներս ճիշտ կազմակերպել մեր մարքեթինգը:

Թվային մարքեթինգով հետաքրքրվողների համար օգտակար կլինի մեր հաջորդ դասընթացը, որին կարող եք գրանցվել՝ այցելելով  Morgan Consulting & Training-ի կայքը։

ԱՄԵՆԱԿԱՐԴԱՑՎԱԾ ԼՈՒՐԵՐ

Փոքր վարկերի մեծ վտանգը և համակարգային լուծումների պահանջը. ICHD-ի համառոտագիրը

«Վարկ 10 րոպեում», «Վարկ միայն անձնագրով», «Անտոկոս շտապ վարկեր». այսօրինակ գովազդներով լեփ լեցուն են սոցիալական ցանցերն ու կայքերը:

QWERTY ստեղնաշարը ստեղծվել է անգլերեն տեքստը հնարավորինս դանդաղ տպելու համար

Պատճառն այն է, որ առաջին տպամեքենաներ ստեղծողները չէին ենթադրում, թե …

Բարձր վարձատրվող մասնագետը չպետք է ընկալվի որպես հանրության թշնամի․ Վարդան Արամյան (տեսանյութ). Sputnik Armenia

Ըստ Արամյանի` եթե արտագաղթի հետ մեկտեղ տեղի ունենա նաև ուղեղների արտահոսք, սա արդեն լուրջ խնդիր կդառնա երկրի համար։