Մուտք

Invalid username or password

Մոռացե՞լ եք գաղտնաբառը

Զբոսաշրջիկների 67 տոկոսը երաշխավորում է Հայաստանը որպես զբոսաշրջային ուղղություն

Վերադարձ լուրերի բաժին

16:15 , 15 Նոյեմբեր 2019

Հայաստանը տեղանքի առումով ունի լավ հնարավորություններ՝ ակտիվացնելու զբոսաշրջությունը որպես զարգացման ոլորտ արդեն իսկ գրանցվող աճի հիման վրա:

Այդ մասին ասված է Հայաստանի զբոսաշրջության զարգացման 2020-2030 թվականների ռազմավարության մեջ՝ ներկայացնելով զբոսաշրջության ոլորտի վերաբերյալ վերլուծությունը: Ըստ դրա՝ վերջին վեց տարում երկրի զբոսաշրջային արդյունաբերությունը գրանցել է մոտ 500 հազար զբոսաշրջիկի աճ, 2013-ին՝ 1.1 միլիոն, 2018-ին՝ 1.6 միլիոնի դիմաց: Այս աճը նշանակալի ազդեցություն ունի երկրի տնտեսության վրա: 2018 թվականին երկրի ՀՆԱ-ում անուղղակի ներդրումները կազմել են 14.1 տոկոս՝ ընդհանուր առմամբ, հասնելով, 1.8 միլիարդ ԱՄՆ դոլարի: Այս աճը Հայաստանում ապահովել է 36 հազար 900 մարդու մշտական և 137 հազար մարդու ընդհանուր զբաղվածություն: Զբոսաշրջության ոլորտի զբաղվածության թիվը կազմում է երկրի ընդհանուր զբաղվածության 12.5 տոկոսը: Ակնկալվում է, որ զբոսաշրջության ոլորտում աշխատատեղերի թիվը մինչև 2019 թ. ավարտը կավելանա ևս 21 հազարով:

Զբոսաշրջիկները հիմնականում դրական են վերաբերվում Հայաստան այցին: Հարցման մասնակիցների 67 տոկոսը երաշխավորել է երկիրը որպես զբոսաշրջային ուղղություն: Այն հարցին, թե «1-10 սանդղակով որքանով է հավանական, որ դուք Հայաստանը որպես զբոսաշրջային վայր կառաջարկեք այլ մարդկանց», զբոսաշրջիկները պատասխանել են 9-10: Դա վկայում է ներկայում Հայաստանի զբոսաշրջային առաջարկների շատ բարձր դիրքեր զբաղեցնելու մասին:

Դեպի Հայաստան զբոսաշրջիկների կայուն հոսք կա Ռուսաստանից, ԱՄՆ-ից և Իրանից: Նոր հոսք կա Գերմանիայից, Ֆրանսիայից, արաբական երկրներից, Հնդկաստանից, Ֆիլիպիններից:

Հայաստանը զբոսաշրջիկներին գրավում է համաշխարհային զբոսաշրջային շուկաների բոլոր յոթ ձևերով՝ մշակութային, բնության, ժամանցային, գործարար, արկածային, բժշկական-առողջարանային, երկարաժամկետ զբոսաշրջություն: Առաջին անգամ Հայաստան ժամանած զբոսաշրջիկները հիմնականում գալիս են արկածային, ժամանցային հանգստի կամ բնական միջավայրում իրենց հանգիստը կազմակերպելու համար: Մշակութային, բժշկական-առողջարանային և գործարար զբոսաշրջությունները նախընտրողները նրանք են, ովքեր նախկինում եղել են Հայաստանում:

Արմենպրես

Գանձաքարում կիսակառույցի խնդիր կլուծվի

Երկուսենյականոց կիսակառույց, կոմունալ հարմարությունների բացակայություն, վառարանի ծխից սևացած պատեր, բազմաթիվ հոգսեր և դրանք լուծելու անորոշություն…

Ucom-ն առաջարկում է ձեռք բերել տան անվտանգությունն ապահովող Xiaomi խելացի հավաքածուն

Ucom-ի առցանց խանութում, ինչպես նաև մի շարք Ucom վաճառքի և սպասարկման կենտրոններում ցանկացողները կարող են ձեռք բերել Xiaomi խելացի սարքերի հավաքածուն, որը թույլ կտա վերահսկել տունը կամ բնակարանը ցանկացած վայրից։

Գնիշիկ բնակավայրում  վայրի ծառատեսակներ են տնկվել

Գործընկերություն՝ հանուն բնապահպանության: