Մուտք

Invalid username or password

Մոռացե՞լ եք գաղտնաբառը

Թուրքիան կասեցրել է Ռուսաստանից հացահատիկի և եգիպտացորենի ներկրումը

Վերադարձ լուրերի բաժին

11:43 , 20 Մարտ 2017

Թուրքիան արգելել է Ռուսաստանին առանց մաքսատուրքի մատակարարել հացահատիկ, եգիպտացորեն ու արևածաղկի քուսպ (շրոտ), հայտնում է korrespondent.net-ը:

Այդ ապրանքատեսակների մատակարարումները գրեթե կասեցվել են: Այդ մասին հայտնել է ՌԴ Ագրարային շուկայի կոնյուկտուրայի ինստիտուտի գլխավոր տնօրեն Դմիտրի Ռիլկոն:

Վերջինիս խոսքով՝ Թուրքիան մարտի 15-ից կասեցրել է մի շարք երկրներից հացահատիկի, եգիպտացորենի ու արևածաղկի քուսպի առանց մաքսատուրքի մատակարարումների լիցենզիայի տրամադրումը, որը նախ և առաջ վերաբերում է հացահատիկի խոշորագույն մատակակար Ռուսաստանին:

«Այս պայմաններում Ռուսաստանը ստիպված կլինի հացահատիկ մատակարարել 130% մաքսատուրքով»,- ասել է նա՝ նշելով, թե նման արգելող մաքսատուրքի պայմաններում մատակարարման մասին խոսք անգամ լինել չի կարող:

«ՍովԷկոն» կենտրոնի տնօրեն Անդրեյ Սիզովի խոսքով՝ նման գործողությունները կարող են բացասաբար ազդել ՌԴ-ի՝ հացահատիկի արտահանման վրա:

2016թ. հուլիսից 2017թ. փետրվար ամիսներին Թուրքիան ներկրել է շուրջ 2 մլն տոննա ռուսական հացահատիկ՝ դառնալով երկրորդ խոշոր գնորդը Եգիպտոսից հետո:
Անցած գյուղատնտեսական տարում Թուրքիա էր մատակարարվել 3.1 մլն տոննա ռուսական հացահատիկ:

Փորձագետների կարծիքով՝ Թուրքիայի որոշումը կարող է կապված լինել նրա հետ, որ Ռուսաստանը նախկինի պես պահպանում է թուրքական պամիդորի և մյուս բանջարեղենների նկատմամբ սահմանված արգելքը:

«Մոտենում է բերքի սեզոնը, և դա զուտ ցուցադրական ակցիա է՝ պոմիդորի դիմաց»,- հայտարարել է Ռուսական հացահատիկային միության փոխնախագահ Ալեքսանդր Կորբուտը:

UCOM-ն ահազանգում է. ՀԾԿՀ-ն անհավասար պայմաններ է առաջարկում կապի օպերատորներին

«Յուքոմ» ընկերությունն անընդունելի է համարում միևնույն ռեսուրսի օգտագործման թույլտվության համար մեկնարկային գինը մեկ օպերատորի համար սահմանել

Հունվարի 1-ից փոխվելու են առանց մաքսային վճարների ներմուծվող անձնական օգտագործման ապրանքների արժեքային և բնաիրային չափերը. ՊԵԿ

2019 թվականի հունվարի 1-ից առանց մաքսատուրքերի ու հարկերի վճարման ներմուծվող ապրանքների արժեքային չափը կրճատվելու է 3 անգամ, իսկ կշիռը՝ 2 անգամ:

Զինվորականները վարկերի սպասարկման համար կրկնակի անգամ քիչ կվճարեն

Առաջիկա որոշումներով կառավարությունը պատրաստվում է վերակառուցել ԶՈւ մի քանի հազար սպաների եւ ենթասպաների նախկինում վերցրած վարկերը: