Մուտք

Invalid username or password

Մոռացե՞լ եք գաղտնաբառը

Թուրքիայում շարունակվում է լիրայի արժեզրկումը. Էրդողանը կոչ է անում վաճառել դոլարներն ու եվրոները

Վերադարձ լուրերի բաժին

Հեղինակ

B4B.am

Խորագրեր

Աշխարհ

14:06 , 13 Օգոստոս 2018

Թուրքիայում շարունակվում է այդ երկրի արժույթի՝ լիրայի արժեզրկումը՝ չնայած իրավիճակը կարգավորելու մասին Թուրքիայի կենտրոնական բանկի խոստումներին: Ինչպես հաղորդում է «Արմենպրես»-ը, վկայակոչելով Reuters-ը, թուրքական արժույթը ռեկորդային անկում է գրանցել դոլարի նկատմամբ՝ հասնելով մեկ դոլարի դիմաց 7.24 լիրայի:

Նշվում է, որ այս տարվա ընթացքում թուրքական լիրան դոլարի նկատմամբ արժեզրկվել է 18 տոկոսով:

Թուրքիայի ֆինանսների նախարար Բերաթ Ալբայրաքը հայտարարել է, որ երկրի կառավարությունը լիրայի արժեզրկման դեմ գործողությունների պլան է մշակել և այդ ուղղությամբ քայլեր կձեռնարկվեն: «Երկուշաբթի առավոտից մեր ինստիտուտները կձեռնարկեն անհրաժեշտ քայլերը և հանդես կգան հայտարարությամբ»,- ասել է Ալբայրաքը:

Նախարարն ընդգծել է, որ Թուրքիայի նոր տնտեսական մոտեցման կարևորագույն հիմքը կլինի բյուջետային կայունությունը, և հարկային օրենսդրությունը կհամապատասխանեցվի նոր իրավիճակին:

Նա նշել է, որ ծրագիրը պատրաստվել է բանկերի և ռեալ տնտեսության համար՝ ներառյալ փոքր և միջին բիզնեսը, որոնք ավելի շատ են տուժում արտարժույթի տատանումներից: Չնայած ֆինանսների նախարարի այս հայտարարություններին՝ լիրայի արժեզրկումը շարունակվում է:

Թուրքիայի նախագահ Ռեջեփ Թայիփ էրդողանն էլ հայտարարել է, որ Թուրքիան տնտեսական պատերազմի թիրախում է: Նա Թուրքիայի քաղաքացիներին կոչ է արել վաճառել իրենց մոտ պահած դոլարներն ու եվրոները ազգային լիրայի ուժեղացմանը նպաստելու համար՝ հերքելով խոսակցությունները, թե լիրայի արժեզրկման հետևանքով Թուրքիան կանգնած է տնտեսական ճգնաժամի առաջ:

Դոլարներն ու եվրոները վաճառելու մասին Էրդողանի կոչից հետո դոլարի դեմ Թուրքիայի մի խումբ քաղաքացիներ ակցիա են իրականացրել՝ վառելով ԱՄՆ դոլարները: Նրան միացել են նաև ակցիայի մյուս մասնակիցները:

Վաշինգտոնը պատժամիջոցների է դիմել Անկարայի հանդեպ՝ ամերիկացի հոգևորական Էնդրյու Բրանսոնին Թուրքիայում ազատազրկելու համար: Օգոստոսի 1-ին ԱՄՆ-ն պատժամիջոցներ սահմանեց Թուրքիայի արդարադատության և ներքին գործերի նախարարների հանդեպ, իսկ օգոստոսի 10-ին ԱՄՆ-ի նախագահը հայտարարեց Թուրքիայից ներմուծվող մետաղի ու ալյումինի մաքսատուրքերը կրկնապատկելու մասին: Ամերիկացի հոգևորականին Թուրքիայում ազատազրկելու պատճառով ԱՄՆ-ի վերջին օրերի Անկարայի հանդեպ կոշտ քաղաքականության պատճառով թուրքական լիրան կտրուկ արժեզրկվել է, ապրանքների գները սկսել են բարձրանալ։

ԱՄԵՆԱԿԱՐԴԱՑՎԱԾ ԼՈՒՐԵՐ

Հույն գործարարները Հայաստանը պետք է դիտարկեն որպես հարթակ խոշոր շուկաներ դուրս գալու համար

B4b.am-ը հայտնում է, որ մարտի 19-ին տեղի ունեցած հայ-հունական գործարար համաժողովի ժամանակ այս մասին ասաց Արդյունաբերողների և գործարարների միության նախագահ Արսեն Ղազարյանը: Նա հայ և հույն գործարարներին կոչ արեց ակտիվանալ բիզնես ոլորտում: «Բարեկամ երկրներ, պետաիրավական հոյակապ դաշտ, գրեթե ռազմաքաղաքական դաշնակցություն, բայց շատ փոքր տնտեսական ակտիվություն: Մեղավորը հայ և հույն գործարարներն են: Ոչ պետությունը, ոչ բիզնես-կառույցները, […]

Ադրբեջանի նավթային պետական հիմնադրամի եկամուտները նվազել են 6 անգամ

Ադրբեջանի նավթային պետական հիմնադրամի ակտիվների կառավարման արդյունքում ստացվող եկամուտները նվազել են 6 անգամ: Այդ մասին հայտնել է ադրբեջանական azadliq.info լրատվական գործակալությունը: Ադրբեջանցի հայտնի տնտեսագետ-փորձագետ Գուբադ Իբադօղլուի փոխանցմամբ` հիմնադրամը 2018 թ. ծախսերի և եկամուտների վերաբերյալ ամբողջական տեղեկատվությունը հրապարակել է միայն 2019 թ. մարտի 1-ին: Տնտեսագետի փոխանցմամբ` ըստ հրապարակված տվյալների, 2017 թ. հիմնադրամի ակտիվների կառավարումից ստացված եկամուտները […]

«Հայաստան-Եվրամիություն համագործակցության օրակարգը միտված է բարեփոխումների իրականացմանը»,- Նիկոլ Փաշինյանը՝ Բրյուսելում (ՏԵՍԱՆՅՈՒԹ)

Վարչապետ Նիկոլ Փաշինյանն աշխատանքային այցով գտնվում է Բրյուսելում: Մարտի 4-ին Եվրոպական խորհրդարանի արտաքին հարաբերությունների հանձնաժողովում ելույթից հետո Նիկոլ Փաշինյանը պատասխանել է հանձնաժողովի անդամների հարցերին, որոնք վերաբերում էին մեր երկրում տեղի ունեցող քաղաքական և տնտեսական փոփոխություններին, ժողովրդավարության զարգացմանը, դատական համակարգի բարեփոխումներին, կոռուպցիայի դեմ պայքարին, Լեռնային Ղարաբաղի հակամարտությանը, Հայաստան-Եվրամիություն համագործակցությանը, Հայաստանի արտաքին քաղաքականության առաջնահերթություններին և այլն: Այդ […]