Մուտք

Invalid username or password

Մոռացե՞լ եք գաղտնաբառը

ԵՏՄ երկրների ղեկավարները ստորագրել են ԵՏՄ-ի Մաքսային օրենսգիրքը. Ղրղըզստանը հրաժարվել է

Վերադարձ լուրերի բաժին

Հեղինակ

B4B.am

Խորագրեր

ԵՏՄ

13:36 , 27 Դեկտեմբեր 2016

Երեկ Սանկտ Պետերբուրգում կայացած Եվրասիական տնտեսական բարձրագույն խորհրդի նիստից հետո, որին մասնակցում էր նաև Եվրասիական տնտեսական հանձնաժողովի կոլեգիայի նախագահ Տիգրան Սարգսյանը, վերջինս հայտնել է, որ Եվրասիական տնտեսական միության մաքսային օրենսգիրքը ստորագրել է ընդամենը 4 երկրի նախագահ, որոնք մասնակցել են Եվրասիական տնտեսական բարձրագույն խորհրդի նիստին:

Ղրղըզստանը հրաժարվել է փաստաթուղթը ստորագրել։ «3 երկրի նախագահները ստորագրել են բոլոր ներկայացված փաստաթղթերը, այդ թվում՝ Մաքսային օրենսգիրքը»,- ասել է Տիգրան Սարգսյանը՝ նշելով, թե փաստաթուղթը զգալիորեն թեթևացնում է ԵՏՄ անդամ երկրների ներսում մաքսային բոլոր գործընթացները։

Նրա խոսքով՝ Ղրղըզստանը արարողության ժամանակ փաստաթուղթը չի ստորագրել։ Ավելի վաղ Ղրղըզստանի նախագահ Ալմազբեկ Աթամբաևը հայտարարել էր, որ ԵՏՄ երկրների համագործակցությունում կան խնդիրներ, որոնք «ժամանակ առ ժամանակ գերակշռում են»։ «Բոլոր փաստաթղթերը ստորագրվել են, բացառությամբ օրակարգի առաջին հարցի, 3 երկիր ստորագրել է ԵՏՄ առևտրային քաղաքականության զարգացման մասին հայտարարությունը, Ղրղըզստանը չի ստորագրել, իսկ երկրորդ փաստաթուղթը՝ Մաքսային օրենսգիրքը, մյուս երկրները ստորագրել են։ Դա կապված է այն բանի հետ, որ մեր ղրղըզ գործընկերները առաջարկում են ճշտել մասնավորապես արգելքները չեղյալ հայտարարելու մասին ձևակերպումները, ներքին շուկայում սահմանափակումների վերացումը»,- հայտնել է նա։

Սարգսյանի խոսքով՝ խոսելով փաստաթուղթը ստորագրած երեք երկրների մասին, ինքը նկատի ունի երեկվա նիստի անդամ երկրներին։ Բելառուսի նախագահ Ալեքսանդր Լուկաշենկոն հրաժարվել էր մասնակցել ԵՏՄ նիստին։

Հիշեցնենք, որ Սերժ Սարգսյանը երեկ մեկնել էր Սանկտ Պետերբուրգ՝ մասնակցելու Եվրասիական տնտեսական բարձրագույն խորհրդի նիստին, ապա Հավաքական անվտանգության պայմանագրի կազմակերպության (ՀԱՊԿ) Հավաքական անվտանգության խորհրդի նստաշրջանին։

ԱՄԵՆԱԿԱՐԴԱՑՎԱԾ ԼՈՒՐԵՐ

Պետդուման վավերացրել է ԵԱՏՄ-ի Մաքսային օրենսգրքի մասին պայմանագիրը

ՌԴ Պետդուման վավերացրել է Եվրասիական տնտեսական միության Մաքսային օրենսգրքի մասին պայմանագիրը, տեղեկացնում է ՏԱՍՍ-ը: Փաստաթուղթը ԵԱՏՄ-ի անդամ հինգ պետությունների՝ Ռուսաստանի, Բելառուսի, Հայաստանի, Ղազախստանի եւ Ղրղզստանի ղեկավարների կողմից ստորագրվել է 2017 թվականի ապրիլի 11-ին: Ենթադրվում է, որ օրենսգիրքն ուժի մեջ կմտնի մասնակից բոլոր հինգ երկրներից պայմանագրի վավերացման վերաբերյալ ծանուցումներ ստանալուց հետո: Պլանավորվում է, որ դա տեղի […]

ԵԱՏՄ տարածքում կստեղծվի փորձագիտական գրասենյակ՝ ԵԱՏՀ կոլեգիայի ղեկավարությամբ

«Արմենպրես»-ի փոխանցմամբ` այս մասին լրագրողներին տեղեկացրեց Եվրասիական տնտեսական հանձնաժողովի (ԵԱՏՀ) կոլեգիայի նախագահ Տիգրան Սարգսյանը:

«Մենք պատրաստ ենք մասնակցություն ունենալ Իրանի հետ ազատ տնտեսական գոտու զարգացման գործում». Դմիտրի Մեդվեդևը՝ Մեղրիի ԱՏԳ-ի մասին

Եթե ԵԱՏՄ մեր բարեկամները ու գործընկերները ստեղծում են նման ազատ տնտեսական գոտի Իրանի հետ, մենք պատրաստ ենք մասնակցություն ունենալ դրա զարգացման գործում, այդ թվում նաև՝ այնտեղ հրավիրելով մեր ռուսական բիզնեսը