Մուտք

Invalid username or password

Մոռացե՞լ եք գաղտնաբառը

Թույլ կտա՞ք «չեյնջ» բացել

Վերադարձ լուրերի բաժին

09:51 , 08 Հունիս 2016

Մի ժամանակ Հայաստանում ամենաթրենդային և շահավետ բիզնեսներից մեկը՝ տարադրամի փոխանակման կետ աշխատեցնելը, այսօր բավականին բարդ գործ է դարձել։

Ինչպես տեղեկացրել ենք, 2016 թվականի մարտի դրությամբ, ըստ ՀՀ Կենտրոնական բանկի տվյալների, Հայաստանում գործող տարադրամի փոխանակման կետերի թիվը 221 է։ Տարվա սկզբին դրանց թիվը 227 էր, իսկ 2-3 տարի առաջ՝ ավելի շատ։

Ի՞նչ է տեղի ունենում։ Գործող փոխանակման կետերից որոշները տարբեր պատճառներով փակվել են կամ զրկվել լիցենզիայից, իսկ նոր կետերի լիցենցիա գրեթե չի տրվել։

Մենք այս գծապատկերը կազմել ենք ըստ ՀՀ ԿԲ ամսական տեղեկագրերի՝ հաշվելով, թե 2007 թվականից սկսած տարեկան կտրվածքով քանի փոխանակման կետ է լիցենզավորվել Կենտրոնական բանկի կողմից։

Ինչպես տեսնում եք, 2007-2014թթ. թվականների ընթացքում տարեկան լիցենզավորվել է միջինը 15 տարադրամի փոխանակման կետ, եղել են տարիներ, որ դրանց թիվը հասել է 20-ի։

2015 թվականին ԿԲ-ն լիցենզավորել է ընդամենը 3 տարադրամի փոխանակման կետ։ Իսկ 2016 թվականի առաջին եռամսյակում դեռևս ոչ մի նոր լիցենզավորում չկա։

Այս ակնհայտ փոփոխությունը նկատվում է 2014 թվականի դեկտեմբերի՝ փոխարժեքային շոկից հետո։ Ու թեպետ այդ մասին պաշտոնապես չի հայտարարվել, տրամաբանությունը հուշում է, որ Կենտրոնական բանկը որոշել է սահմանափակել տարադրամի փոխանակման կետերի քանակը։ Ոչ միայն այն պատճառով, որ շուկան արդեն հագեցած է, այլ՝ դաշտը ավելի վերահսկելի դարձնելու համար։

Գաղտնիք չէ, որ փոխարժեքային ցնցումների ժամանակ սպեկուլյացիոն գործարքներին առավել հակված են հենց փոխանակման կետերը, և խուճապը առաջանում է հիմնականում այդտեղից։ Իսկ որքան շատ է այդ կետերի քանակը, այնքան բարդանում է դրանք վերահսկելու գործը։

Այնպես որ, եթե նպատակ ունեք տարադրամի փոխանակման կետ բացել, թերևս ճիշտ կանեք սկզբում սուպերմարկետ բացել, հետո հիմնավորել, որ սուպերմարկետում տարադրամի փոխանակման կետը անհրաժեշտ է։ Կհաջողվի համոզել, թե ոչ՝ դա արդեն դժվար է ասել։

ՎՏԲ-Հայաստան Բանկի հաճախորդները ստանում են կենսաթոշակ մինչև յուրաքանչյուր ամսվա երկրորդ աշխատանքային օրը  

Հաճախորդի ցանկությամբ Բանկը տրամադրում է նաև թոշակային քարտ, որով հաճախորդը կարող է կանխիկացնել միջոցներ ոչ միայն Հայաստանում, այլ նաև արտերկրում:

Համաշխարհային բանկը հակաճգնաժամային 4 միջոցառման գծով անհատույց համաֆինանսավորող կլինի

Այդ մասին տեղեկացրել է փոխվարչապետի պաշտոնակատար Մհեր Գրիգորյանը: