Մուտք

Invalid username or password

Մոռացե՞լ եք գաղտնաբառը

Ընթացիկ ծախսերի գծով նոր պարտավորությունների հարց չի քննարկվել․ Ջանջուղազյան

Վերադարձ լուրերի բաժին

2021 թ. պետական բյուջեի նախագծում ընթացիկ ծախսերի համար կիրառվել է սահուն հենքով բյուջետավորման սկզբունքը՝ տեղեկացրել է ՀՀ Ֆինանսների նախարար Ատոմ Ջանջուղազյանը՝ ԱԺ մշտական հանձնաժողովներում 2021 թ. նախնական քննարկումների ժամանակ:

«Սա նշանակում է, որ մենք, ըստ էության, ընթացիկ ծախսերի գծով նոր պարտավորությունների հարց չենք քննարկել, այլ կիրառել ենք այս մոտեցումը՝ հաշվի առնելով և 2019 թվականի փաստացի ցուցանիշները և 2020 թվականի բյուջեով նախատեսված ցուցանիշները»,- ասաց Ֆինանսների նախարար Ատոմ Ջանջուղազյանը։

Նախարարի խոսքով՝ 2020 թ. բյուջեում առողջապահության ոլորտում ունեցել ենք ծախսերի 22 տոկոս աճ, 2021-ին աճը նախատեսված է մոտ 2.1 տոկոս: Ըստ գլխավոր ֆինանսիստի՝ ԿԳՄՍ նախարարության ծրագրերի համար հատկացումների աճը 2020 թվականին 2019-ի հետ համեմատած կազմել է 11 տոկոս, 2021-ին մոտ 1.2 տոկոս՝ հաշվի առնելով նաև շուրջ 44 միլիարդ դրամի կապիտալ ներդրումային ծրագրերը, որոնք կարող են իրականություն դառնալ։

«Աշխատանքի և սոցիալական հարցերի նախարարության ծրագրերի իրականացման համար 2020-ին շուրջ 11 տոկոսի աճ է նախատեսվել 2019 թվականի համեմատ և 2021-ին նախատեսվում է շուրջ 2.2 տոկոս աճ»,- ասաց ֆինանսների նախարարը: Ջանջուղազյանը պարզաբանեց՝ առաջին հայացքից կարող է թվալ, թե սա բավարար չէ, բայց կարևոր է հաշվի առնել հաջորդ տարվա տնտեսական սպասումների առանձնահատկությունը։

1lurer.am

ԱՄԵՆԱԿԱՐԴԱՑՎԱԾ ԼՈՒՐԵՐ

Կփոխհատուցվեն Սյունիքի և Գեղարքունիքի մարզերի բնակիչների անշարժ գույքին հասցված վնասները

Գործադիրը կփոխհատուցի Ադրբեջանի կողմից հրետակոծության հետևանքով ՀՀ համայնքներում քաղաքացիների անշարժ գույքին հասցված վնասները:

Կենտրոնացած եմ ճանապարհային քարտեզի խնդիրները հնարավորինս արագ լուծելու ուղղությամբ. Առաքելյան

Նախարարը նաև ասաց, որ Արցախի այն քաղաքացիներին, որոնք պատերազմի հետևանքով կորցրել են իրենց բնակավայրերը, կառավարությունն աջակցում է Արցախ վերադառնալու և մշտական բնակություն հաստատելու՝ նոր բնակավայրերում ու կացարաններում:

Կառավարությունը կփոխհատուցի արցախցիներին հյուրընկալողների ծախսերը

Փոխհատուցում ստանալու համար հյուրընկալող կողմը պետք է դիմի նախարարություն էլեկտրոնային եղանակով՝ կցելով նաև այն քաղաքացիների տվյալները, որոնց հյուրընկալում է: