Մուտք

Invalid username or password

Մոռացե՞լ եք գաղտնաբառը

«Երիտասարդ ընտանիքին` մատչելի բնակարան» ծրագրով վարկերի տոկոսադրույքը կնվազի

Վերադարձ լուրերի բաժին

16:07 , 07 Մարտ 2019

Հայաստանում բարելավվում են «Երիտասարդ ընտանիքին` մատչելի բնակարան» ծրագրի պայմանները: Կառավարությունը հաստատեց Հայաստանի Հանրապետության կառավարության 2010 թվականի հունվարի 29-ի ««Երիտասարդ ընտանիքին` մատչելի բնակարան» պետական նպատակային ծրագիրը հաստատելու մասին» նախագծում փոփոխություններ իրականացնելու նախագիծը:

Սպորտի և երիտասարդության հարցերի նախարարի պաշտոնակատար Գաբրիել Ղազարյանը ներկայացրեց փոփոխությունները և նշեց, որ կանխավճարի մոտեցումներն են փոխվել, բնակարանային արժեքն է բարձրացել, վարկի ժամկետն է երկարաձգվել մինչև 30 տարի, ինչպես նաև բարելավվել են երիտասարդ ընտանիքի տարիքային շեմին ներկայացվող պահանջները՝ հանելով ամուսիններից յուրաքանչյուրին ներկայացվող մինչև 35 տարվա սահմանափակումը և թողնելով միայն գումարային 70 տարվա տարիքի սահմանափակումը:

B4b.am-ի փոխանցմամբ, Ղազարյանը նշեց, որ նախագծի ընդունման արդյունքում ծրագրի հասանելիությունը կբարձրանա` երիտասարդ ընտանիքները կկարողանան նախկին 9,5 տոկոսի փոխարեն 7,5 % տոկոսադրույքով բնակարան ձեռք բերել: Բնակարանի արժեքն է բարձրացել, և երիտասարդ ընտանիքն ապահովագրական գործիքի համադրմամբ առաջնային շուկայից՝ անմիջապես կառուցապատողից, կարող է ձեռք բերել 30 մլն ՀՀ դրամ արժեքով բնակարան, արդյունքում շուկայում կնկատվի որոշակի աշխուժություն:

Վարչապետն արձանագրեց. «Ամուսիններից յուրաքանչյուրին ներկայացվող մինչև 35 տարեկան լինելու սահմանափակումը վերացնում ենք, ինչը նշանակում է, որ Հայաստանում պաշտոնապես բարձրացնում ենք երիտասարդ համարելու շեմը, հիմա կարող է երիտասարդ համարվել ոչ միայն մինչև 35, 40, 45 տարեկանը:

Ամուսինների տարիքի գումարը 70 տարեկան նորմալ է, այսինքն՝ ամուսիններից մեկը կարող է լինել հիսուն, մյուսը՝ քսան, և ընտանիքը կհամարվի երիտասարդ, ինչը, կարծում եմ՝ շատ կարևոր նվաճում է: Մենք կարող ենք պաշտոնապես արձանագրել, որ նախնական հաշվարկներով՝ հիսուն տարեկանները ՀՀ-ում այլևս համարվում են երիտասարդ, ինչի կապակցությամբ բոլոր ներկա հիսուն տարեկաններին շնորհավորում եմ»,-կատակեց նա:

ԱՄԵՆԱԿԱՐԴԱՑՎԱԾ ԼՈՒՐԵՐ

ՎՏԲ-Հայաստան Բանկն առաջարկում է ձևակերպել կենսաթոշակային քարտեր և ստանալ թոշակն անկանխիկ

Կենսաթոշակն անկանխիկ ստանալու համար՝ հաճախորդին անհրաժեշտ է մոտենալ ՎՏԲ-Հայաստան Բանկի իրեն հարմար մասնաճյուղ, ներկայացնելով անձը հավաստող փաստաթուղթ և հանրային ծառայության համարանիշը և լրացնել թոշակային քարտ ստանալու դիմում:

Վիվա-ՄՏՍ-ը կրկին հերքել է քաղաքական գործընթացներում ներգրավված լինելը

Ընկերությունն իրականացրել ու իրականացնում է ռազմավարական կարևոր գործառույթ՝ տրամադրելով հեռահաղորդակցության ու թվային ծառայությունների լայն շրջանակ և ամբողջովին ապաքաղաքական կառույց է:

UCOM-ի LEVEL UP փաթեթներով բաժանորդներն ունեն անսահմանափակ մուտք Tiktok, Spotify, Coursera

Ucom-ի մի շարք Level Up սակագնային պլանների շրջանակում վերոնշյալ երեք հավելվածներից օգտվելիս ինտերնետի համար գանձում չի կատարվում: