Մուտք

Invalid username or password

Մոռացե՞լ եք գաղտնաբառը

Էներգետիկների «գազային ախորժակը». ով որքան գազ է սպառել Հայաստանում

Վերադարձ լուրերի բաժին

11:05 , 16 Սեպտեմբեր 2017

2017 թվականի առաջին կիսամյակում Հայաստանի գազի բաշխման համակարգում իրացվել է 1057.7 մլն խմ գազ։

Ըստ սպառման ծավալների՝ խոշորագույն խումբը բնակչությունն է, որը նշված ժամանակահատվածում սպառել է 382.3 մլն խմ գազ։

Ավտոգազալիցքավորման ճնշակայանները (ԱԳԼՃԿ) հաշվետու տարվա առաջին կիսամյակում սպառել են 219.2 մլն խմ, Էներգետիկ ոլորտի ընկերությունները` 216.9 մլն, արդյունաբերությունը՝ 102 մլն խմ գազ։

GAZ1

Հայաստանի գազի բաշխման համակարգում իրացված  գազի ծավալը 2016 թվականի առաջին կիսամյակի համեմատ ավելացել է 270.4 մլն խմ-ով կամ 34.3%-ով։

Գազի սպառումը ավելացել է բոլոր խմբերի կողմից, սակայն՝ տարբեր չափով։ Օրինակ, ԱԳԼՃԿ-ների կողմից գազի սպառումը գրեթե չի փոխվել (աճը՝ 2.3%):

Արդյունաբերության ոլորտը այս տարի 9.3%-ով է ավելացրել գազի ծախսը՝ 93.3 մլն խմ-ից հասցնելով 102 մլն-ի։

Բնակչության կողմից սպառված գազի ծավալն ավելացել է 27.8%-ով, ինչը պայմանավորված է ցուրտ ձմռան գործոնով։

GAZ2

 

Սակայն ամենացայտունը էներգետիկան է։ Էներգետիկայի ոլորտը այս տարվա առաջին կիսամյակում 2.8 անգամ ավելի շատ գազ է սպառել, քան նախորդ տարվա նույն ժամանակահատվածում (216.9 մլն խմը՝ 77 մլն-ի դիմաց)։ Դա, իհարկե, իր բացատրությունն ունի։

Ինչպես տեսնում եք ստորև ներկայացված աղյուսակում, այս տարվա առաջին կիսամյակում էլեկտրաէներգիայի արտադրության ծավալներն աճել են 5.2%-ով՝ 3606.2 մլն կՎտ/Ժ-ից հասնելով 3794.1-ի։

Սակայն էլեկտրաէներգիայի խոշորագույն արտադրող Հայկական ատոմային էլեկտրակայանն այս տարվա հունվար-հունիսին 387.3 մլն կՎտ/Ժ-ով ավելի քիչ էլեկտրաէներգիա է արտադրել, քան 2016 թվականի առաջին կիսամյակում։ Էներգիայի դեֆիցիտը լրացրել են ջերմաէլեկտրակայանները, որոնք աշխատում են բնական գազով։

Մասնավորապես, ՋԷԿ-երի կողմից այս տարվա առաջին կիսամյակում արտադրվել է 1438.3 մլն կՎտ/Ժ էլեկտրաէներգիա, որը 597.1 մլն կՎտ/Ժ-ով կամ 71%-ով գերազանցում է նախորդ տարվա առաջին կիսամյակի ցուցանիշը։

GAZ3

ԱՄԵՆԱԿԱՐԴԱՑՎԱԾ ԼՈՒՐԵՐ

Երբ կընդունվի Հարկային օրենսգրքին վերաբերող փաթեթը

Վերջին շրջանում հատկապես գործարար հատվածի կողմից բավականին շատ է հնչում այն հարցը, թե Հարկային օրենսգրքում և

Դասեր տնտեսագիտությունից․ շտկող հարկեր և նորարարական հարկային քաղաքականություն

ԵՄ տարածքում ալկոհոլամոլության դեմ պայքարի շրջանակում, մի շարք երկրներ (Դանիա, Իռլանդիա, Միացյալ Թագավորություն և այլն) ակցիզային հարկի ավելի ցածր կամ 0-ական դրույքաչափ են կիրառում մինչև 2.8% ալկոհոլի պարունակությամբ գարեջրի նկատմամբ։

Ներխուժում կատարած անձինք և նրանց գույքը շարունակում են մնալ Ամուլսարի ծրագրի տարածքում՝ չնայած Դատարանի վճռին

Քանի դեռ Ամուլսարի տարածք անխափան մուտքը չի վերականգնվել, Լիդիանը համարում է, որ ոստիկանությունը չի իրականացրել դատարանի վճռով սահմանված իր պարտականությունները: