Մուտք

Invalid username or password

Մոռացե՞լ եք գաղտնաբառը

Ընտրողների ցուցակից հանվելու են անձը հաստատող որևէ վավեր փաստաթուղթ չունեցող մարդիկ

Վերադարձ լուրերի բաժին

Հեղինակ

B4B.am

Խորագրեր

Պաշտոնական

16:49 , 05 Հուլիս 2018

ՀՀ վարչապետին առընթեր Ընտրական օրենսգրքի բարեփոխումների հանձնաժողովը հերթական նիստում ընտրողների ցուցակների մաքրման վերաբերյալ որոշում է ընդունել: Ցուցակից հանվելու են անձը հաստատող որևէ վավեր փաստաթուղթ չունեցող մարդիկ: «Արմենպրես»-ի հաղորդմամբ՝ հանձնաժողովի քարտուղար Դանիել Իոաննիսյանն այս մասին ասաց նիստից հետո լրագրողների հետ զրույցում:

«Որոշման համաձայն՝ ընտրական օրենսգրքում կսահմանվեն այնպիսի փոփոխություններ, համաձայն որոնց ընտրողների ցուցակից կհանվեն անձը հաստատող վավեր փաստաթուղթ՝ անձնագիր, նույնականացման քարտ չունեցող մարդիկ: Մինչ այդ շատերը, ովքեր անձը հաստատող վավեր փաստաթուղթ չունեին և նույնիսկ երկրից դուրս էին, շարունակում էին մնալ ընտրողների ցուցակում»,-ասաց Իոաննիսյանը:

Ընտրական ցուցակներից դուրս կմնա 198 000 մարդ: Իոաննիսյանի խոսքով՝ իրենք վստահ են, որ այդ 198 000-ի ավելի քան 90 տոկոսը վաղուց Հայաստանում չի գնվում: Այնուամենայնիվ, կիրականացվեն հանրային արշավներ, և ովքեր միգուցե Հայաստանում են, սակայն չունեն անձը հաստատող վավեր փաստաթուղթ, կդիմեն և ընդամենը 1000 դրամ վճարելով կստանան նոր անձնագիր: Իոաննիսյանի կարծիքով՝ կլուծվի նաև անձնագրի շատ հին նկարից մարդուն դժվարությամբ նույնականացնելու խնդիրը:

Դանիել Իոաննիսյանը նաև տեղեկացրել է, որ մատնահետքերով նույնականացման, մատների թանաքավորման և ընտրողների նախագրանցման մեխանիզմները չեն գործելու առաջիկա ընտրություններին:

«Հանձնաժողովը եկել է այն եզրահանգման, որ մատնահետքերի միասնական առժամանակյա գործող համակարգի ներդրումն այս ընտրություններում իրատեսական չէ, քանի որ Կառավարության ծրագրով սահմանված ժամկետում հնարավոր չի լինի պատշաճ կազմակերպել այն:Հանձնաժողովը մերժեց նաև գունավոր և անգույն թանաքով մատների թանաքոտման մեխանիզմը, քանի որ այն ռիսկեր է պարունակում: Մերժվեց նաև ընտրողների նախագրանցման ինստիտուտի գաղափարը»,-ասաց Իոաննիսյանը:

Նրա խոսքով՝ դրանք կրկնաքվեարկության կանխման լրացուցիչ մեխանիզմներ էին: Սակայն 2017-ի խորհրդարանական ընտրություններից հետո հրապարակված դիտորդական առաքելությունների զեկույցներից ոչ մեկում բարձրացված լուրջ խնդիրների ցանկում չկա կրկնաքվեարկության խնդիր: Հանձնաժողովը քննարկում է կրկնաքվեարկությունների կանխման լրացուցիչ մեխանիզմների ներդրման հնարավորությունները: Սակայն Իոաննիսյանը հստակեցրեց, որ դրա նպատակը ոչ թե կրկնաքվեարկությունների թիվը նվազեցնելն է, քանի որ դրանք արդեն անցյալում են, այլ հանրությանը լրացուցիչ վստահության հիմքեր տալը:

«Հանրությունն էլ ավելի վստահ պետք է լինի, որ կրկնաքվեարկություններ չկան: Քաղաքացին վստահ պետք է լինի, որ իր քվեն տեղ է հասնում»,-ասաց Իոաննիսյանն ու հավելեց, որ նման մեխանիզմներ դեռևս կքննարկվեն, սակայն դրանք լինելու են արդեն եղած մեխանիզմների լրացուցիչ մեխանիզմներ:

ԱՄԵՆԱԿԱՐԴԱՑՎԱԾ ԼՈՒՐԵՐ

Արտոնություն է տրամադրվել հերթական ներդրումային ծրագրին

Կառավարությունը մարտի 21-ի նիստում ընդունել է որոշում, որով «Եվրոստան-ույուտ» ՍՊԸ-ին տրվել է գերակա ոլորտում իրականացվող ներդրումային ծրագրի շրջանակում օգտվել մաքսատուրքից ազատելու արտոնությունից: Ընկերությունը ներմուծվող ապրանքներն օգտագործելու է ջերմա և ձայնամեկուսիչ կոնստրուկցիաների արտադրության մեջ։ Նախատեսվում է ծրագրի շրջանակում իրականացնել 700 000 000 ՀՀ դրամի ներդրում: Արդյունքում՝ ծրագրի շրջանակում կստեղծվի 40 նոր աշխատատեղ՝ 260 000 ՀՀ դրամ […]

Կընդլայնվեն մատչելի պայմաններով ուսանողական վարկեր ձեռք բերելու հնարավորությունները

«Սրանով մենք փաստորեն բարձրացնում ենք վարկի վերին սահմանաչափը և երեք տոկոսային կետով իջեցնում ենք ուսանողական վարկի տոկոսը: Սա միանշանակ բարենպաստ փոփոխություն է մեր ուսանողների համար»,- Նիկոլ Փաշինյան:

Քայլեր են ձեռնարկվելու քաղաքացիների ֆինանսական գրագիտությունը բարձրացնելու ուղղությամբ

Կառավարության մարտի 21-ի նիստում Նիկոլ Փաշինյանն անդրադարձել է վարկերի իրական տոկոսների հարցին և նշել. «Մենք Կենտրոնական բանկի հետ կարևորել ենք քաղաքացիների ֆինանսական գրագիտության բարձրացումը։ Մի բանում վստահ ենք՝ մենք պետք է պետական ծրագրեր իրականացնենք՝ քաղաքացիների ֆինանսական գրագիտությունը բարձրացնելու առումով»: Կենտրոնական բանկի նախագահ Արթուր Ջավադյանը նշել է, որ այս ուղղությամբ բազմաթիվ ծրագրեր են իրականացվում և մանրամասներ […]