Մուտք

Invalid username or password

Մոռացե՞լ եք գաղտնաբառը

«ԵՏՄ-ի Մաքսային օրենսգրքին այլընտրանք չկա». Պեսկով

Վերադարձ լուրերի բաժին

Հեղինակ

B4B.am

Խորագրեր

ԵՏՄ

15:25 , 27 Դեկտեմբեր 2016

ԵՏՄ-ի Մաքսային օրենսգիրքը կենսունակ է, այն այլընտրանք չունի և վաղ թե ուշ ուժի մեջ կմտնի։ Ինչպես հայտնում է RIA Novosti-ն, այս մասին ասել է ՌԴ նախագահի մամուլի քարտուղար Դմիտրի Պեսկովը։

Հիշեցնենք, որ երեկ Սանկտ Պետերբուրգում կայացած Եվրասիական տնտեսական հանձնաժողովի կոլեգիայի նախագահ Տիգրան Սարգսյանը տեղեկացրել էր, որ Եվրասիական տնտեսական միության մաքսային օրենսգիրքը ստորագրել է ընդամենը 3 երկիր, որը մասնակցել է Եվրասիական տնտեսական բարձրագույն խորհրդի նիստին: Ղրղըզստանը փաստաթուղթը չի ստորագրել։

Ավելի վաղ Ղրղըզստանի նախագահ Ալմազբեկ Աթամբաևը հայտարարել էր, որ բացասական պահերը «ժամանակ առ ժամանակ գերակշռում են» ԵՏՄ երկրների համագործակցությունում, ինչը վատ է անդրադառնում հանրապետության ինտեգրացման վրա։

Հանդիպմանը հրաժարվել էր մասնակցել նաև Բելառուսի նախագահ Ալեքսանդր Լուկաշոնկոն։

Պեսկովի խոսքով՝ ղրղըզական կողմից որոշ նկատառումներ կան, ինչը մեծ մասամբ կապված է ֆիտոսանիտարական վերահսկողության ոլորտի հետ։

«Դա միանգամայն նորմալ աշխատանքային իրավիճակ է։ Այս օրենսգիրքն այլընտրանք չունի։ Վաղ, թե ուշ այն ուժի մեջ կմտնի»,- ասել է Պեսկովը լրագրողներին։

Ինչպես բացատրել է Պեսկովը, Մաքսային օրենսգրքի վրա աշխատանքը կշարունակվի ԵՏՄ անդամ երկրների նախագահների մակարդակով։

«Հիմնականում բոլոր դրույթները համաձայնեցվել էին կոլեգիայի մակարդակով, փորձագիտական մակարդակով։ Փաստաթուղթը այն բաժակն է, որն ավելի շատ լիքն է, քան կիսադատարկ»,- ասել է նա։

ԱՄԵՆԱԿԱՐԴԱՑՎԱԾ ԼՈՒՐԵՐ

Եվրասիական տնտեսական հանձնաժողովի խորհրդի նիստում կքննարկվեն ԵԱՏՄ ներքին շուկայի առավել զգայուն հարցերը

ԵԱՏՄ-ի Ներքին շուկաների հարցերով խորհրդատվական կոմիտեն քննարկել է Եվրասիական տնտեսական միության երկրների միջեւ առեւտրի առավել զգայուն խնդիրները և դրանց լուծմանն ուղղված հարցերը:

Հայաստան-ԵԱՏՄ առևտրաշրջանառություն. Ծավալն աճել է, կշիռը նվազել

2018 թվականի հունվար-մայիսին Հայաստան-ԵԱՏՄ առևտրաշրջանառությունը կազմել է 855 մլն դոլար

ԵԱԶԲ-ն ընդունել է նոր ռազմավարություն. կընդլայնվի ներդրումային պորտֆելն ու նոր ոլորտների ֆինանսավորումը

Եվրասիական զարգացման բանկի խորհուրդը իր հերթական նիստում հաստատել է բանկի 2018-2022 թթ. միջնաժամկետ ռազմավարությունը