Մուտք

Invalid username or password

Մոռացե՞լ եք գաղտնաբառը

Էկոնոմիկայի փոխնախարարը մասնակցում է ՄԱԿ-ի Արդյունաբերական զարգացման կազմակերպության 18-րդ Գլխավոր համաժողովին

Վերադարձ լուրերի բաժին

22:12 , 06 Նոյեմբեր 2019

Էկոնոմիկայի նախարարի տեղակալ Նաիրա Մարգարյանը մասնակցում է նոյեմբերի 3-7-ը Աբու Դաբիում ընթացող «Արդյունաբերություն 2030՝ դարձրու նորարար, միավորիր և վերափոխիր մեր ապագան» 18-րդ գլխավոր համաժողովին։ Միջոցառումը կազմակերպել է ՄԱԿ-ի արդյունաբերական զարգացման կազմակերպությունը (UNIDO): Մարգարյանը ղեկավարում է հայկական պատվիրակությունը:

Նախարարի տեղակալը համաժողովի ընթացքում կարևորել է Հայաստանի ՓՄՁ-ների զարգացման հարցում տեխնոլոգիական ուսուցման, տեխնոլոգիաների փոխանցման և նորարարությունների դերը: Այդ գորխընթացն արտադրողականության և մրցունակության բարձրացման միջոց է՝ ոչ միայն այսօրվա, այլև ապագայի տնտեսությանը պատրաստ լինելու համատեսքտում:

photo 06 (3)

«Երիտասարդ ձեռնարկատերերը՝ մրցունակության և կայուն տնտեսությունների ձևավորման համար նորարարության և աշխատատեղերի ստեղծման շարժիչ ուժեր» միջոցառման ընթացքում ներկայացվել է հայկական «5900BC» նախագիծը: Այնուհետև հաջորդել է Նաիրա Մարգարյանի ելույթը։ Նա ընդգծել է յուրաքանչյուր արդյունաբերության խթանման գործում տեխնոլոգիաների, ֆինանսների մատչելիության, կարողությունների զարգացման, բրենդավորման և շուկաների հասանելիության կարևորությունը։

Քաղաքականության մշակման գործառույթից բացի համաժողովը կարևոր հարթակ է դարձել հաջող գործընկերային կապերի և տեխնիկական համագործակցության համար՝ շեշտը դնելով ՄԱԿ-ի Զարգացման ծրագրի անդամ պետությունների այսօրվա առավել արդիական թեմաների վրա, ինչպիսիք են՝ գենդերային հիմնախնդիրները, շրջանաձև տնտեսությունը, երիտասարդությունը և ձեռնարկատիրությունը, արդյունաբերություն 4․0-ը, արդյունաբերական պարկերը և կայուն էներգիան:

photo 06 (1)

Հայաստանի թեթև արդյունաբերության արդիականացմանն ուղղված «5900BC» ծրագիրն իրականացվել է UNIDO-ի «Հայաստանի արտահանմանն ուղղված արդյունաբերական ճյուղերի մրցունակության բարձրացում՝ արդիականացման և շուկայի հասանելիության միջոցով» ծրագրի շրջանակներում` ՀՀ էկոնոմիկայի նախարարության և Ռուսաստանի Դաշնության ֆինանսական աջակցությամբ:

ԱՄԵՆԱԿԱՐԴԱՑՎԱԾ ԼՈՒՐԵՐ

ՎՏԲ-Հայաստան Բանկն առաջարկում է ձևակերպել կենսաթոշակային քարտեր և ստանալ թոշակն անկանխիկ

Կենսաթոշակն անկանխիկ ստանալու համար՝ հաճախորդին անհրաժեշտ է մոտենալ ՎՏԲ-Հայաստան Բանկի իրեն հարմար մասնաճյուղ, ներկայացնելով անձը հավաստող փաստաթուղթ և հանրային ծառայության համարանիշը և լրացնել թոշակային քարտ ստանալու դիմում:

Վիվա-ՄՏՍ-ը կրկին հերքել է քաղաքական գործընթացներում ներգրավված լինելը

Ընկերությունն իրականացրել ու իրականացնում է ռազմավարական կարևոր գործառույթ՝ տրամադրելով հեռահաղորդակցության ու թվային ծառայությունների լայն շրջանակ և ամբողջովին ապաքաղաքական կառույց է:

UCOM-ի LEVEL UP փաթեթներով բաժանորդներն ունեն անսահմանափակ մուտք Tiktok, Spotify, Coursera

Ucom-ի մի շարք Level Up սակագնային պլանների շրջանակում վերոնշյալ երեք հավելվածներից օգտվելիս ինտերնետի համար գանձում չի կատարվում: