Մուտք

Invalid username or password

Մոռացե՞լ եք գաղտնաբառը

Երևանակենտրոն տնտեսության տխուր պատկերը

Վերադարձ լուրերի բաժին

16:22 , 06 Փետրվար 2018

ՀՀ Ազգային վիճակագրական ծառայությունն առաջին անգամ հրապարակել է համախառն ներքին արդյունքի (ՀՆԱ) բացվածքը՝ ըստ Երևանի և մարզերի։

2017 թվականի արդյունքները դեռ չկան, հաշվարկն էլ փորձնական է, սակայն երևան է հանում տարածքային կենտրոնացվածության տխուր պատկերը։

Այսպես, 2016 թվականին Հայաստանի ՀՆԱ-ն շուկայական գներով կազմել է 5 տրլն 79.9 մլրդ դրամ, որի 58.3%-ը (2.7 տրլն դրամից ավելի) բաժին է ընկնում Երևանին։ Այսինքն, մայրաքաղաքում ավելի շատ արդյունք է արտադրվում, քան 10 մարզերում միասին վերցրած։

Մարզերի շարքում առաջատարը Արարատի մարզն է՝ 331.7 մլրդ դրամ ՀՆԱ, վերջին տեղում՝ Վայոց ձորը՝ 68.6 մլրդ դրամ (տես գլխավոր նկարը):

Ընդ որում, եթե չեզոքացնում ենք բնակչութան թվաքանակի գործոնը, խզումը կրկին հսկայական է։ 2016 թվականին ՀՆԱ-ն մեկ շնչի հաշվով հանրապետության մասշտաբով կազմել է 1 678 637 դրամ, իսկ Երևանում՝ 2 756 301 դրամ։ Մայրաքաղաքը մեկ շնչին ընկնող ՀՆԱ-ով 3.5-4 անգամ գերազանցում է Տավուշի, Գեղարքունիքի և Շիրակի մարզերին։

GDP-MARZES-2

Սա նշանակում է, որ որ տնտեսության մեջ ստեղծված արդյունքը անհավասարաչափ է բաշխվում ոչ միայն հասարակության տարբեր շերտերի, այլև բնակավայրերի միջև։ Ստեղծված հավելյալ արժեքը կուտակվում է հիմնականում մայրաքաղաքում՝ հիմնականում մի խումբ մարդկանց մոտ։

Շատ ավելի մտահոգիչ է, որ 2015-ի համեմատ կենտրոնացվածությունը խորացել է։ 2015 թվականին Երևանին բաժին էր ընկնում ՀՆԱ-ի 53.3%-ը, 2016-ին՝ 58.3%-ը։ Այսինքն, տարածքային համաչափ աճի մասին ելույթներին զուգահեռ՝ գործնականում տեղի է ունեցել հակառակը. Հայաստանը նման տեմպերով շարունակելու դեպքում բոլոր շանսերն ունի քաղաք-պետություն դառնալու։

ԱՄԵՆԱԿԱՐԴԱՑՎԱԾ ԼՈՒՐԵՐ

ՈՒՂԻՂ. Նիկոլ Փաշինյանի գլխավորությամբ երթը մեկնարկել է

Հանրահավաքի մասնակիցները ՀՀ վարչապետ Նիկոլ Փաշինյանի ուղեկցությամբ երթով Արցախի պողոտայից երթով շարժվում են դեպի Հանրապետության հրապարակ։

Հայաստանի հանքարդյունաբերողներն ու նրանց վճարած հարկերը

Մետաղական հանքարդյունաբերությամբ զբաղվող 10 խոշորագույն ընկերությունները միասին այս տարվա առաջին կիսամյակում պետբյուջե են վճարել մոտ 55 մլրդ դրամի հարկեր և տուրքեր

Նիկոլ Փաշինյանի վարկանիշը 100 օր անց՝ 77.2%. օնլայն հարցման արդյունքները

Դատելով արդյունքներից՝ վարչապետը 100 օրվա գործունեությունից հետո պահպանում է չափազանց բարձր վարկանիշը։